Daniɛli 12:8 - Bibeli do fee

⁸ Ǹ gbɔ ideu, amma n kù gbɔ yaaseɛ. Nɔ ǹ ni, Lafɛ̃ɛm, bɛirei iri ku kpai mii ŋau bɛ á jɛ.

Daniɛli 12:8 Iomraidhean Croise

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 12:6

Ŋɔi inɛ akãi inɛ ŋau í bee inɛ iyi wa dasi jĩnɛ iyi à ce do acɔ ku nɛ sisima iyi wa leekĩ si antaii inyiu í ni, hee waati yoomai mii iyi kù nɛ dɔ̃ɔnɛi ku ceu bɛ á leekĩ ya.

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 12:9

Nɔ í jɛɛm í ni, Daniɛli, koo nɛ. Ideu á maa wɛɛi si asii titã hee koo toò waatii iri ku kpau.

Daniɛli 8:13

Ŋɔi ǹ gbɔ amaleka gɔ wa fɔ ide, nɔ amaleka mmuɛ gɔ wa ba inɛ iyi wa fɔ ideu ide ku fɔ wa ni, idei kuweei ajɔ fei iyi kuyɛu ihɛ̃ wa sɔ̃ wau bɛ, hee waati yoomai á kpɛ ku to ya. Aa na a leekĩɛ mbɛ? Kuce laalɔ ŋa iyi wa ce nfei mii feiu ihɛ̃, hee waati yoomai á koo leekĩ. Hee waati yoomai wahalai ile kumáu do ijuukpãi inɛi lelei Aɔ̃ ŋau á leekĩ.

Luku 18:34

Amma mɔcɔ ŋau a kù mà nkãma si ideu. Ideu í manji nŋa a kù gbɔ yaaseɛ.

Laabaau jiida iyi Zãa í kɔ 12:16

Ide ŋau bɛ mɔcɔi Jesu ŋau a kù gbɔ yaaseɛ waati bɛɛbɛ, amma waati iyi í nyi lelei Aɔ̃ do amboeɛ, à ye gigi iyi mii ŋau fei à kɔɔ si kukɔi idei Ilaaɔ̃ na iriɛ, à nɔ à ceaa fei ndɛɛ.

Woo bɛ ŋa 1:7

Ŋɔi Jesu í jɛ nŋa í ni, kù jɛ baa nŋɛ i mà ajɔu walakɔ i mà yaase bɛi mii ŋau bɛ á na ku ce ŋa. Ilaaɔ̃ Baabai í jilɛ iyi bɛ ŋa do yiikoɛ.

Piɛɛ 1, 1:11

Hundei Kirisiu í wa si ŋa nɔ í sɔ̃ ŋa do njuma iyi Kirisi á ba ijuukpã, nɔ si anyiɛ á ba amboe. Nɔ à ce himma ku ba a mà waatiu do kpãa iyi wa fãau.