Daniɛli 12:2 - Bibeli do fee

² Inɛ ŋa mɔ iyi à wa inɔ balɛ, nkpɔ nŋa á jĩ wa. Inɛ gɔ ŋa aa jĩi nɔ a ba kuwɛɛ hai tã. Inɛ gɔ ŋa mɔ aa jĩi nɔ a wa si anyɔ do si laalɔ iyi kù nɛ kɔɔ.

Daniɛli 12:2 Iomraidhean Croise

Mɔnda ŋa 12:8

Ilu laakaii í ya ba kucĩ, amma à ya donda inɛ iyi lasabuɛ kù jɛ dee deei.

Ezai 26:19

Iŋɛ zamaam ŋa, inɛ nŋɛ ŋa iyi à ku ŋau aa nyi wa si kuwɛɛ má. Ikui inɛm ŋau, aa jĩ má. Na nŋu, iŋɛ iyi ì wa si sãau, aa dede nɔ aa dɔ̃ anu do inɔ didɔ̃ ŋa. Ntɔ ntɔ, Aɔ̃ Lafɛ̃ɛ á jɔ̀ ikpã nŋɛ ku yɛ bɛi inya kumá, nɔ ilɛ á jɔ̀ inɛ ŋa iyi à ku ŋau a ba kuwɛɛ má.

Ezai 66:24

Nɔ waati iyi aa ya na a fita, aa ya yɛ ikui inɛ ŋa iyi a kù jɛ ku jirimam ŋaui, nɔ kokoo ŋa iyi aa lɔ si ara nŋa ŋa a maa ŋɔ ŋa ŋau a kaa ku, nɔ ina iyi á maa jo ŋa ŋau mɔ, kaa ku. Inɛ ŋau, mii laalɔi aa jɛ bi inɛ fei.

Zeremi 20:11

Amma Aɔ̃ Lafɛ̃ɛ, ì nɛ gbugbã, nɔ awɔi ì waa jaam. Inɛ ŋa iyi à waa kpãm iju ŋaui aa koosɛ a cuku, nɔ a kaa jɛ igũ. Anyɔ á mu ŋai do iyi aa yɛ aŋa a kù jɛ igũ. Si anyɔi aa maa wa hee do ajɔ fei, nɔ inɛ kãma kaa gbɛjɛ ideɛ.

Ezekiɛli 37:12

Na nŋu, ce walii na iri nŋa. Sɔ̃ ŋa i ni amu Aɔ̃ Lafɛ̃ɛ ǹ ni, an cĩ balɛ nŋɛ ŋa, n nya iŋɛ inɛm ŋa wa hai bɛ, n baaò ŋɛ wa si ilɛi Izirɛli.

Ozee 13:14

Amu Aɔ̃ Lafɛ̃ɛ, an faaba inɛ ŋau hai si bi kuwai iku ŋa? An ya ŋa wa hai si iku? Iku, hee iwoi jĩnɛi igũɛ ŋa à wa. Iku, hee iwoi gbugbãɛ í wa. Araare ku ce kaa wɛɛm má.

Matie 25:46

Na nŋu, aa yɛ ijuukpã ŋai si ina iyi ci ya ku. Amma inɛ dee dee ŋau aa lɔ si kuwɛɛ iyi ci ya tã.

Woo bɛ ŋa 24:15

Ǹ dasi naanɛ iyi Ilaaɔ̃ á jĩ amanɛ jiida ŋa do amanɛ laalɔ ŋa hai si balɛ, bɛi aŋa mɔ à dasi naanɛ.

Woo bɛ ŋa 7:60

Ŋɔi í cuku í gulɛ wa dɔ̃ anu hee lele wa ni, Lafɛ̃ɛ, maà mu ŋa do dulum nɔu ihɛ̃. Iyi í fɔ bɛɛbɛ í tã nɔ í ku.

Romu 9:21

Kù jɛ woo ma cakai á ceò amà bɛi í bi ba. Si amà akãu bɛ kaa yɔkɔ ku ce caka iyi à ya maa ceò icɛ waati kãma fei do caka iyi í nɛ bɛɛrɛ í re ba.

Tɛsalonika 1, 4:14

Awa à dasi naanɛ iyi Jesu í ku, nɔ í jĩ hai si balɛ má. Bɛɛbɛ mɔi à dasi naanɛ iyi inɛ ŋa iyi à dasi Jesu naanɛ à bɛi à ku, Ilaaɔ̃ á jĩ aŋa mɔ má hai si balɛ.

Kuyɛi Zãa 20:12

Ŋɔi ǹ yɛ iku ŋa, keekeò nla, à waa leekĩ si wajui kitãi bommau. Nɔ à cĩ tia ŋa do tia gɔ iyi à ya ni tiai kuwɛɛ. À kiiti iku ŋa si bɛi kookoosu nŋa ŋa iyi à kɔ si tia ŋau à to.