Daniɛli 2:1 - Bibeli do fee

¹ Nebukanɛsaa í ce ala si adɔ̃ minjisiai bomma ku jɛɛ. Alau í jɔ̀ í biti ntɔ ntɔ hee njoo í nya siɛ.

Daniɛli 2:1 Iomraidhean Croise

Ɛsitɛɛ 6:1

Idũ ajɔ nŋu ilaaluu kù yɔkɔ kù sĩ njoo. Ŋɔi í ni a koo a soa nŋu tiai ide ŋa iyi í ce si bommau wa, nɔ à koo à soo wa à naa à cioaa.

Zeremi 25:1

Si adɔ̃ mɛɛsiai bomma ku jɛi Zoakimu amai Zoziasi, Aɔ̃ Lafɛ̃ɛ í ba Zeremi ide ku fɔ si gãmɛi zamaai Zudaau fei. Waatiu bɛ adɔ̃ sintei bomma ku jɛi Nebukanɛsaa ilaalui Babilɔni mbɛ.

Daniɛli 2:3

Ŋɔi ilaaluu í sɔ̃ ŋa í ni, alai ǹ ce, nɔ alau í jɔ̀ ǹ biti ntɔ ntɔ. Na nŋu, ǹ wa n bi i sisiim yaasei alau ŋa.

Daniɛli 4:2

Idũ ajɔ nŋu gɔ, ǹ wa n sũ si daayim, ŋɔi ǹ ce ala hee í da zigim. Ntɔ ntɔ, lasabu ŋa iyi í naa sim si antaii daayim nɔu, do kuyɛ ŋa iyi ǹ ceu, í jɔ̀ zigim í da jiida jiida.

Daniɛli 4:5

Hee do ankãanyii Daniɛli nŋu iyi à ya nyi a kpe Bɛlitasaa má si yaasei kukpei iwɛ̃m í na í naa bi titom. Daniɛliu inɛ nŋu njɛ í nɛ iwɛ̃ jiida ŋa. Ŋɔi ǹ sisiaa alau.

Daniɛli 5:9

Ŋɔi ideu í da zigii ilaalu Bɛlisasaa ntɔ ntɔ hee wajuɛ í kpaasi í kɔ̃ɔsi má, nɔ akawe nlaɛ ŋau fei à wɛɛò biti.

Daniɛli 6:18

Ŋɔi à koo à so kuta nla nla gɔ wa à naa à cĩmboò andɛi isau. Nɔ ilaaluu í dasi nyindai nŋu takaɛ do ti akawe nlaɛ ŋau. Do yaase bɛɛbɛ, inɛ kãma kaa yɔkɔ ku kpaasi ngɔgɔ si gãmɛi mii iyi í nɛ ku ba Daniɛli.

Daniɛli 7:1

Si adɔ̃ sintei bommai ku jɛi Bɛlisasaa ilaalui Babilɔni, Daniɛli í ce ala nɔ í yɛ mii nkpɔ nkpɔ. Wa sũi si daayiɛ í bɛi í ce kuyɛu. Si anyiɛ í bɛi í kɔ ala iyi í ceu. Ideu wee.

Daniɛli 7:15

Ŋɔi amu Daniɛli, ideu í mum biti hee si lɛlɛi idɔm ntɔ ntɔ. Mii iyi ǹ yɛu, í mum njo ntɔ ntɔ.