Daniɛli 12:10 - Bibeli do fee

¹⁰ Ilaaɔ̃ á jɔ̀ inɛ nkpɔ nkpɔ ku maajui hee a fũuta, nɔ wahala ku wɛ ŋa. Woo ce laalɔ ŋa aa maa ce laalɔi, nɔ a kaa yɔkɔ a gbɔ yaasei nkãma. Amma ilu laakai ŋa aa gbɔ yaasei mii ŋa iyi wa ce.

Daniɛli 12:10 Iomraidhean Croise

Iri ku kɔ̃ 107:43

Inɛ iyi í nɛ bisi ku ce laakaii mii ŋau bɛ, nɔ ku mà jiida ku jɛi Aɔ̃ Lafɛ̃ɛ.

Iri ku kɔ̃ 51:7

Ntɔ ntɔ, si kurarai ǹ wa hai waati iyi iyem í so asĩm, nɔ í bím nii si dulum.

Mɔnda ŋa 1:5

Ilu bisi ku sotĩ ku gbɔ mɔnda ŋau, nɔ ku kɔ̃ɔsi kumà iyi í nɛ, nɔ ilu laakai ku mà bɛi á ce isɛɛnɛɛ.

Ezai 1:18

Aɔ̃ Lafɛ̃ɛ í ni, na nŋu, i naa wa ka busi njɛ ŋa. Bii dulum du ŋɛ ŋa à kpã bɛi njɛ, an jɔ̀ a fũuta pai pai bɛi iwu. Bii í nɔ í jɛ à yɛ bɛi bulam bulam nii, an jɔ̀ ku fũuta pai pai bɛi ikũ fũfũ.

Ezekiɛli 36:25

An fã si ŋɛ inyi kumá iyi á jɔ̀ i maaju ŋa. An jɔ̀ i maaju ŋai hai si riisi nŋɛ ŋa fei, do hai si riisi iyi iwɛ̃ nŋɛ ŋa à dasi ŋɛ fei.

Ezekiɛli 47:11

Fatama ŋa do ido ŋa iyi à wa kɔkɔɛ ŋau a kaa maaju, aa wɛɛ bɛɛbɛi na imuu.

Daniɛli 11:33

Nɔ si zamaau, inɛ ŋa iyi aa mà mii ŋa ku wũaa, aa ya maa sɔ̃ inɛ nkpɔ idei do bisi. Waati gɔ á na ku naa, inɛ gɔ ŋa aa koosɛi na igũ. Aa jo inɛ gɔ ŋai. Inɛ gɔ ŋa mɔ aa gba amani nŋa ŋai nɔ a dasi ŋa piisɔ̃ɔ.

Daniɛli 11:35

Si inɔi inɛ ŋa iyi aa jɛ woo mà yaasei mii ŋa ku wũaa ŋau, inɛ gɔ ŋa aa ku. Nɔ iku nŋaui á jɔ̀ zamaau ku má, nɔ nŋui á jɔ̀ ku wɛɛò sɔɔlui waatii ankãanyiu. Waati iyi à jilɛu kù to wa titã.

Daniɛli 12:3

Inɛ ŋa iyi à jɛ ilu laakai ŋa aa maa daanai bɛi inya kumái lelei Aɔ̃. Aŋa iyi aa nyisi inɛ ŋa yaase bɛi aa jɛò dee dee bi Ilaaɔ̃, aa maa daanai waati kãma fei bɛi leleaɔ̃ ŋa.

Ozee 14:9

Efaraimu, anu akã yoomai í wa si gãmɛi amu do iwɛ̃ ŋa. Amui ǹ ya n jɛɛ si kutɔɔɛ, nɔ amui ǹ wa n wɔ njoo siɛ. Amui ǹ jɛ bɛi jĩi ndii sipɛrɛɛsi iyi í ya maa tũ waati kãma fei. Amui ǹ ya n jɔ̀ i ba amaajɛ ŋa i da.

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Malasi 3:3

Á na ku bubai bɛi inɛ iyi wa yɔ isɔ fũfũ ku ba ku nya riisiɛ. Á jɔ̀ inɛi Levii ŋau a maajui sãa sãa bɛi wura do isɔ fũfũ iyi à yɔ à nya riisi nŋa. Aŋai aa ya cea Aɔ̃ Lafɛ̃ɛ kuwee si dee dee bɛi wooda wa fɔ.

Maaku 4:11

Ŋɔi í jɛ nŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma inɛ ŋa iyi à gbe fei à waa gbɔ ideu do mɔndai.

Luku 24:25

Ŋɔi Jesu í sɔ̃ ŋa í ni, iŋɛ hai nɛ bisi ŋai, i ci ya dasi ide iyi walii ŋa à fɔ fei naanɛ gbãa gbãa ŋa.

Laabaau jiida iyi Zãa í kɔ 18:37

Ŋɔi Pilati í beeɛ í ni, debɛi, awɔ ilaalui? Ŋɔi Jesu í jɛaa í ni, awɔi ì fɔ bɛɛbɛ. Ǹ naai si andunya, à bím nii n jɛ sɛɛdai ntɔ. Inɛ iyi í jɛ ti ntɔ fei á gbɔ idem.

Laabaau jiida iyi Zãa í kɔ 7:17

Inɛ iyi í bi nŋu ku ce idɔɔbii Ilaaɔ̃, lafɛ̃ɛ á mà bii ciom hai bi Ilaaɔ̃i wa naa, walakɔ bii í jɛ ti amu takam nii.

Laabaau jiida iyi Zãa í kɔ 8:47

Inɛ iyi í jɛ ti Ilaaɔ̃ nŋui í ya gbɔ idei Ilaaɔ̃. Si bɛi iŋɛ i kù jɛ tɛɛ ŋai í jɔ̀ i ci ya gbɔ ideɛ ŋa.

Kɔrɛnti 1, 6:11

Bɛɛbɛi inɛ gɔ nŋɛ ŋa à yɛ wo. Amma à wɛ ŋɛ, nɔ à jɔ̀ ì má ŋa, nɔ ì jɛ dee dee ŋa na saabui irii Lafɛ̃ɛ nwa Jesu Kirisi do Hundei Ilaaɔ̃.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Ebɛɛ 12:10

Baa nwa ŋa à ya kpã wa iju si waati keeke si bɛi í sĩa nŋa si. Amma Ilaaɔ̃ í ya kpã wa iju na aranfãani nwa ku ba ka nɛ ikpɛ̃ si kumáɛ.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 1:7

Naanɛ ku dasi nŋɛ í nɛ bɛɛrɛ ntɔ ntɔ í re wura, domi wura á na ku tã. Do nŋu fei, do inai à yɔɔ à nya riisiɛ. Bɛɛbɛ mɔi, Ilaaɔ̃ wa cɔ laakaii naanɛ ku dasi nŋɛ ku ba ku mà gbugbãɛ. Nɔ aa ba saabu do amboe do bɛɛrɛ ŋa waati iyi Jesu Kirisi á faata wa.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.

Kuyɛi Zãa 16:11

À waa bu Ilaaɔ̃ na ara kuro do ngoli nŋa ŋa, amma à kɔ̀ ku jɔ̀ laalɔ ku ce nŋa.

Kuyɛi Zãa 19:14

Woo ce igũi lele ŋa à gũ acĩ fũfũ ŋa à waa tooɛ nɔ à waa dasi jĩnɛɛ fũfũ ku nɛ bɛɛrɛ iyi í má wau wau.

Kuyɛi Zãa 19:8

À jɔ̀ í dasi jĩnɛ fũfũ pai pai ku nɛ bɛɛrɛ iyi í má. Jĩnɛ ku nɛ bɛɛrɛui í jɛ kookoosu jiidai woo dasi naanɛ ŋa.

Kuyɛi Zãa 22:11

Inɛ iyi wa ce laalɔ ku hanya ku maa ce laalɔɛ, inɛ mɔ iyi wa ce daa sãmi ku hanya ku maa ce daa sãmiɛ. Inɛ mɔ iyi wa ce jiida ku hanya ku maa ce jiidaɛ, inɛ mɔ iyi í jɛ inɛ kumá ku jɔ̀ ku má ku maa koo.

Kuyɛi Zãa 3:18

Na ŋɔi í ce ǹ wa n mu nŋɛ bisi, i jɔ̀ i ra wura iyi à yɔ si ina à wiɛ bi tom ŋa ku ba i jɛ ilu amani do ntɔ ŋa. Nɔ i ra jĩnɛ fũfũ i biiò anyii ara nŋɛ ŋa ku ba i maà maa nɛ bũmbũm ŋa nɔ anyɔ ku maà maa mu ŋɛ. I ra iwɔi iju i dasi iju nŋɛ ku ba i yɛ ilu ŋa.

Samuɛli 1, 24:13

Aɔ̃ Lafɛ̃ɛi á kiiti awaɛ nɔ nŋui á kpãɛ iju si laalɔ iyi ì ceem amma amu takam n kaa n lesiɛ awɔ.