Daniɛli 2:21 - Bibeli do fee

²¹ Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 2:21 Iomraidhean Croise

Ilaalu 1, 10:24

Inɛ ŋa à ya maa naai hai bii fei ku ba a yɛ Salomɔɔ nɔ a gbɔ bisi iyi Ilaaɔ̃ í daa si idɔ.

Ilaalu 1, 3:28

Inɛi Izirɛli fei í gbɔ bɛi ilaaluu í ce kiitiu. Nɔ inɛ fei wa jirimaɛ domi à yɛ iyi bisii Ilaaɔ̃ í wa siɛ í ceò kiitiu si ntɔ.

Bomma 1, 22:12

Aɔ̃ Lafɛ̃ɛ ku muɛ laakai jiida do bisi waati iyi á jɔ̀ i jɛ bomma si ilɛi Izirɛli ku ba i maa jirima woodaɛ ŋa.

Bomma 1, 29:30

À kɔ fei ndɛɛi, hai bomma ku jɛɛ do igũ ŋa iyi í jɛ fei, do mii ŋa iyi í ce si waatiɛ si ilɛi Izirɛli do si bommai ilɛ mmu ŋau fei.

Ɛsitɛɛ 1:13

Ŋɔi ilaaluu í sɔ̃ ilu bisi ŋa, aŋa iyi à nɛ kumài waati ŋau. Bɛɛbɛi ilaaluu í ya ce wũaɛ ŋa si wajui inɛ ŋa iyi à mà wooda ŋa do asaiya ŋa.

Zɔɔbu 12:18

Nŋui í ya leekĩ gbugbãi ilaalu ŋa nɔ ku dĩ nŋa ikũi aru ŋa.

Kufita 31:3

nɔ ǹ jɔ̀ í kɔ̃ò hundem ku ba ku nɛ bisi nɔ ku mà icɛ dimi ikã ikã fei sãa sãa ku ce.

Kufita 31:6

Nɔ ǹ jɔ̀ Oholiabu amai Ahisamaki iyi í jɛ dimii Dãa í jɛ minjisiaɛ si icɛu. Nɔ ǹ jɔ̀ inɛ gɔ ŋa mɔ à nɛ bisi iyi aa yɔkɔ a ceò icɛ iyi ǹ ni i ceu fei.

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 10:1

Si bomma ku jɛi Sirusi ilaalui Pɛɛsi, si adɔ̃ mɛɛtasiaɛ, Ilaaɔ̃ í ba Daniɛli nŋu iyi à ya kpe Bɛlitasaau ide ku fɔ. Ideu ntɔi, igũ nla nlai á wɛɛ. Ŋɔi í lasabu si ideu, nɔ í gbɔ yaaseɛ.

Daniɛli 11:6

Waati iyi adɔ̃ á na ku lɔ keeke, aa dĩ akabuui, nɔ ama inaaboi ilaalui awɔ cangai kpãai inunuu á naa bi ilaalui awɔ njɛi kpãai inunu ku ba a dĩ akabuu a ce abɔdɔ̃. Amma kaa maa mu gbugbãɛu má, nɔ mɔkɔɛu mɔ takaɛ kaa maa wɛɛ si hunde, nɔ ama nŋa mɔ kaa maa wɛɛ. Abou takaɛ mɔ kaa wɛɛ waati bɛɛbɛ má, hee do inɛi anyiɛ ŋa do baaɛ do mɔkɔɛu fei.

Daniɛli 2:20

Nɔ í ni, ka maa saabu Ilaaɔ̃ waati kãma fei. Bi titɛɛi laakai jiida do gbugbã fei à wa.

Daniɛli 2:23

Aɔ̃ Lafɛ̃ɛi balam ŋa, ǹ saabuɛi nɔ ǹ wa n cĩɛ na laakai jiida do gbugbã iyi ì muum, domi awɔi ì jɔ̀ ǹ mà yaasei mii iyi à tɔɔɛu. Ntɔ ntɔ, awɔi ì jɔ̀ à gbɔ yaasei mii iyi wa da zigii ilaaluu.

Daniɛli 2:9

Ǹ mà iyi ì tã sɔɔlu i sɔɔm ibo ŋai do ide ŋa iyi aa dasi inɛ ku nyɔ hee waatiu ku maa kpaasi. Ntɔ ntɔ, bii i kù jɔ̀ n kù mà yaasei alam nɔu ŋa, ijuukpã dimi akãi á ba iŋɛ fei. To, i sɔ̃m ala iyi ǹ ceu wa ŋa ku ba n mà iyi aa yɔkɔ i tusɛɛm yaaseɛ ŋa.

Daniɛli 4:14

Idei ijuukpã iyi à fɔ à jilɛu bɛ, amalekai Ilaaɔ̃ ŋa, aŋa iyi à jɛ woo degbe andunyau, aŋai à jɔ̀ à gbɔɔ. Do yaase bɛɛbɛ, ilu hunde baa yooma fei á mà iyi Ilaaɔ̃ nŋu iyi í wa hee lelei í jɛ lafɛ̃ɛi bommai amanɛ ŋa. Nɔ inɛ iyi í bii í ya na. Nɔ á yɔkɔ ku soo mɔm ku na baa inɛ iyi inɛ ŋa a kù waa saalu.

Daniɛli 4:17

Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 4:22

Aa leleɛi hai si inɔi amanɛ ŋa, nɔ aa koo i wai si inɔi mɛɛmui sako ŋa. Fɔfɔi aa ya maa jɛ bɛi kɛtɛ ŋa. Ikpãi á ya maa tontoo siɛ wa hai lele, nɔ bɛɛbɛi aa maa wɛɛ hee ku bɔ adɔ̃ mɛɛje. Bii adɔ̃ mɛɛjeu bɛ í koo í tã, aa mà iyi Ilaaɔ̃ iyi í wa leleui í jɛ Lafɛ̃ɛi bommai amanɛ ŋa, nɔ bommau nŋui í ya na inɛ iyi í bi.

Daniɛli 4:32

Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Romu 13:1

Inɛ fei ku jirima inɛ ngboi ilɛɛ, domi inɛ ngbo kãma kù wɛɛ iyi kù jɛ do kumàsii Ilaaɔ̃. Inɛ ngbo ŋa iyi à wɛɛ fei Ilaaɔ̃i í jilɛ ŋa.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Zaaki 1:17

Amua jiida do amua kusĩa baa yooma fei hai lelei Aɔ̃i í ya naa. Wa naai hai bi Ilaaɔ̃ Baaba, nŋu iyi í ce inya kumái lele ŋa. Ilaaɔ̃ ci ya kpaasi nɔ ilu kuku kù wa siɛ.

Zaaki 1:5

Do nŋu fei bii bisi í na wa gaizia inɛ akã nŋɛ gɔ, ku tɔɔ Ilaaɔ̃, nŋu iyi í ya mua inɛ fei do inɔ akã hai nɛ kugbagba.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.