Daniɛli 11:5 - Bibeli do fee

⁵ Ilaalui awɔ cangai kpãai inunuu á na ku nɛ gbugbãi ntɔ ntɔ. Amma inɛ akãi inɛ ngboi soogeɛ ŋa á na ku nɛ gbugbã ku roo, nɔ gbugbãi bommaɛu á cĩ ku kɔ̃ɔsii.

Daniɛli 11:5 Iomraidhean Croise

Daniɛli 11:11

Idɔi ilaalui awɔ cangai kpãai inunuu á kɔ̃i ntɔ ntɔ, nɔ á bɔ igũi si ilaalui awɔ njɛi kpãai inunuu. Ilaalui awɔ njɛi kpãai inunuu á tɔtɔɔ sooge ŋai bututu, amma ilaalui awɔ cangai kpãai inunuu á jɔɔ igũ.

Daniɛli 11:14

Si waati nŋu bɛ, inɛ nkpɔ nkpɔi á dedeò ija si gãmɛi ilaalui awɔ cangai kpãai inunuu. Nɔ baa inɛ kugaabu ŋa iyi à jɛ inɛi Zudaa dimiɛ ŋau Daniɛli, aa dedeò ija siɛ. Aa bi aŋa a kɔ̃ mii iyi à fɔ ideɛ si kuyɛ gɔ, amma kaa ce.

Daniɛli 11:25

Naanɛɛ fei á wai si gbugbãɛ do wɔɔkɔɛ. Na ŋɔi í jɔ̀ á bɔ igũ bi ilaalui awɔ cangai kpãai nunuu do sooge nkpɔ nkpɔɛ ŋa. Ilaaluu mɔ á ce sɔɔlui igũu do sooge nkpɔ nkpɔ gɔ ŋa iyi à nɛ gbugbã ntɔ ntɔ. Amma kaa yɔkɔ ku kãmia ilaalui awɔ njɛi kpãai inunuu, domi aa dĩaa sɔɔlui kpãai zambai.

Daniɛli 11:40

Bii waatiu í na wa to kɔɔ, ilaalui awɔ cangai kpãai inunuu á naa siɛ igũ. Amma ilaalui awɔ njɛi kpãai inunuu á koo siɛi do gbugbã do sarɛti ku ja igũɛ ŋa, do masaɛ ŋa, do akɔi inyi ŋa nkpɔ nkpɔ. Á lɔ si ilɛ ŋaui do soogeɛ ŋa. Á kua kɔɔi ilɛ ŋau mɔm nii bɛi ido í ya kɔ̃ hee ku dikã.

Zakari 6:6

Nɔ í ni má, acĩ dũdũ ŋau à waa fa sarɛti akãi à waa bɔò ikpa awɔ njɛi kpãai inunu, acĩ fũfũ ŋau à waa too ŋa, nɔ acĩ bati bati ŋau mɔ à waa bɔ ikpa awɔ cangai kpãai inunu.