Daniɛli 11:6 - Bibeli do fee

⁶ Waati iyi adɔ̃ á na ku lɔ keeke, aa dĩ akabuui, nɔ ama inaaboi ilaalui awɔ cangai kpãai inunuu á naa bi ilaalui awɔ njɛi kpãai inunu ku ba a dĩ akabuu a ce abɔdɔ̃. Amma kaa maa mu gbugbãɛu má, nɔ mɔkɔɛu mɔ takaɛ kaa maa wɛɛ si hunde, nɔ ama nŋa mɔ kaa maa wɛɛ. Abou takaɛ mɔ kaa wɛɛ waati bɛɛbɛ má, hee do inɛi anyiɛ ŋa do baaɛ do mɔkɔɛu fei.

Daniɛli 11:6 Iomraidhean Croise

Zɔɔbu 38:15

Amma inɛ laalɔ ŋa à ya kua inya kumái aŋa, nɔ awɔ nŋa ku kua gbugbãi.

Iri ku kɔ̃ 10:5

Mii iyi í dasi idɔ ku ce fei í ya cei, baaɛ ci ya wa si do kiitii Ilaaɔ̃. Í ya fufu mbɛɛɛ ŋai do gɛlɛɛ ku lele ŋa.

Ezekiɛli 30:21

awɔ amanɛ, cɔ mii iyi ǹ ce. Ǹ cɛ ikpai Faraɔ̃ ilaalui Ezibiti, nɔ inɛ kãma kù daa si iwɔ hee ku ba iri. Inɛ kãma kù wiɛ nɔ a kù dũu hee ku mɔ ku ba ku yɔkɔ ku ce igũ.

Daniɛli 11:13

Nɔ ilaalui awɔ njɛi kpãai inunuu á nyi ku tɔtɔɔ wuaai sooge mmuɛ ŋa má a kpɔ a re baa inɛ sinte ŋau. Si anyii adɔ̃ ŋa iyi aa lɔ keeke, á nyi wa má do sooge ŋa nkpɔ nkpɔ, nɔ á naai do jĩnɛi igũ ŋa iyi à nɛ gbugbã ntɔ ntɔ.

Daniɛli 11:15

Ilaalui awɔ njɛi kpãai inunuu á dede ku naa. Á ma idĩ ŋa hai bii á ba ku ceò igũ si ilu nla iyi à waa degbeu, nɔ á kãmia inɛɛ ŋai ku gba iluu. Soogei ilaalui awɔ cangai kpãai inunu ŋau, do woo mà igũ ku cei zamaaɛ ŋau, a kaa yɔkɔ a kɔ̀ ide si wajuɛ. A kaa nɛ gbugbã iyi aa kɔ̀ò ide.

Daniɛli 11:40

Bii waatiu í na wa to kɔɔ, ilaalui awɔ cangai kpãai inunuu á naa siɛ igũ. Amma ilaalui awɔ njɛi kpãai inunuu á koo siɛi do gbugbã do sarɛti ku ja igũɛ ŋa, do masaɛ ŋa, do akɔi inyi ŋa nkpɔ nkpɔ. Á lɔ si ilɛ ŋaui do soogeɛ ŋa. Á kua kɔɔi ilɛ ŋau mɔm nii bɛi ido í ya kɔ̃ hee ku dikã.

Daniɛli 11:7

Si nyaanzei ama inaaboi ilaalui awɔ cangai kpãai inunuu, inɛ gɔi á na ku gba agbɛi baaɛu. Á naai ku na ku maa kpã soogei ilaalui awɔ njɛi kpãai inunuu iju si ilu ku nɛ gbugbãɛ ŋau. Á lɔsi igũ ku ce do soogeɛ ŋaui, nɔ ku jɛ ŋa igũ.

Zakari 11:16

domi nŋu á jɔ̀ woo degbe gɔ ku naa si ilɛu. Woo degbeu kaa gbɔa angudã ŋa iyi à waa bɔ ku ku. Kaa bɔ ama angudã ŋa iyi à nyɔu ku dɛdɛ. Baaɛ kaa wa si do inɛ ŋa iyi à mɛɛ, nɔ kaa cɔ ilu baani ŋa mɔ. Amma iyi à nɛ ikpo ŋau, á ya maa ŋɔ ŋai hee do kɔwei kɔbisi nŋa ŋau fei.