Daniɛli 2:11 - Bibeli do fee

¹¹ Ilaalu, mii iyi ì waa beeu bɛ, í gaabu ntɔ ntɔ. Inɛ kãma kaa yɔkɔ ku jɛɛ ideu bɛ, í gbe iwɛ̃ ŋa aŋa akã, amma wee ngu ŋa a kù wa si inɔi inɛi andunya ŋa ihɛ̃.

Daniɛli 2:11 Iomraidhean Croise

Kusintii Andunya 41:39

Ŋɔi í sɔ̃ Zozɛfu í ni, si bɛi Ilaaɔ̃ í nyisiɛ fei ndɛɛu, inɛ gɔ kù wɛɛ iyi í nɛ bisi do laakai bii kù jɛ awɔ má.

Kusintii Andunya 41:8

Iyi iju í má daadaakɔu idɔi Faraɔ̃ kù sũ. Í kpe woo ce alisi ŋa do ilu bisi ŋa iyi à wa Ezibiti bɛ fei. Í sisi nŋa alaɛ ŋau, amma baa inɛ akã nŋa kù yɔkɔ ku mà yaasei ala ŋau.

Ilaalu 1, 8:27

Amma do ntɔ, aa ba bi kuwa si ilɛ ihɛ̃? Ntɔ ntɔ lelei Aɔ̃ í la í caa nɔ í mɔngɔ ku gbaɛ. Bɛirei ile iyi ǹ maɛu á ce ku toɛ.

Bomma 2, 6:18

Amma do ntɔ, aa ba bi kuwa do amanɛ ŋa si ilɛ ihɛ̃? Ntɔ ntɔ lelei Aɔ̃ í la í caa nɔ í mɔngɔ ku gbaɛ. Bɛirei kpasɛ̃ iyi ǹ maɛu á ce ku toɛ.

Iri ku kɔ̃ 132:14

Nɔ í ni, inyau bɛi an ya n sĩmi bɛi an ya n wa, domi bɛi ǹ bi.

Iri ku kɔ̃ 68:18

Ilaaɔ̃ í nɛ sarɛtii igũ ŋa dubu dubu. Ilaaɔ̃ Lafɛ̃ɛ í wa anini nŋa. Iri kutai Sinaiu í wa si ile kumáu.

Kufita 29:45

An wa si aninii inɛi Izirɛli ŋa nɔ n jɛ Aɔ̃ Lafɛ̃ɛ nŋa.

Kufita 8:19

An nya inɛm ŋa ikã, inɛɛ ŋa mɔ ikã. Inɛ nŋu ŋau bɛ fei alai á ce.

Ezai 47:12

Hanya si dobu dobu ku ceɛ ŋa do iwɔ nkpɔ nkpɔ ku ceɛ ŋa. Mii nŋu ŋaui ì wasi ku ce wa hai waatii awaasũɛ hee ì gbɛɛji araɛ si. Á yɔkɔ ku jɛ aa ba si ngɔgɔ, walakɔ ku jɛ aa yɔkɔ i naaò zigiida wa.

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Ezai 8:18

Amu do amu ŋa iyi Aɔ̃ Lafɛ̃ɛ í nam, awai à jɛ nyinda iyi inɛ ŋa aa maa cɔ do waju si ilɛi Izirɛli na saabui Aɔ̃ Lafɛ̃ɛi lele do ilɛ, nŋu iyi í nɛ bi kuwaɛ si iri kutai Siɔ̃ɔ.

Daniɛli 4:4

Ŋɔi woo ce alisi ŋa do woo ce dobu dobu ŋa do inɛi Kaladee ŋa do woo mà yaasei leleaɔ̃ ŋa, aŋa fei à tɔtɔɔ wa, nɔ ǹ sisi nŋa alam nɔu. Amma a kù yɔkɔ a kù tusɛɛm yaaseɛ.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Kuka 35:34

Debɛi i ce laakai ŋa i maà na i riisi ilɛ bii aa koo i wa ŋau, tengi bii amu mɔ an wau, domi amui ǹ jɛ Aɔ̃ Lafɛ̃ɛ nɔ ǹ wa anini nŋɛ.

Matie 19:26

Ŋɔi Jesu í cɔ ŋa nɔ í ni, bi amanɛ ŋai kaa ce, amma Ilaaɔ̃ á yɔkɔ ku ce fei ndɛɛ.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 14:17

Woo mua gbugbãu Hundei Ilaaɔ̃i, nŋui á jɔ̀ inɛ ŋa a mà ntɔu. Inɛi andunya ŋa a kaa yɔkɔ a gbaa si na iyi í jɔ̀ a kù waa yɔɔ, bɛɛbɛ mɔi a kù màa. Amma iŋɛ ì màa ŋa, domi í wɛɛ do iŋɛ, á nɔ ku wa si idɔ nŋɛ.

Laabaau jiida iyi Zãa í kɔ 14:23

Ŋɔi Jesu í jɛaa í ni, inɛ iyi í bim fei á gbɔ idem, nɔ Baam á bi lafɛ̃ɛ nɔ amu do Baam nɔu fei aa ka naa ka ce bi kuwa si idɔi lafɛ̃ɛ.

Kɔrɛnti 2, 6:16

Bɛirei bi kuwai Ilaaɔ̃ do iwɛ̃ ŋa á ce ku tɔtɔɔ. Awai à jɛ bi kuwai Ilaaɔ̃, nŋu iyi í jɛ icui kuwɛɛ. Nɔ nŋu takaɛ í fɔ í ni, an wɛɛ do aŋa nɔ awaò ŋa ka maa nɛ. An jɛ Lafɛ̃ɛ nŋa nɔ aa jɛ inɛm ŋa.

Kuyɛi Zãa 21:3

Nɔ ǹ gbɔ ide ku fɔ nla gɔ hai bi kitãi bommau í ni, nsɛi bi kuwai Ilaaɔ̃ í wɛɛ do amanɛ ŋa. Ilaaɔ̃ á maa wɛɛ do aŋa, nɔ aa jɛ inɛɛ ŋa. Ilaaɔ̃ takaɛ á wa si anini nŋa.