Daniɛli 2:27 - Bibeli do fee

²⁷ Ŋɔi Daniɛli í jɛaa í ni, yaasei idei asii iyi ì waa beeu bɛ, ilu laakai ŋa, do woo ce dobu dobu ŋa, do woo ce alisi ŋa, do woo mà yaasei leleaɔ̃ ŋa, kãma nŋa kaa yɔkɔ ku tusɛɛ yaaseɛ.

Daniɛli 2:27 Iomraidhean Croise

Kusintii Andunya 40:8

Ŋɔi à jɛaa à ni, à laalai nɔ wee a kù ba inɛ iyi á tusɛ nwa yaaseɛ. Ŋɔi Zozɛfu í bee ŋa má í ni, kù jɛ Ilaaɔ̃i í ya tusɛ yaasei mii fei ba. Na nŋu, i sisiim ala nŋɛ ŋau wa.

Kusintii Andunya 41:8

Iyi iju í má daadaakɔu idɔi Faraɔ̃ kù sũ. Í kpe woo ce alisi ŋa do ilu bisi ŋa iyi à wa Ezibiti bɛ fei. Í sisi nŋa alaɛ ŋau, amma baa inɛ akã nŋa kù yɔkɔ ku mà yaasei ala ŋau.

Ezai 19:3

Í ni inɛi Ezibiti ŋau aa kua gbugbã, nɔ nŋu á fɔtɔtɔi lasabu nŋa ŋai. Waati bɛɛbɛ, aa koo a maa ce kubeei bi iwɛ̃ nŋa ŋa do bi woo ce alisi ŋa iyi à ya bee iku ŋa ide, walakɔ bi inɛi inɔɔko ŋa.

Ezai 44:25

Nyindai mii ŋa iyi ilu faau ŋa à fɔ ideɛ, amui ǹ ya n ganji ku ce, nɔ amui ǹ ya n fɔtɔtɔi lasabui woo ce alisi ŋa, nɔ amui ǹ ya n jɔ̀ ilu laakai ŋa a nyi do anyi, nɔ ǹ ya n jɔ̀ kumà nŋa ku baa ku jɛi bɛi idei sũmu.

Zeremi 10:7

Yooi kaa ce njoɛ, awɔ ilaalui ilɛ ŋa. Awɔi inɛ ŋa à nɛ a jirima, domi si ilu laakaii inɛi ilɛ ŋa fei, do si bomma ŋa fei, inɛ kãma kù yɛ bɛi awɔ.

Daniɛli 1:20

Ŋɔi ilaaluu í lɔsi ide ŋa ku bee ŋa si gãmɛi ide ŋa iyi í bee inɛ ku jɛ ilu laakai nɔ ku jɛ ilu bisi, nɔ í ba wee ide ku jɛ nŋa í sĩa í re ti woo ce alisi ŋa do ti woo ce dobu dobu ŋa iyi à wa si bommaɛu ikɔ mɛɛwa.

Daniɛli 2:2

Ŋɔi ilaalu í ni a kpe woo mà ŋa wa do woo ce alisi ŋa do woo ce dobu dobu ŋa do inɛi Kaladee ŋa ku ba a naa a sisiaa yaasei alaɛ ŋau. Ŋɔi inɛ ŋau à naa à na à leekĩ si wajuɛ.

Daniɛli 4:7

Waati iyi ǹ wa n sũ si antaii daayim, mii iyi ǹ yɛ wee. Ǹ yɛ jĩi nla nla gɔ wa leekĩ si aninii ilɛ.