Daniɛli 2:22 - Bibeli do fee

²² Nŋui í ya sisia inɛ mii iyi í jĩisa nɔ wa manji. Nŋui í mà mii iyi í wa si ilu kuku, nɔ bi titɛɛi inya kumá í wa.

Daniɛli 2:22 Iomraidhean Croise

Kusintii Andunya 41:16

Ŋɔi Zozɛfu í jɛa Faraɔ̃ í ni, kù jɛ amu, Ilaaɔ̃i á tusɛɛ do yaase jiida.

Zɔɔbu 12:22

Nŋui í ya nya ilu kukui bi kuwai iku ŋa, nɔ ku naaò inya kumá wa.

Zɔɔbu 26:6

Nkãma kù waa manjia Ilaaɔ̃ si bi kuwai iku ŋa. Mii fei í wai gbugbãa.

Iri ku kɔ̃ 104:2

Ì bii araɛi do inya kumá bɛi ibɔ nla, nɔ ì tɛ lele bɛi acɔ.

Iri ku kɔ̃ 25:14

Inɛ ŋa iyi à mà bɛɛrɛi Aɔ̃ Lafɛ̃ɛ, aŋai í ya maa kɔ nɔ aŋai í ya jɔ̀ a mà asiiɛ. Í ya ce bɛɛbɛi ku ba ku jɔ̀ a mà akabuuɛu.

Iri ku kɔ̃ 36:9

Si kpasɛ̃ɛ, ì ya mu nŋa ijɛ jiida nkpɔ nkpɔ. Ì ya jɔ̀ a ba jiida ku jɛɛ iyi í yɛ bɛi inyii ido a maa mɔ.

Woo lasabu 8:1

Yooi í jɛ ilu laakai ntɔ ntɔ. Yooi á yɔkɔ ku sisi yaasei ide ŋau ihɛ̃. Ilu laakai, wajuɛ í ya sĩai, ci ya jɔ̀ zigii inɛ ku da.

Ezai 41:22

I nyisi wa iyi ì jɛ ntɔ ŋa nɔ i sɔ̃ wa mii ŋa iyi á na ku ce ŋa. I sɔ̃ wa bɛi mii ndii tako ŋau à ce ŋa, nɔ ka ce si lasabu ku ba ka mà iyi á na ku naa. Walakɔ mii ŋa iyi á na ku ce ŋau, i jɔ̀ ka gbɔ iba nŋa ŋa.

Ezai 41:26

Yooi í fɔ ideɛ hai sinte ku ba ka wɛɛò kumàsiɛ. Yooi í tako í fɔ ideɛ hai ku kpɛ hee ka ni í nɛ ntɔ, domi bɛi í fɔu, bɛɛbɛi í ce dee dee. Inɛ kãma kù fɔ baauɛ nɔ inɛ kãma kù fɔ ideɛ a kù gbɔ. Inɛ kãma mɔ kù gbɔ ide nŋɛ gɔ.

Ezai 42:9

Mii ndii tako ŋa à ce à lɔ tã. Bɛbɛi, idei mii titɔ̃ ŋa iyi á na ku cei ǹ wa n fɔ. Nɔ ǹ wa n sɔ̃ ŋɛi hee ku na ku maa ce.

Ezai 45:7

Amui ǹ ya n ce inya kumá, nɔ amui ǹ ya n ce ilu kuku. Amui ǹ ya n naaò laakai ku sũ wa, nɔ amui ǹ ya n naaò wahala mɔ wa. Amu Aɔ̃ Lafɛ̃ɛi ǹ ya n ce fei ndɛɛ.

Zeremi 23:24

Ŋɔi Aɔ̃ Lafɛ̃ɛ í nyi í bee má í ni, inɛ gɔ á yɔkɔ ku manji bii gɔ iyi n kù yɔɔi? Ǹ wai bii fei, lele do ilɛ.

Zeremi 33:3

kpem nɔ n jɛɛ. An sisiɛ mii nla nla ŋa, mii ŋa iyi wa manji iyi i kù mà wo.

Daniɛli 2:11

Ilaalu, mii iyi ì waa beeu bɛ, í gaabu ntɔ ntɔ. Inɛ kãma kaa yɔkɔ ku jɛɛ ideu bɛ, í gbe iwɛ̃ ŋa aŋa akã, amma wee ngu ŋa a kù wa si inɔi inɛi andunya ŋa ihɛ̃.

Daniɛli 2:19

Ŋɔi Ilaaɔ̃ í sɔ̃ Daniɛli yaasei alau si kuyɛ iyi í ce idũ. Ŋɔi Daniɛli í saabu Ilaaɔ̃ Lafɛ̃ɛi leleu.

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Daniɛli 5:14

Ǹ gbɔ à ni iwɛ̃ jiida gɔ ŋa à wa siɛ, nɔ bi titɛɛi à ya ba inya kumá ŋa do kumà do laakai iyi í wɛɛ dimi ikã.

Matie 13:13

Inɛ ŋau, à ya maa cɔ ilu amma a kù waa yɛ, nɔ à waa sɔ̃ ŋa ide amma a kù waa gbɔ yaaseɛ. Na ŋɔi i jɔ̀ ǹ ya n maa n sɔ̃ ŋa ide do mɔnda.

Laabaau jiida iyi Zãa í kɔ 1:9

Inya kumáu nŋu akãi í jɛ inya kumá ntɔ iyi í naa si andunya ku ba ku jɔ̀ inɛ fei ku yɛ ilu.

Laabaau jiida iyi Zãa í kɔ 21:17

Nɔ í sisi í beeɛ má isɛ gbɛɛtasia í ni, Simɔɔ amai Zãa, ì bim? Nɔ inɔi Piɛɛ í fɔ do si bɛi í beeɛ isɛ gbɛɛtasia í ni, ì bim? Ŋɔi Piɛɛ í jɛaa í ni, Lafɛ̃ɛ, ì mà fei ndɛɛ, ì mà kãm kãm iyi ǹ biɛ. Nɔ Jesu í sɔ̃ɔ í ni, to, gbã angudãm ŋa.

Laabaau jiida iyi Zãa í kɔ 8:12

Si anyii nŋu, Jesu í ba inɛ ŋa ide ku fɔ má í ni, amui ǹ jɛ inya kumái andunya. Inɛ iyi wa toom á nɛ inya kumá iyi á jɔ̀ inɛ ku ba kuwɛɛ, kaa maa nɛ si ilu kuku.

Kɔrɛnti 1, 4:5

Na nŋu, i maà kiiti inɛ kãma hai waati iyi Ilaaɔ̃ í jilɛu kù to. I degbe ajɔ iyi Lafɛ̃ɛ á nyi wa ŋa. Mii iyi wa manji si ilu kuku fei á jɔ̀ ku fita bantuma, nɔ ku jɔ̀ a mà lasabui idɔi amanɛ ŋa. Waati bɛɛbɛi, inɛ fei á gbɔ saabu iyi í jɛ tɛɛ hai bi Ilaaɔ̃.

Efɛɛzu 3:5

A kù sɔ̃ inɛi tako ŋa asiii ideu, amma nsɛi Ilaaɔ̃ í jɔ̀ Hundeɛ í nyisi woo bɛ do walii kumáɛ ŋa.

Wooda ku kɔsi 29:28

Mii iyi wa singa, Aɔ̃ Lafɛ̃ɛ nŋu akãi í màa. Amma mii iyi í nyisi wa, nŋui awa à ya ka mà hee do ajɔ fei hai awa hee do tɔku nwa ŋa fei ku ba ka ceò idei wooda ŋau fei icɛ.

Timɔtee 1, 6:16

Nŋu akãi í jɛ inɛ iyi ci ya ku. Nɔ í wa si inya kumá iyi inɛ gɔ kaa yɔkɔ ku maai si. Inɛ gɔ kù yɔɔ, nɔ inɛ gɔ kaa yɔkɔ ku yɔɔ mɔm. Nŋui í nɛ bɛɛrɛ do gbugbã iyi ci ya tã. Ami.

Ebɛɛ 4:13

Nkãma kù wɛɛ iyi wa manjia Ilaaɔ̃ woo taka. Fei ndɛɛ í cĩ wa jilɛi si wajuɛ. Nɔ nŋui awa fei aa ka tusɛa kuwɛɛ nwa.

Zaaki 1:17

Amua jiida do amua kusĩa baa yooma fei hai lelei Aɔ̃i í ya naa. Wa naai hai bi Ilaaɔ̃ Baaba, nŋu iyi í ce inya kumái lele ŋa. Ilaaɔ̃ ci ya kpaasi nɔ ilu kuku kù wa siɛ.

Zãa 1, 1:5

Laabaau iyi à gbɔ hai bi Jesu Kirisi, nɔ à waa sisi nŋɛ wee. Ilaaɔ̃i í jɛ inya kumá, ilu kuku kãma kù wa siɛ.