Daniɛli 2:23 - Bibeli do fee

²³ Aɔ̃ Lafɛ̃ɛi balam ŋa, ǹ saabuɛi nɔ ǹ wa n cĩɛ na laakai jiida do gbugbã iyi ì muum, domi awɔi ì jɔ̀ ǹ mà yaasei mii iyi à tɔɔɛu. Ntɔ ntɔ, awɔi ì jɔ̀ à gbɔ yaasei mii iyi wa da zigii ilaaluu.

Daniɛli 2:23 Iomraidhean Croise

Kusintii Andunya 18:17

Ŋɔi Aɔ̃ Lafɛ̃ɛ í ni, n kaa n singaa Aburahamu mii iyi an ce,

Kusintii Andunya 31:42

Bii kù jɛ ǹ wa n tɔɔ Ilaaɔ̃ Lafɛ̃ɛi balam Aburahamu, nŋu iyi baam Izaaki mɔ wa ce njo, bii kù jɛ na irii Ilaaɔ̃u bɛ, ngbɛi aa lelem wo. Amma Ilaaɔ̃ í yɛ wahalam do icɛ ŋa iyi ǹ ce nɔ ana si alaɛu í sɔ̃ɛ dee dee ku jɛm.

Ilaalu 1, 18:36

Iyi waatii kuweeu í to, ŋɔi Elii waliiu í sɛkɛɛ si bi kuweeu nɔ í ni, Aɔ̃ Lafɛ̃ɛi Aburahamu do Izaaki do Izirɛli, jɔ̀ inɛ ŋa a mà nnyi iyi awɔi ì jɛ Ilaaɔ̃ nɔ ì jɛ Lafɛ̃ɛi Izirɛli. Jɔ̀ a mà iyi amui ǹ jɛ woo ce icɛɛ nɔ a mà iyi awɔi ì ni n ce mii ŋau ihɛ̃ fei.

Ilaalu 1, 8:57

Aɔ̃ Lafɛ̃ɛ nwa ku wɛɛ do awa bɛi í wɛɛ do bala nwa ŋa tako. Ku maà kɔ̀si wa má nɔ ku maà fũsi wa awɔ,

Bomma 1, 29:10

Ŋɔi Davidi wa saabu Aɔ̃ Lafɛ̃ɛ si wajui zamaau fei. Davidi wa ni, saabui í jɛ tɛɛ Aɔ̃ Lafɛ̃ɛi Izirɛli, awɔ iyi ì jɛ baa nwa hai tako hee do ajɔ fei.

Bomma 1, 29:13

Aɔ̃ Lafɛ̃ɛ, à waa saabuɛ, nɔ à waa cĩɛ.

Bomma 2, 20:6

Ŋɔi í ni, Aɔ̃ Lafɛ̃ɛi bala nwa ŋa, awɔ iyi ì waa mu bommai lele nɔ ì nɛ gbugbã si bommai ilɛ ŋa fei. Ì nɛ gbugbã nɔ inɛ kãma kaa kɔ̀ò araɛ si wajuɛ.

Iri ku kɔ̃ 21:2

Aɔ̃ Lafɛ̃ɛ, ilaaluu í ya nɛ inɔ didɔ̃i na gbugbãɛ, inɔ didɔ̃ nla nlai í ya wɛɛò na faabaɛ.

Iri ku kɔ̃ 21:4

Wee ì naa bi tɛɛ do kuwee jiida ŋa, nɔ ì daa si fulai wura alala gɔ.

Iri ku kɔ̃ 25:14

Inɛ ŋa iyi à mà bɛɛrɛi Aɔ̃ Lafɛ̃ɛ, aŋai í ya maa kɔ nɔ aŋai í ya jɔ̀ a mà asiiɛ. Í ya ce bɛɛbɛi ku ba ku jɔ̀ a mà akabuuɛu.

Iri ku kɔ̃ 50:14

Saabui í nɛ ku jɛ kuwee iyi aa cea amu Ilaaɔ̃ Lafɛ̃ɛɛ nɔ i kɔ̃ kuwã ŋa iyi ì ce si gãmɛi amu iyi ǹ wa hee lele.

Kufita 3:15

Ilaaɔ̃ í sɔ̃ Moizi má í ni, koo sɔ̃ inɛi Izirɛli ŋa i ni, Aɔ̃ Lafɛ̃ɛi ì bɛm wa bi tu ŋɛ. Lafɛ̃ɛi bala nŋɛ ŋa, Lafɛ̃ɛi Aburahamu, do Izaaki, do Zakɔbu. Iyi bɛi í jɛ irim hee do ajɔ fei. Bɛɛbɛi inɛ ŋa aa maa kpem hee do dimii ama nŋa ŋa fei.

Mɔnda ŋa 21:22

Ilu bisi í ya bɔ igũi si ilui kaasãanɛ ŋa nɔ ku kɛkɛ bindi iyi à waa kaabau.

Mɔnda ŋa 24:5

Inɛ iyi í nɛ laakaii í jɛ ilu gbugbã, nɔ inɛ iyi í nɛ kumà, gbugbãɛ í ya maa kɔ̃ɔsi.

Mɔnda ŋa 8:14

Bi tom nii inɛ á ba ikɔ jiida do kumà. Amui ǹ jɛ bisi, nɔ amui ǹ nɛ gbugbã.

Woo lasabu 7:19

Bisi í ya jɔ̀ ilu bisi ku nɛ gbugbã ku re ilaalu mɛɛwa ŋa iyi à waa mu ilu akã.

Woo lasabu 9:16

Na ŋɔi í jɔ̀ amu ǹ ni, í tia i nɛ bisi do iyi aa jɛ ilu gbugbã, amma do nŋu fei a ci ya saalu bisii ilu are, nɔ ide ŋa iyi wa fɔ a ci ya desi itĩ.

Woo lasabu 9:18

Bisi í tia jĩnɛi igũ ŋa, amma ilu dulum akã í ya bɛjɛ mii jiida nkpɔ.

Ezai 12:1

Iŋɛ inɛi Izirɛli ŋa, iŋɛ iyi Aɔ̃ Lafɛ̃ɛ í faaba, ajɔ nŋu bɛi aa ni ŋa, à waa saabuɛ Aɔ̃ Lafɛ̃ɛ, domi baa do iyi idɔɛ í kɔ̃ si wa fei wo, idɔɔkɔ̃ɛu í sũ nɔ ì tũ idɔ nwa.

Zeremi 33:3

kpem nɔ n jɛɛ. An sisiɛ mii nla nla ŋa, mii ŋa iyi wa manji iyi i kù mà wo.

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 2:18

ku ba a tɔɔ araarei Ilaaɔ̃ Lafɛ̃ɛi lele si gãmɛi asiii alau bɛ, ku ba a maà a na a ce nfei nŋu Daniɛli do kpaasiɛ ŋa do woo mài Babilɔni ŋa iyi à gbe ŋau.

Amɔsu 3:7

Ntɔ ntɔ Aɔ̃ Lafɛ̃ɛ kaa ce ngɔgɔ iyi kù sɔ̃ walii woo ce icɛɛ ŋa si asii titã.

Matie 11:25

Waati bɛɛbɛ ŋɔi Jesu í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa.

Luku 10:21

Si waati akãu, inɔi Jesu í dɔ̃ jiida jiida do gbugbãi Hundei Ilaaɔ̃ nɔ í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa. Í sĩa Baaba, si na iyi í jɔ̀ bɛɛbɛi ì bi.

Laabaau jiida iyi Zãa í kɔ 11:41

Si anyiɛ ŋɔi à tale kutau hai bɛ. Nɔ Jesu í wu iju lele í ni, Baam, ǹ wa n saabuɛ si na iyi í jɔ̀ ì gbɔ kutɔɔm.

Laabaau jiida iyi Zãa í kɔ 15:15

N kaa n kpe ŋɛ aru má, domi aru ci ya mà mii iyi lafɛ̃ɛɛ wa ce. Amma ǹ wa n kpe ŋɛ kpaasi ŋa si na iyi í jɔ̀ mii iyi ǹ gbɔ hai bi Baam fei, nŋui ǹ sɔ̃ ŋɛ bɛ.

Kuyɛi Zãa 1:1

Si tiau ihɛ̃ ǹ kɔ asii ŋa iyi Jesu Kirisi í nya gbugbãa. Ilaaɔ̃i í naa kpãa ku nyisi woo dasi naanɛ woo ce icɛɛ ŋa mii ŋa iyi á na ku ce bii í kɔ̃ɔsi. Nɔ Kirisi í bɛ sim amaleka wa, amu Zãa woo ce icɛɛ, ku ba n mà mii ŋau.

Kuyɛi Zãa 5:5

Ŋɔi inɛ akãi inɛ ngbo ŋau í sɔ̃m í ni, maà kpata. Muusu nla iyi í fita hai si dimii Zudaa iyi í jɛ tɔkui Davidiu í jɛ igũ, á yɔkɔ ku ga sɛɛda mɛɛje ŋau nɔ ku fũ tiau.