Daniɛli 2:29 - Bibeli do fee

²⁹ Ilaalu lafɛ̃ɛ, si waati iyi ì waa sũ, ì ce lasabu ŋa si gãmɛi mii ŋa iyi á na ku ce do waju. Nɔ inɛ iyi í jɛ woo fɔ asii ŋau í jɔ̀ ì mà mii iyi á na ku ce.

Daniɛli 2:29 Iomraidhean Croise

Kusintii Andunya 41:25

Ŋɔi Zozɛfu í sɔ̃ Faraɔ̃ í ni, mii akãi ì laala si bɛ. Ilaaɔ̃i wa nyisiɛ mii iyi nŋu á na ku ce.

Ezekiɛli 38:10

Amu Aɔ̃ Lafɛ̃ɛ ǹ ni, bii awaatiu bɛ í to wa, lasabu nkpɔ nkpɔi á naa siɛ, nɔ mii iyi aa dasi idɔ ku ce, kaa jɛ jiida.

Daniɛli 2:22

Nŋui í ya sisia inɛ mii iyi í jĩisa nɔ wa manji. Nŋui í mà mii iyi í wa si ilu kuku, nɔ bi titɛɛi inya kumá í wa.

Daniɛli 2:23

Aɔ̃ Lafɛ̃ɛi balam ŋa, ǹ saabuɛi nɔ ǹ wa n cĩɛ na laakai jiida do gbugbã iyi ì muum, domi awɔi ì jɔ̀ ǹ mà yaasei mii iyi à tɔɔɛu. Ntɔ ntɔ, awɔi ì jɔ̀ à gbɔ yaasei mii iyi wa da zigii ilaaluu.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Daniɛli 2:45

Ide nŋui kuta iyi ì yɛ í ga wa hai si iri kuta iyi kù jɛ awɔi amanɛi í gaa wau wa fɔ. Kutau í cuku wai ku na ku lɛgɛ isɔu, do isɔ nkpau, do amàu, do isɔ fũfũu, do wurau ku nya fufu nŋa. Do yaase bɛɛbɛi Ilaaɔ̃ nla í bi ku jɔ̀ i mà mii iyi á na ku ce do waju. Alaɛu, kuyɛ gɔi iyi í jɛ ntɔ, nɔ kutusɛɛu mɔ, inɛ í nɛ ku dasi naanɛi.

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Amɔsu 4:13

Amɔsu í ni, inɛ iyi í ce iri kuta ŋa nɔ í taka fufu, nɔ í ya jɔ̀ amanɛ ku mà lasabuɛ ŋa, nɔ í ya kpaasi amɛɛjuumá ku baa ilu kuku, nɔ í ya maa nɛ si geete ŋa, iriɛi í jɛ Aɔ̃ Lafɛ̃ɛi lele do ilɛ.