Daniɛli 2:18 - Bibeli do fee

¹⁸ ku ba a tɔɔ araarei Ilaaɔ̃ Lafɛ̃ɛi lele si gãmɛi asiii alau bɛ, ku ba a maà a na a ce nfei nŋu Daniɛli do kpaasiɛ ŋa do woo mài Babilɔni ŋa iyi à gbe ŋau.

Daniɛli 2:18 Iomraidhean Croise

Kusintii Andunya 18:28

Á yɔkɔ ku jɛ si amanɛ ciitaa ŋa iyi à jɛ dee deeu, miiu kù wa si. Na amanɛ miiu iyi í gaiziau, aa kpa inɛi ilu ŋau fei? Ŋɔi Aɔ̃ Lafɛ̃ɛ í ni, bii ǹ ba amanɛ jiida ciiji do miiu n kaa n kpa iluu má.

Iri ku kɔ̃ 136:26

I saabu Ilaaɔ̃ nŋu iyi í wa leleu ŋa, domi kubiɛ í ya maa wɛɛi hee do ajɔ fei.

Iri ku kɔ̃ 50:15

Kpem ajɔ iyi ì wa si inɔ kufɔ, an jɛɛ, n nyaɛ nɔ i mà bɛɛrɛm.

Iri ku kɔ̃ 91:15

Bii í kpem, an jɛaa, nɔ si waatii wahala, an wɛɛ do nŋu. An faabaɛ nɔ n jɔ̀ ku nɛ bɛɛrɛ.

Ezai 37:4

Á yɔkɔ ku jɛ Aɔ̃ Lafɛ̃ɛɛ á gbɔ ide ŋa iyi inɛ ngboi soogei Asiri ŋau wa fɔ, nŋu iyi ilaalui Asiri lafɛ̃ɛɛ í bɛ wa ku naa ku bu Aɔ̃ Lafɛ̃ɛ iyi í wɛɛu. Á yɔkɔ ku jɛ Aɔ̃ Lafɛ̃ɛɛ á kpãa iju na ide ŋa iyi í fɔ nɔ í gbɔu. Na nŋu, ce kutɔɔ na zamaa iyi í gbeu.

Zeremi 33:3

kpem nɔ n jɛɛ. An sisiɛ mii nla nla ŋa, mii ŋa iyi wa manji iyi i kù mà wo.

Ezekiɛli 36:37

Amu Aɔ̃ Lafɛ̃ɛ, ide iyi ǹ wa n fɔ má wee. Ǹ ni, an jɔ̀ inɛi Izirɛli ŋa a tɔɔm sobi má nɔ an jɛ nŋa n jɔ̀ a kpɔ bɛi mɛɛmu gaa ŋa.

Daniɛli 2:23

Aɔ̃ Lafɛ̃ɛi balam ŋa, ǹ saabuɛi nɔ ǹ wa n cĩɛ na laakai jiida do gbugbã iyi ì muum, domi awɔi ì jɔ̀ ǹ mà yaasei mii iyi à tɔɔɛu. Ntɔ ntɔ, awɔi ì jɔ̀ à gbɔ yaasei mii iyi wa da zigii ilaaluu.

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 4:26

Si waatii iri ku kpai adɔ̃ akã, ŋɔi ilaalu í dede wa dabii si antaii sikifai kabai bommai ilɛi Babilɔniu.

Zonasi 1:9

Nɔ Zonasi í jɛ nŋa í ni, amu Ebɛɛi. Aɔ̃ Lafɛ̃ɛ, Ilaaɔ̃ iyi í wa lele, nŋu iyi í taka tenku do ilɛi, ǹ ya n tɔɔ.

Malasi 3:18

Waati bɛɛbɛi aa nyi i yɛ mii iyi í nya inɛ jiida do inɛ laalɔ ikã ŋa do mii iyi í nya inɛ iyi wa jirima Ilaaɔ̃ do inɛ iyi kù waa jirimaɛ ikã má ŋa.

Matie 18:12

Bɛirei ì waa lasabu ŋa. Bii inɛ gɔ í nɛ angudã cĩɔ nɔ akãɛ í nyɔ, kaa jɔ̀ cĩɔ fakã kù wa siu titã si geete bii à wau koo dɛdɛ akã iyi í nyɔu wa?

Matie 18:19

Ǹ wa n sɔ̃ ŋɛ má iyi bii amanɛ minji í ce anu akã si andunya ihɛ̃ a tɔɔ ngɔgɔ, Baam iyi í wa lele á mu nŋa,

Woo bɛ ŋa 12:4

Iyi à mu Piɛɛ ŋɔi Herodu í jɔ̀ à dasiɛ piisɔ̃ɔ nɔ í jɔ̀ sooge ŋa à waa degbeɛ, aŋa mɛɛ ikɔ mɛɛ. Herodu í bi nŋu ku ceaa kiiti si wajui zamaa bii jingaui Iku ku kuau í lɔ.

Romu 15:30

Iŋɛ inɛm ŋa, ǹ wa n tɔɔ ŋɛi do irii Lafɛ̃ɛ nwa Jesu Kirisi do kubi iyi Hundei Ilaaɔ̃ wa mu nwa, i bam ku jabu si kutɔɔ nŋɛ ŋa.

Piɛɛ 2, 2:9

Bɛɛbɛ mɔi Aɔ̃ Lafɛ̃ɛ í mà bɛi á ce ku faaba inɛ ŋa iyi à mà bɛɛrɛɛ si wahala. Í nɔ í mà bɛi á mu inɛ laalɔ ŋa ku wahala ŋa si ajɔi kiiti.

Samuɛli 1, 17:37

Aɔ̃ Lafɛ̃ɛ í faabam hai si cikãawɔi mɛɛmui sako laalɔ ŋa, bɛɛbɛ mɔi á faabam má hai si awɔi inɛi Filisiu bɛ. Ŋɔi Saulu í sɔ̃ɔ í ni, koo, nɔ Aɔ̃ Lafɛ̃ɛ ku sobiɛ.