Daniɛli 2:20 - Bibeli do fee

²⁰ Nɔ í ni, ka maa saabu Ilaaɔ̃ waati kãma fei. Bi titɛɛi laakai jiida do gbugbã fei à wa.

Daniɛli 2:20 Iomraidhean Croise

Kusintii Andunya 14:20

Ka saabu Ilaaɔ̃ iyi í re mii fei, nŋu iyi í daɛ mbɛɛ ŋa si awɔ. Nɔ andi mii iyi Aburamu í ba wa, si mɛɛwa fei í nya akã í naa.

Ilaalu 1, 8:56

ǹ saabu Aɔ̃ Lafɛ̃ɛ iyi í mua zamaaɛ kusĩmi si bɛi í ce kuwãɛ ŋau. Kuwã didɔ̃ɛ ŋa iyi Moizi woo ce icɛɛ í sɔ̃ wa fei, baa akã kù gbe iyi kù ce.

Bomma 1, 29:20

Ŋɔi Davidi í sɔ̃ zamaau fei í ni, i saabu Aɔ̃ Lafɛ̃ɛ nŋɛ ŋa. Nɔ inɛ ŋau fei à saabu Aɔ̃ Lafɛ̃ɛi bala nŋa ŋau. À gulɛ à sɛɛbata si wajui Aɔ̃ Lafɛ̃ɛ do si wajui ilaaluu.

Bomma 2, 20:21

Ŋɔi aŋaò zamaa ŋau à ce anu akã à so woo kɔ̃ iri ŋa. À waa dasi jĩnɛ kumá ŋa à cuaa sooge ŋau, à cĩ Aɔ̃ Lafɛ̃ɛ à waa ni, i saabu Aɔ̃ Lafɛ̃ɛ ŋa, domi araareɛ í wɛɛi do ajɔ fei.

Neemi 9:5

Si anyiɛ inɛi Levii gɔ ŋa mɔ à saabu Ilaaɔ̃. Aŋa iyi à saabu Ilaaɔ̃ ŋau wee. Zozue do Kadimiɛli do Bani do Hasabunia do Serebia do Hodiya do Sebania do Petaya. Aŋai à sɔ̃ zamaa à ni a dede a saabu Aɔ̃ Lafɛ̃ɛ nŋau hai nnyi hee do ajɔ fei. Nɔ à ni, Aɔ̃ Lafɛ̃ɛ, jɔ̀ inɛ fei ku saabuɛ, awɔ iyi í nɛ amboe nla nla. Amboeɛu í kpeeò ku fɔ do gɛlɛ.

Zɔɔbu 12:13

Bi Ilaaɔ̃i laakai do gbugbã à wa. Nŋui í nɛ ikɔ do bisi.

Iri ku kɔ̃ 113:1

I saabu Aɔ̃ Lafɛ̃ɛ ŋa. Iŋɛ woo ce icɛi Aɔ̃ Lafɛ̃ɛ ŋa, i saabuɛ ŋa. I saabu Aɔ̃ Lafɛ̃ɛ ŋa.

Iri ku kɔ̃ 113:2

I saabu Aɔ̃ Lafɛ̃ɛ ŋa hai nsɛi hee do ajɔ fei.

Iri ku kɔ̃ 115:18

Amma awa, aa ka maa cĩ Aɔ̃ Lafɛ̃ɛi hai nsɛi hee do ajɔ fei. I saabu Aɔ̃ Lafɛ̃ɛ ŋa.

Iri ku kɔ̃ 147:5

Aɔ̃ Lafɛ̃ɛ nwa í la, nɔ gbugbãɛ í caa. Bisiɛ kù nɛ kɔɔ.

Iri ku kɔ̃ 41:13

Awɔi aa sobim si dee dee ku jɛm nɔ i maa mum bi tɛɛ hee do ajɔ fei.

Iri ku kɔ̃ 50:23

Inɛ iyi í mà bɛɛrɛm, saabui í nɛ ku jɛ kuwee iyi á ya ceem. Nɔ inɛ iyi wa ce laakai si isɛɛnɛɛ, an faabaɛ.

Iri ku kɔ̃ 62:11

I maà jɔ̀ naanɛ nŋɛ ku wa si gbugbã ku taa inɛ ŋa. I maà jɔ̀ lasabu nŋɛ ku wa si ile ŋa. Baa bii amani nŋɛ í la wa kɔ̃ɔsi i maà jɔ̀ lasabu nŋɛ fei ku wa si bɛ.

Mɔnda ŋa 8:14

Bi tom nii inɛ á ba ikɔ jiida do kumà. Amui ǹ jɛ bisi, nɔ amui ǹ nɛ gbugbã.

Zeremi 32:19

Awɔi ì ya ce sɔɔlui mii nla nla ŋa, nɔ a cei do gbugbã. Ijuɛ í ya maa kãsi mii iyi amanɛ ŋa à waa ce feii, nɔ ì ya cea inɛ feii bɛi isɛɛnɛi lafɛ̃ɛ í yɛ do bɛi daa ŋa iyi lafɛ̃ɛ wa ce í yɛ.

Ezekiɛli 28:3

Ì waa tamaa si ì nɛ laakai ì re Daniɛli nɔ nkãma kù waa jɛɛ bɛi asii.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.

Kuyɛi Zãa 5:12

À dɔ̃ anu à waa ni, ama angudã iyi à ceò kuweeu wo í to ku ba yiiko do amani do kumà do gbugbã do bɛɛrɛ do amboe do saabu.