Daniɛli 12:13 - Bibeli do fee

¹³ Awɔ Daniɛli, ce isɛɛnɛɛ i bɔò hee kɔɔ, aa ba kusĩmi nɔ aa dede i gba ribaɛ si kɔɔi waati ŋau.

Daniɛli 12:13 Iomraidhean Croise

Iri ku kɔ̃ 1:5

Na ŋɔi í ce ilu inɔ kukã ŋa a kaa ba a fita si ajɔi kiitiu. Nɔ ilu dulum ŋa mɔ a kaa yɔkɔ a wa si igbɛi inɛ dee dee ŋa.

Iri ku kɔ̃ 16:5

Aɔ̃ Lafɛ̃ɛ, awɔi ì jɛ ikpɛ̃m iyi ǹ nɛ n ba. Awɔi ì waa mu kuwɛɛm.

Iri ku kɔ̃ 16:9

Na ŋɔi í jɔ̀ ǹ wɛɛò inɔ didɔ̃ nla nla nɔ ǹ wa n kɔ̃a iri ŋa. Ǹ wɛɛò laakai ku sũ ntɔ ntɔ.

Kufita 33:14

Ŋɔi Aɔ̃ Lafɛ̃ɛ í jɛa Moizi í ni, amu takam nii an siɛ. Maà jɔ̀ zigiɛ ku da.

Daniɛli 12:3

Inɛ ŋa iyi à jɛ ilu laakai ŋa aa maa daanai bɛi inya kumái lelei Aɔ̃. Aŋa iyi aa nyisi inɛ ŋa yaase bɛi aa jɛò dee dee bi Ilaaɔ̃, aa maa daanai waati kãma fei bɛi leleaɔ̃ ŋa.

Daniɛli 12:4

Awɔ Daniɛli, mu ide ŋau ihɛ̃ si asii. Maà jɔ̀ inɛ ŋa a mà ide ŋa iyi à wa si tiau ihɛ̃ hee koo toò waatii ankãanyiu. Waati bɛɛbɛ, inɛ nkpɔ nkpɔi á cioɛ, nɔ kumà nŋa á la ku kɔ̃ɔsi.

Zakari 3:7

ide iyi Aɔ̃ Lafɛ̃ɛi lele do ilɛ í wãu wee. Í ni, bii ì waa nɛ si kpãam ŋa, nɔ ì waa ceem icɛ dee dee, awɔi aa jɛ inɛ ngboi kpasɛ̃m, nɔ aa kiiti inɛm ŋa, nɔ n jɔ̀ i maa ceem icɛ bɛi amaleka ŋa iyi à waa toom nɔu ihɛ̃.

Matie 19:28

Nɔ Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, waati iyi Ilaaɔ̃ á ce mii fei titɔ̃ nɔ amu Amai Amanɛ n maa n buba si batai bomma ilu amboem, iŋɛ amanɛ maateeji iyi ì waa toom ŋau ihɛ̃, iŋɛ mɔ aa buba si batai bommau i kiitiò dimi maateejii inɛi Izirɛli ŋau.

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Kɔrɛnti 2, 5:1

Arai í jɛ bi kuwa nwa si ilɛu ihɛ̃. Nɔ à mà bii ara nwa í ku, Ilaaɔ̃ í jilɛ nwa bi kuwa lele iyi nŋu takaɛ í ce, kù jɛ amanɛ. Bi kuwau á maa wɛɛi do ajɔ fei.

Tɛsalonika 2, 1:7

Nɔ iŋɛ iyi ì waa yɛ ijuukpã ŋau á mu nŋɛ kusĩmi do awa taka nwa. Iyi bɛ á cei si waati iyi Lafɛ̃ɛ Jesu á faata wa hai lele do amaleka ilu gbugbãɛ ŋa.

Kuyɛi Zãa 14:13

Si anyii nŋu, ǹ gbɔ ide ku fɔ gɔ má hai lele í ni, kɔ iyi ihɛ̃, ilu inɔ didɔ̃ ŋai inɛ ŋa iyi aa na a ku hai nsɛi na naanɛ iyi à dasi Lafɛ̃ɛ. Ŋɔi Hundei Ilaaɔ̃ í ni, ntɔi, bɛɛbɛi. Aa sĩmi, domi ribai icɛ jiida nŋa á too ŋa.