Daniɛli 2:28 - Bibeli do fee

²⁸ Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Daniɛli 2:28 Iomraidhean Croise

Kusintii Andunya 40:8

Ŋɔi à jɛaa à ni, à laalai nɔ wee a kù ba inɛ iyi á tusɛ nwa yaaseɛ. Ŋɔi Zozɛfu í bee ŋa má í ni, kù jɛ Ilaaɔ̃i í ya tusɛ yaasei mii fei ba. Na nŋu, i sisiim ala nŋɛ ŋau wa.

Kusintii Andunya 41:16

Ŋɔi Zozɛfu í jɛa Faraɔ̃ í ni, kù jɛ amu, Ilaaɔ̃i á tusɛɛ do yaase jiida.

Kusintii Andunya 41:25

Ŋɔi Zozɛfu í sɔ̃ Faraɔ̃ í ni, mii akãi ì laala si bɛ. Ilaaɔ̃i wa nyisiɛ mii iyi nŋu á na ku ce.

Kusintii Andunya 49:1

Si anyiɛ ŋɔi Zakɔbu í kpe amaɛ ŋa í ni, i tɔtɔɔ wa ŋa. An sisi nŋɛ mii iyi á na ku ba ŋɛ.

Iri ku kɔ̃ 115:3

Ilaaɔ̃ Lafɛ̃ɛ nwa lelei í wa. Nɔ mii iyi í bi feii í ya ce.

Ezai 2:2

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Zeremi 10:7

Yooi kaa ce njoɛ, awɔ ilaalui ilɛ ŋa. Awɔi inɛ ŋa à nɛ a jirima, domi si ilu laakaii inɛi ilɛ ŋa fei, do si bomma ŋa fei, inɛ kãma kù yɛ bɛi awɔ.

Zeremi 30:24

Idɔɔkɔ̃ nlai Aɔ̃ Lafɛ̃ɛ kaa sũ bii kù kɔ̃ mii ŋa iyi í dasi idɔ ku ceu. Ajɔ wa naa iyi aa na i gbɔ yaaseɛ ŋa.

Zeremi 48:47

Amma bii í na í to waati gɔ, an jɔ̀ inɛi Moabu ŋa iyi à mu aru à nɛò ŋau a baa má. Amu Aɔ̃ Lafɛ̃ɛi ǹ fɔ bɛɛbɛ si gãmɛi ijuukpã iyi á jɛ ti inɛi Moabu ŋau.

Ezekiɛli 28:3

Ì waa tamaa si ì nɛ laakai ì re Daniɛli nɔ nkãma kù waa jɛɛ bɛi asii.

Ezekiɛli 38:16

Aa faata si inɛi Izirɛli inɛm ŋau wa ŋai. Aa bii si ŋa ŋai bɛi kudũi ijĩ í ya bii ilɛ. Iyi bɛ á na ku cei si awaati ŋa iyi wa naa do waju. An jɔ̀ i naa si ilɛi inɛm ŋa igũ ku ba inɛ ŋa a mà iyi amui ǹ jɛ Aɔ̃ Lafɛ̃ɛ.

Ezekiɛli 38:8

Si anyii adɔ̃ nkpɔ nkpɔ, kaa kpɛ má n jɔ̀ i lɔ si ilɛi Izirɛliu. Inɛɛ ŋa iyi à fita si igũu, aa baa mái hai ilɛ ikã ikã bii à wau. Nɔ aa tɔtɔɔ wa mái si iri kutai Izirɛli ŋa iyi à sa à jɔ̀ waati sisɔu. Hai a fita wa hai ilɛ mmu ŋau gbakã, aa naa a wɛɛi do laakai ku sũ.

Daniɛli 1:20

Ŋɔi ilaaluu í lɔsi ide ŋa ku bee ŋa si gãmɛi ide ŋa iyi í bee inɛ ku jɛ ilu laakai nɔ ku jɛ ilu bisi, nɔ í ba wee ide ku jɛ nŋa í sĩa í re ti woo ce alisi ŋa do ti woo ce dobu dobu ŋa iyi à wa si bommaɛu ikɔ mɛɛwa.

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 2:18

ku ba a tɔɔ araarei Ilaaɔ̃ Lafɛ̃ɛi lele si gãmɛi asiii alau bɛ, ku ba a maà a na a ce nfei nŋu Daniɛli do kpaasiɛ ŋa do woo mài Babilɔni ŋa iyi à gbe ŋau.

Daniɛli 2:22

Nŋui í ya sisia inɛ mii iyi í jĩisa nɔ wa manji. Nŋui í mà mii iyi í wa si ilu kuku, nɔ bi titɛɛi inya kumá í wa.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Daniɛli 2:45

Ide nŋui kuta iyi ì yɛ í ga wa hai si iri kuta iyi kù jɛ awɔi amanɛi í gaa wau wa fɔ. Kutau í cuku wai ku na ku lɛgɛ isɔu, do isɔ nkpau, do amàu, do isɔ fũfũu, do wurau ku nya fufu nŋa. Do yaase bɛɛbɛi Ilaaɔ̃ nla í bi ku jɔ̀ i mà mii iyi á na ku ce do waju. Alaɛu, kuyɛ gɔi iyi í jɛ ntɔ, nɔ kutusɛɛu mɔ, inɛ í nɛ ku dasi naanɛi.

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Daniɛli 4:5

Hee do ankãanyii Daniɛli nŋu iyi à ya nyi a kpe Bɛlitasaa má si yaasei kukpei iwɛ̃m í na í naa bi titom. Daniɛliu inɛ nŋu njɛ í nɛ iwɛ̃ jiida ŋa. Ŋɔi ǹ sisiaa alau.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Amɔsu 4:13

Amɔsu í ni, inɛ iyi í ce iri kuta ŋa nɔ í taka fufu, nɔ í ya jɔ̀ amanɛ ku mà lasabuɛ ŋa, nɔ í ya kpaasi amɛɛjuumá ku baa ilu kuku, nɔ í ya maa nɛ si geete ŋa, iriɛi í jɛ Aɔ̃ Lafɛ̃ɛi lele do ilɛ.

Kuka 24:14

Na nŋu nsɛi an sinda n nyi bi inɛm ŋa. Amma naa wa n sɔ̃ɛ mii iyi inɛi Izirɛli ŋau aa na a cea inɛɛ ŋa do ankãanyi.

Matie 6:9

Bɛi í sĩa i ya ce kutɔɔ ŋa wee. Ilaaɔ̃ Baa nwa iyi í wa lele, jɔ̀ inɛ fei ku mà iyi awɔi ì jɛ inɛ kumaaju.

Wooda ku kɔsi 31:19

Nsɛi, i kɔ iriu ihɛ̃ ŋa. Awɔ Moizi, awɔi aa kɔ inɛi Izirɛli ŋa si iriu. Kɔ ŋa si hee a màa, domi iriu bɛi á jɛ sɛɛdam si gãmɛ nŋa.

Wooda ku kɔsi 4:30

Si waati iyi mii ŋa iyi ǹ ka ŋau bɛ fei à na à ba ŋɛ, aa wɛɛò inɔ kufɔ ŋa, nɔ aa sinda i baa bi Aɔ̃ Lafɛ̃ɛ nŋɛ, nɔ i gbɔ ideɛ ŋa,

Timɔtee 2, 3:1

Í sĩa i mà ŋa iyi kuwɛɛ nwa á na ku gaabu si waatii ankãanyi.

Ebɛɛ 1:1

Tako bala nwa ŋa à gbɔ ide ku fɔi Ilaaɔ̃i hai si gɛlɛi waliiɛ ŋa isɛ fɛɛfɛlo si kpãa ikã ikã.

Piɛɛ 2, 3:3

Sinte, ǹ bi i mà ŋa iyi si waatii ankãanyi inɛ gɔ ŋa aa na a maa nɛ si idɔɔbi nŋa. Nɔ aa yaako ŋɛ

Kuyɛi Zãa 1:1

Si tiau ihɛ̃ ǹ kɔ asii ŋa iyi Jesu Kirisi í nya gbugbãa. Ilaaɔ̃i í naa kpãa ku nyisi woo dasi naanɛ woo ce icɛɛ ŋa mii ŋa iyi á na ku ce bii í kɔ̃ɔsi. Nɔ Kirisi í bɛ sim amaleka wa, amu Zãa woo ce icɛɛ, ku ba n mà mii ŋau.