Daniɛli 11:8 - Bibeli do fee

⁸ Waati iyi á jɛ ŋa igũ ku tã, á ko mii ndu ŋa ŋai ku nɛò ilɛi Ezibiti. Hai iwɛ̃ nŋa ŋa, do isɔ iyi à yɔ à ceò mii ŋa iyi à jɔ iwɛ̃ gɔ ŋa, do jĩnɛ ku nɛ bɛɛrɛ nŋa ŋa iyi à ce do isɔ fũfũ, do iyi à ce do wura. Si anyiɛ, adɔ̃ ŋa aa lɔ, kaa cea ilaalui awɔ njɛi kpãai inunuu nkãma má.

Daniɛli 11:8 Iomraidhean Croise

Kusintii Andunya 31:30

To, ì waa nɛ idei baaɛ si na iyi í jɔ̀ ì waa ce bɛgɛ nŋa, amma na mii í ce iyi ì waa nɛ, ì ce ilei iwɛ̃m ŋa.

Samuɛli 2, 5:21

Nɔ inɛi Filisi ŋau à sa à jɔ̀ iwɛ̃ nŋa ŋa bɛ, nɔ Davidi do inɛɛ ŋa à so ŋa à nɛò.

Kufita 12:12

Idũ ajɔ nŋu bɛ an dabii si ilɛi Ezibiti, nɔ an kpa inɛ ŋa iyi à bí sinte si ilɛu fei, hai amanɛ ŋa hee ku koo si mɛɛmu ŋa fei. Bɛɛbɛi an nyisiò iyi iwɛ̃i inɛi Ezibiti ŋau a kù nɛ gbugbã, nɔ amu akãi ǹ jɛ Aɔ̃ Lafɛ̃ɛ.

Ezai 2:16

hai akɔi inyi nlai ilui Taasi ŋau do akɔi inyi kusĩa ŋau fei.

Ezai 37:19

À ko iwɛ̃ nŋa ŋa à kosi ina. Iwɛ̃ nŋa ŋau, a kù jɛ Ilaaɔ̃, amma icɛi awɔi amanɛ ŋai. À ce ŋai do jĩi ŋa, do kuta ŋa, nɔ à ce nfe nŋa mam mam.

Zeremi 46:25

Aɔ̃ Lafɛ̃ɛi lele do ilɛ, Lafɛ̃ɛi inɛi Izirɛli ŋau í ni, an naa si Amɔɔ iwɛ̃i Tɛbɛɛsi do si ilɛi Ezibiti do si iwɛ̃ɛ ŋa do si ilaaluɛ ŋa do si Faraɔ̃ hee do si inɛ ŋa iyi à waa kaabaɛ fei.

Daniɛli 10:3

Ǹ ci ya jɛ sɔnda jiida kãma. Iŋa ci ya lɔ gɛlɛm hee má jɛ vɛ̃ɛ. Nɔ n ci ya n fãsi aram tuae hee azuma mɛɛtau í koo í kɔ̃ò.

Daniɛli 11:9

Nɔ ilaalu iyi í wa awɔ njɛi kpãai inunuu á na ku naa si bommai ilaalui awɔ cangai kpãai inunuu, nɔ ku nyi ilɛi ideɛu má.

Ozee 13:15

Waati iyi kuwɛɛi Efaraimu wa bɔ waju si inɔi inɛɛ ŋa, fufu gɔi í naa siɛ. Fufuu í naai hai ikpa bi gbaau. Amu Aɔ̃ Lafɛ̃ɛi ǹ jɔ̀ fufuu í naa, nɔ inyii isɔ̃ ŋau fei à gbɛ. Lɔgɔ ŋa mɔ à gbɛ. Fufuu í ko amaniɛ ŋau fei í nɛò, nɔ í ko jĩnɛ ilu bɛɛrɛɛ ŋau mɔ fei í nɛò.

Ozee 8:6

Kɛtɛ kombo saasaabɔ nŋɛu wa naai hai Izirɛli. Iwɛ̃i, kù jɛ Ilaaɔ̃. Woo ce icɛi awɔ gɔi í coo. Na nŋu, kɛtɛ kombo saasaabɔi Samariu, aa bububuui.

Kuka 33:4

Ŋɔi inɛi Ezibiti ŋau à waa si ama yemma nŋa ŋa iyi Aɔ̃ Lafɛ̃ɛ í kpa feiu, nɔ bɛɛbɛi í nyisiu iyi iwɛ̃ nŋa ŋau a kù nɛ gbugbã.

Wooda ku kɔsi 12:3

I kɛkɛ bi kuwee nŋa ŋau, i lɛgɛ kuta iyi à mau, i kɛkɛ jĩi ndii iwɛ̃ nŋa ŋa iyi à ya kpe Aserau nɔ i dasi ina i joo ŋa ŋa ku ba a maà ye gigii iri nŋa ŋa si inya ŋau má.

Woo kiiti ŋa 18:24

Ŋɔi í jɛ nŋa í ni, iwɛ̃m ŋa iyi ǹ ceu ì so ndu ŋɛ ŋa do woo weem nɔu ì nɛò wa ŋa. Nkãma kù gbeem má, nɔ ì waa beem ì waa ni ŋa, mii wa cem?