Daniɛli 2:19 - Bibeli do fee

¹⁹ Ŋɔi Ilaaɔ̃ í sɔ̃ Daniɛli yaasei alau si kuyɛ iyi í ce idũ. Ŋɔi Daniɛli í saabu Ilaaɔ̃ Lafɛ̃ɛi leleu.

Daniɛli 2:19 Iomraidhean Croise

Zɔɔbu 4:13

Waati iyi inɛ í ya maa lasabu do zigiida si kuyɛ ŋa iyi í ce idũ, do si waati iyi amanɛ ŋa à waa sĩ njoo,

Iri ku kɔ̃ 25:14

Inɛ ŋa iyi à mà bɛɛrɛi Aɔ̃ Lafɛ̃ɛ, aŋai í ya maa kɔ nɔ aŋai í ya jɔ̀ a mà asiiɛ. Í ya ce bɛɛbɛi ku ba ku jɔ̀ a mà akabuuɛu.

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 2:22

Nŋui í ya sisia inɛ mii iyi í jĩisa nɔ wa manji. Nŋui í mà mii iyi í wa si ilu kuku, nɔ bi titɛɛi inya kumá í wa.

Daniɛli 4:26

Si waatii iri ku kpai adɔ̃ akã, ŋɔi ilaalu í dede wa dabii si antaii sikifai kabai bommai ilɛi Babilɔniu.

Daniɛli 4:9

Jĩi nɔu, wuaɛ ŋa à sĩa, nɔ isoɛ ŋa à kpɔ bɛi inɛ fei á ba iyi á jɛ. Si abɛɛ bɛi mɛɛmui sako ŋa à ya sũ, nɔ si amaawɔɛ ŋaui yɛi ŋa à ya de. Mii ilu hunde fei, bi tɛɛ bɛi à ya ba sɔnda nŋa.

Daniɛli 7:2

Daniɛli í ni, si kuyɛ iyi ǹ ce idũu, ǹ yɛ fufu wa naa hai bii fei wa yaga tenku nlau.

Daniɛli 7:7

Si anyiɛ, si kuyɛ ŋa iyi ǹ ce idũu, ǹ yɛ mɛɛmu mɛɛsia kugaabu gɔ iyi á mu inɛ njo, nɔ gbugbãɛ í ce dimi ikã ntɔ ntɔ. Inyíɛ ŋa do isɔi à coo nla nla. Í ya ŋɔ inɛi nɔ ku ga mii iyi í ba fei. Mii iyi kù waa ŋɔ, í ya tɛɛsɛɛi do kutɛɛ ŋa kú lɛgɛɛ. Inɛ nŋu í nya ikã do mɛɛmu sinte mɛɛta ŋau, nɔ í nɛ ngo mɛɛwa.

Amɔsu 3:7

Ntɔ ntɔ Aɔ̃ Lafɛ̃ɛ kaa ce ngɔgɔ iyi kù sɔ̃ walii woo ce icɛɛ ŋa si asii titã.

Kuka 12:6

Nɔ í sɔ̃ ŋa í ni, i de itĩ i gbɔ idem ku ce ncɛɛ ŋa, bii walii gɔ í wa inɔ nŋɛ, si kuyɛi amu Aɔ̃ Lafɛ̃ɛ ǹ ya n nyisiɛ aram, nɔ si alai ǹ ya n baa ide ku fɔ.

Zozue 22:33

Ŋɔi ideu í ye ŋa hee à waa saabu Aɔ̃ Lafɛ̃ɛ. Nɔ a kù fɔ idei aŋa a koo si dimii Rubɛ̃ɛ ŋau do dimii Gadi ŋau igũ má.