Daniɛli 12:6 - Bibeli do fee

⁶ Ŋɔi inɛ akãi inɛ ŋau í bee inɛ iyi wa dasi jĩnɛ iyi à ce do acɔ ku nɛ sisima iyi wa leekĩ si antaii inyiu í ni, hee waati yoomai mii iyi kù nɛ dɔ̃ɔnɛi ku ceu bɛ á leekĩ ya.

Daniɛli 12:6 Iomraidhean Croise

Iri ku kɔ̃ 74:9

A kù waa yɛ nyindaɛ gɔ má iyi wa nyisi wa iyi ì wɛɛ do awa. Walii gɔ kù wɛɛ má. Inɛ gɔ si inɔ nwa kù mà hee waati fɛloi aa jɔ̀ wa bɛɛbɛ.

Ezekiɛli 9:2

Ŋɔi ǹ yɛ amanɛ mɛɛfa wa naa hai do ikpa kpãai anu koofa iyi í wa ikpa awɔ njɛi kpãai inunu iyi wa cɔ ikpa iri kutau. Aŋa fei à waa mu jĩnɛi igũ iyi aa ceò nfei inɛ ŋa. Inɛ gɔ í wa si anini nŋa wa dasi jĩnɛi acɔ ku nɛ gbugbã gɔ nɔ mii ku kɔ gɔ wa sɔkɛ si kungbãɛ iyi wa dĩ. Ŋɔi à nɛ wa à naa à leekĩ kɔkɔi bi kuwee iyi à ce do isɔ nkpau.

Daniɛli 12:5

Ŋɔi amu Daniɛli ǹ wa n cɔ ilu má, nɔ ǹ yɛ inɛmɔkɔ minji gɔ ŋa à waa leekĩ ice do icei idou.

Daniɛli 12:8

Ǹ gbɔ ideu, amma n kù gbɔ yaaseɛ. Nɔ ǹ ni, Lafɛ̃ɛm, bɛirei iri ku kpai mii ŋau bɛ á jɛ.

Daniɛli 8:13

Ŋɔi ǹ gbɔ amaleka gɔ wa fɔ ide, nɔ amaleka mmuɛ gɔ wa ba inɛ iyi wa fɔ ideu ide ku fɔ wa ni, idei kuweei ajɔ fei iyi kuyɛu ihɛ̃ wa sɔ̃ wau bɛ, hee waati yoomai á kpɛ ku to ya. Aa na a leekĩɛ mbɛ? Kuce laalɔ ŋa iyi wa ce nfei mii feiu ihɛ̃, hee waati yoomai á koo leekĩ. Hee waati yoomai wahalai ile kumáu do ijuukpãi inɛi lelei Aɔ̃ ŋau á leekĩ.

Daniɛli 8:16

Ŋɔi ǹ wa n gbɔ imui amanɛ gɔ wa hai si aninii idoi Ulaiu wa ni, Gabiɛli, tusɛaa inɛ bɛ yaasei kuyɛu.

Matie 24:3

Jesu í koo í buba geetei Olivie. Ŋɔi mɔcɔɛ ŋa à bɔ bi tɛɛ aŋa duusɔ̃ɔ à beeɛ à ni, sɔ̃ wa waati iyi mii nɔu bɛ á ce. Nyinda yoomai á nyisi kunyiɛ wa do waatii ankãanyi.

Maaku 13:4

sɔ̃ wa waati iyi mii nɔu bɛ á ce. Nyinda yoomai aa ka yɛ ka ba ka mà iyi waatiu í to.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Kuyɛi Zãa 15:6

Amaleka mɛɛje ŋa iyi à waa mu ijuukpã mɛɛje ŋau à fita hai kpasɛ̃u. À waa dasi jĩnɛ fũfũ iyi wa daana nɔ à waa dĩ santiikii wura si kpaka nŋa.

Kuyɛi Zãa 19:14

Woo ce igũi lele ŋa à gũ acĩ fũfũ ŋa à waa tooɛ nɔ à waa dasi jĩnɛɛ fũfũ ku nɛ bɛɛrɛ iyi í má wau wau.

Kuyɛi Zãa 6:10

Hunde ŋau à la à ni, Lafɛ̃ɛ kumá ilu ntɔ, hee waati yoomai ì waa degbe i bɛi i kiiti inɛi andunya ŋa i sã nwa gbese si na iyi í jɔ̀ à kpa wa.