Daniɛli 12:4 - Bibeli do fee

⁴ Awɔ Daniɛli, mu ide ŋau ihɛ̃ si asii. Maà jɔ̀ inɛ ŋa a mà ide ŋa iyi à wa si tiau ihɛ̃ hee koo toò waatii ankãanyiu. Waati bɛɛbɛ, inɛ nkpɔ nkpɔi á cioɛ, nɔ kumà nŋa á la ku kɔ̃ɔsi.

Daniɛli 12:4 Iomraidhean Croise

Ezai 11:9

A kaa ya cea njɛ laalɔ hee má jɛ a ce asɔɔi ngɔgɔ má si iri kuta iyi à nya ikã í jɛ ti Aɔ̃ Lafɛ̃ɛu. Si ilɛu fei inɛ ŋa aa mà Aɔ̃ Lafɛ̃ɛi, nɔ kumàɛu á kɔ̃i si ilɛ fei bɛi inyi í ya kɔ̃ tenku.

Ezai 29:11

Kuyɛ iyi ihɛ̃ fei, í yɛi bi tu ŋɛ bɛi ide ŋa iyi à wa si tia, nɔ à ce si akpaawɔ à bɛi à soo à na inɛ gɔ iyi í mà ku cio, à ni, à waa tɔɔɛi, cio ideu ihɛ̃ wa. Nɔ lafɛ̃ɛ í jɛ í ni, n kaa n yɔkɔ, domi à ce si akpaawɔi.

Ezai 30:26

Ajɔ iyi Aɔ̃ Lafɛ̃ɛ á jɔsi agbɛ bii í mɛɛ inɛɛ ŋau iwɔ nɔ ku jɔ̀ kumɛɛ ŋau a tã, ajɔ nŋu bɛ inya kumái cukpa á yɛi bɛi ti inunu, nɔ inya kumái inunuu takaɛ á la ku re bɛi í ya tako ku ceu ikɔ mɛɛje bɛi inya kumái ajɔ mɛɛje.

Ezai 32:3

Inɛ ŋa iyi à nɛ a yɛ ilu, nɔ a kù waa yɛ ilu ŋau fei, aa yɛ ilu. Inɛ ŋa mɔ iyi à nɛ a gbɔ ide, nɔ a kù waa gbɔ ide ŋau fei, aa gbɔ.

Ezai 8:16

Si anyii nŋu, ǹ dasi idem inɔ ile, nɔ ǹ sɔkɔ si ikɔm ŋa iyi ǹ wa n na do kilee. Mɔcɔm ŋai ǹ ya n na.

Zeremi 5:1

I dabii si kpãai Zeruzalɛmu ŋau i cɔ ŋa nɔ i ce kudɛdɛ si bantuma ŋau wa ŋa, bii aa ba inɛ baa akã iyi kuceɛ í sĩa nɔ wa dɛdɛ nŋu ku ce mii iyi í jɛ ntɔ. Bii í jɛ ì ba inɛ baa akã ŋa, an cea Zeruzalɛmu suuru.

Daniɛli 10:1

Si bomma ku jɛi Sirusi ilaalui Pɛɛsi, si adɔ̃ mɛɛtasiaɛ, Ilaaɔ̃ í ba Daniɛli nŋu iyi à ya kpe Bɛlitasaau ide ku fɔ. Ideu ntɔi, igũ nla nlai á wɛɛ. Ŋɔi í lasabu si ideu, nɔ í gbɔ yaaseɛ.

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 11:33

Nɔ si zamaau, inɛ ŋa iyi aa mà mii ŋa ku wũaa, aa ya maa sɔ̃ inɛ nkpɔ idei do bisi. Waati gɔ á na ku naa, inɛ gɔ ŋa aa koosɛi na igũ. Aa jo inɛ gɔ ŋai. Inɛ gɔ ŋa mɔ aa gba amani nŋa ŋai nɔ a dasi ŋa piisɔ̃ɔ.

Daniɛli 11:40

Bii waatiu í na wa to kɔɔ, ilaalui awɔ cangai kpãai inunuu á naa siɛ igũ. Amma ilaalui awɔ njɛi kpãai inunuu á koo siɛi do gbugbã do sarɛti ku ja igũɛ ŋa, do masaɛ ŋa, do akɔi inyi ŋa nkpɔ nkpɔ. Á lɔ si ilɛ ŋaui do soogeɛ ŋa. Á kua kɔɔi ilɛ ŋau mɔm nii bɛi ido í ya kɔ̃ hee ku dikã.

Daniɛli 12:13

Awɔ Daniɛli, ce isɛɛnɛɛ i bɔò hee kɔɔ, aa ba kusĩmi nɔ aa dede i gba ribaɛ si kɔɔi waati ŋau.

Daniɛli 12:5

Ŋɔi amu Daniɛli ǹ wa n cɔ ilu má, nɔ ǹ yɛ inɛmɔkɔ minji gɔ ŋa à waa leekĩ ice do icei idou.

Daniɛli 12:9

Nɔ í jɛɛm í ni, Daniɛli, koo nɛ. Ideu á maa wɛɛi si asii titã hee koo toò waatii iri ku kpau.

Daniɛli 8:17

Ŋɔi í naa kɔkɔi tengi bii ǹ wau. Waati iyi wa naa, zigim í dai ntɔ ntɔ nɔ ǹ sɛɛbata si wajuɛ. Ŋɔi í sɔ̃m í ni, awɔ amanɛ, gbɔ yaasei kuyɛu ihɛ̃. Kuyɛu ihɛ̃, idei waatii iri ku kpai andunyai wa fãa.

Daniɛli 8:19

Nɔ í sɔ̃m í ni, an jɔ̀ i mà mii iyi á na ku ce si waati iyi idɔɔkɔ̃u á to kɔɔ, domi waatii iri ku kpa í wɛɛ iyi à jilɛ.

Daniɛli 8:26

Ntɔ ntɔ, iyi í jɛ yaasei mii iyi ì yɛ mbɛ si gãmɛi alɛ ŋa do daakɔ ŋau. Amma, maà fɔ idei kuyɛu ihɛ̃ nsɛi titã, domi ide ŋa iyi kuyɛu wa fãa, á kpɛ ku bɛi ku ce.

Matie 24:14

Aa waazo laabaau jiidai bommai Ilaaɔ̃u si andunya fei ku ba dimi fei ku gbɔɔ, andunya ku bɛi ku kpa iri.

Romu 10:18

Amma ǹ wa n beei, Zuifu ŋa a kù gbɔ ideui? À gbɔɔ, domi à kɔɔ à ni, ideu í fangaa si andunya fei nɔ inɛ fei í gbɔɔ.

Kuyɛi Zãa 10:4

Iyi kulai ijĩ tuuba mɛɛje ŋau à lɔ, gbakã ǹ tã sɔɔlu n kɔ ide nŋau. Amma ǹ gbɔ ide ku fɔ gɔ wa hai lele wa ni, maà ti i kɔ ide iyi kulai ijĩ tuuba mɛɛje ŋau à fɔ. Muu si asii.

Kuyɛi Zãa 22:10

Ŋɔi í ni má, maà ti i singaa inɛ ŋa idei walii iyi à kɔ si tiau ihɛ̃ domi waati í maai wa ku ce.

Kuyɛi Zãa 5:1

Ŋɔi ǹ yɛ inɛ iyi wa buba si kitãi bommau wa mu tia gɔ iyi à ka si awɔ njɛɛ. À kɔ tiau anyiò waju, nɔ à cĩmboɛ do sɛɛda mɛɛje.