Daniɛli 12:7 - Bibeli do fee

⁷ Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 12:7 Iomraidhean Croise

Zɔɔbu 27:2

hee do irii Ilaaɔ̃ nŋu iyi í wɛɛ, nŋu iyi wa kɔ̀ ku nam ntɔ, nŋu iyi í jɛ ilu gbugbã fei, iyi í jɔ̀ ǹ wɛɛò inɔ kufɔ,

Ezai 62:12

Zamaa kumái aa kpe ŋa. Inɛ ŋa iyi Aɔ̃ Lafɛ̃ɛ í ya. Nɔ awɔ Zeruzalɛmu, a kaa kpeɛ ilu iyi à fũsi awɔ má í gbe ilu iyi à bi.

Zeremi 4:2

Bii ì fɔ do kugbasi ì ni, Aɔ̃ Lafɛ̃ɛ í wɛɛ, nɔ ì fɔɔi do idɔ iyi í má do ntɔ do dee dee ku jɛ, aa yɛ inɛi ilɛ mmu ŋa aa tɔɔ n weea aŋa nɔ aa tɔɔ fufu na irim.

Ezekiɛli 20:5

Sɔ̃ ŋa iyi amu Aɔ̃ Lafɛ̃ɛ ǹ ni, ajɔ iyi ǹ cica Izirɛliu, ǹ wu awɔi ǹ fɔ ide do kugbasi si aŋa iyi à jɛ tɔkui Zakɔbu ŋau iyi à wa si ilɛi Ezibiti ǹ jɔ̀ à mà inɛ iyi ǹ jɛ. Ǹ wu awɔ do kugbasi ǹ ni, amui ǹ jɛ Aɔ̃ Lafɛ̃ɛ nŋa.

Daniɛli 10:5

Ŋɔi ǹ wu iju ǹ cɔ ilu, nɔ ǹ yɛ inɛ gɔ wa dasi jĩnɛ gɔ iyi à ce do acɔ ku nɛ sisima, nɔ wa dĩ santiiki iyi à ce do wura alala si kpakaɛ.

Daniɛli 11:13

Nɔ ilaalui awɔ njɛi kpãai inunuu á nyi ku tɔtɔɔ wuaai sooge mmuɛ ŋa má a kpɔ a re baa inɛ sinte ŋau. Si anyii adɔ̃ ŋa iyi aa lɔ keeke, á nyi wa má do sooge ŋa nkpɔ nkpɔ, nɔ á naai do jĩnɛi igũ ŋa iyi à nɛ gbugbã ntɔ ntɔ.

Daniɛli 12:6

Ŋɔi inɛ akãi inɛ ŋau í bee inɛ iyi wa dasi jĩnɛ iyi à ce do acɔ ku nɛ sisima iyi wa leekĩ si antaii inyiu í ni, hee waati yoomai mii iyi kù nɛ dɔ̃ɔnɛi ku ceu bɛ á leekĩ ya.

Daniɛli 12:8

Ǹ gbɔ ideu, amma n kù gbɔ yaaseɛ. Nɔ ǹ ni, Lafɛ̃ɛm, bɛirei iri ku kpai mii ŋau bɛ á jɛ.

Daniɛli 4:31

Si iri ku kpai adɔ̃ mɛɛjeu, ŋɔi amu Nebukanɛsaa ǹ wu iju ikpa lelei Aɔ̃, nɔ laakai jiida í baa sim. Ŋɔi ǹ saabu Ilaaɔ̃ nŋu iyi í wa hee lele nɔ kuwɛɛɛ kù nɛ kɔɔu. Ǹ wa n cũu, nɔ ǹ lɔsi ku fɔ idei bɛɛrɛɛ. Ntɔ ntɔ gbugbãi bommaɛ kù nɛ kɔɔ. Nŋui í jɛ ilaalu, nɔ bommaɛ á maa wɛɛi hee do ajɔ fei.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Daniɛli 7:21

Ŋɔi ǹ wa n cɔ ngou, nɔ ǹ ba wee wa ba inɛi Ilaaɔ̃ ŋau igũ ku ce hee wa bi ku kãmia ŋa.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Daniɛli 8:14

Ŋɔi amaleka sinteu í jɛaa í ni, í gbe hee bii alɛ do daakɔ dubu minji do cĩɔ mɛɛta í lɔ titã (2.300), si anyiɛ a bɛi a lɔsi ile kumáu ku loo má.

Daniɛli 8:24

Gbugbãɛ á la ku maa kooi, amma kaa jɛ hai si nŋu takaɛi gbugbãu wa naa. Á ce nfei mii ŋai do gbugbã nla nla. Mii iyi í dasi idɔ nŋu ku ce fei, á cooi. Á kpa ilu gbugbã ŋa, nɔ bɛɛbɛ mɔi á kpa inɛi Ilaaɔ̃ ŋau mɔ.

Luku 21:14

Na nŋu, i jilɛ idɔ nŋɛ i maà ya biti do ide iyi aa fɔ i nyaò ara nŋɛ ŋa.

Luku 21:24

Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.

Wooda ku kɔsi 26:19

ku ba ku jɔ̀ i wa antaii dimi ŋa iyi í taka ŋau fei nɔ i nɛ bɛɛrɛ ŋa do yiiko nɔ iri nŋɛ ku fangaa bii fei, nɔ i jɛ inɛ ŋa iyi à nya ikã na iriɛ ŋa si bɛi í sɔ̃ ŋɛu.

Wooda ku kɔsi 32:36

Ntɔ ntɔ, Aɔ̃ Lafɛ̃ɛ á kiiti inɛɛ ŋau. Amma á ce araarei woo ce icɛɛ ŋa waati iyi á yɛ iyi à kua gbugbã, nɔ aru kaa wɛɛ má walakɔ inɛ iyi í nɛ araɛ.

Wooda ku kɔsi 32:40

Ǹ ya n wu awɔ lelei nɔ n ce kugbasi n ni, hee do kuwɛɛm iyi kù nɛ kɔɔ fei,

Wooda ku kɔsi 7:6

Ntɔ ntɔ iŋɛi ì jɛ dimi iyi à nya ikã í jɛ ti Aɔ̃ Lafɛ̃ɛ. Aɔ̃ Lafɛ̃ɛ nŋɛ í cica ŋɛi ku ba i jɛ titɛɛ ŋa si inɔi dimii inɛi andunya ŋau ihɛ̃.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Kuyɛi Zãa 12:14

Amma à na abou ikpa minjii kungbã nla ku ba ku fo ku bɔ ikpa inya iyi Ilaaɔ̃ í ceaa sɔɔluɛu si gbaa bii aa woo adɔ̃ mɛɛta do bubu. Tengi bɛi á jĩò njou.

Kuyɛi Zãa 12:6

Abou í sa í nɛ ikpa gbaa bii Ilaaɔ̃ í ceaa sɔɔlui inya bii á wa a maa woo si afei ajɔ dubu do cĩɔ minji do kita (1.260).

Kuyɛi Zãa 13:5

Mɛɛmuu í nɛ kpãa ku tɔɔò fufu nɔ ku bu Ilaaɔ̃, nɔ í nɛ yiiko ku ceò gbugbãɛ icɛ cukpa ciiji do minji.

Kuyɛi Zãa 4:10

Waati iyi à waa kɔ̃ iri bɛɛbɛ fei inɛ ngbo kɔnfia do mɛɛ ŋau à ya sɛɛbataa a maa tɔɔɛi. Nɔ à ya bɔ fula nŋa ŋai a jilɔɔ si wajui kitãi bommau a maa ni,

Kuyɛi Zãa 4:9

Ilu hunde ŋau à waa kɔ̃ iri à waa saabu inɛ iyi wa buba si antaii kitãi bommau, nɔ à waa fɔ idei amboeɛ do bɛɛrɛɛ, nŋu iyi í wɛɛ do ajɔ fei.