Daniɛli 11:45 - Bibeli do fee

⁴⁵ Á koo gũ ilei acɔi bommaɛ ŋaui si aninii tenkuu do iri kuta kumá si ilɛ iyi í sĩa í re ilɛ ŋau. Si anyiɛ kuwɛɛɛ á kpa irii, nɔ inɛ kãma kaa sobiɛ.

Daniɛli 11:45 Iomraidhean Croise

Iri ku kɔ̃ 48:2

Aɔ̃ Lafɛ̃ɛ í la, í to a cũu si iluɛ si iri kuta kumáɛu.

Ezai 10:12

Waati iyi Aɔ̃ Lafɛ̃ɛ á na ku kpa irii icɛɛ iyi í nɛ ku ce si iri kutai Siɔ̃ɔ do Zeruzalɛmu fei, waati bɛɛbɛi á sãa ilaalui Asiri ilu faau iyi ilu ku cɔɛ kù sĩau mii iyi í ce.

Ezai 11:9

A kaa ya cea njɛ laalɔ hee má jɛ a ce asɔɔi ngɔgɔ má si iri kuta iyi à nya ikã í jɛ ti Aɔ̃ Lafɛ̃ɛu. Si ilɛu fei inɛ ŋa aa mà Aɔ̃ Lafɛ̃ɛi, nɔ kumàɛu á kɔ̃i si ilɛ fei bɛi inyi í ya kɔ̃ tenku.

Ezai 14:13

Awɔ iyi ì waa fɔ si idɔɛ ì waa ni aa gũ hee lelei Aɔ̃ i koo i jilɛ kitãi bommaɛ do lelei leleaɔ̃ ŋau. Ì waa ni aa koo i maa bubai si iri kuta tengi bii [iwɛ̃ ŋa] à ya ce kutɔtɔɔ nŋa hee do ikpa kɔɔi awɔ njɛi kpãai inunu.

Ezai 2:2

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Ezai 27:13

Waati bɛɛbɛ, kuu nla nla gɔi aa fã. Waati nŋui inɛ ŋa iyi à mu à nɛò ilɛi Asiri ŋau do inɛ ŋa iyi à fangaa si ilɛi Ezibitiu aa baa. Aŋa fei aa sɛɛbatai si wajui Aɔ̃ Lafɛ̃ɛ si iri kuta kumái Zeruzalɛmuu.

Ezai 65:25

Mbo do ama angudã fei, inya akãi aa maa jɛ. Muusu nla do kɛtɛ, aŋa fei fɔfɔi aa maa jɛ, nɔ njo mɔ, ilùlùi á jɛ sɔndaɛ. Si antaii iri kuta kumám nɔu bii fei, laalɔ ku ce do gbugbã ku taa njɛ kãma kaa wa si. Aɔ̃ Lafɛ̃ɛi í fɔ bɛɛbɛ.

Ezai 66:20

Waati bɛɛbɛ, aa baaò inɛ nŋɛ ŋau wa hai ilɛ mmu ŋa. Acĩ ŋai aa gũ wa, do sarɛti ŋa, do sarɛti ŋa iyi aa bii do acɔ ŋa, do mulee ŋa, do kpookpo ŋa. Zeruzalɛmui aa baa si iri kuta kumám nɔu. Aŋai aa jɛ bɛi kuwee iyi à waa naam wa, nɔ an gbaai bɛi dimi iyi inɛi Izirɛli ŋau à ya naaò wa si kpasɛ̃m si pɛrɛnti ŋa iyi à maajuu. Aɔ̃ Lafɛ̃ɛi í fɔ bɛɛbɛ.

Ezekiɛli 39:2

An faɛ n fitaɛi do tilasi hai ilɛi ideɛ iyi í wa hee kɔɔi awɔ njɛi kpãai inunu n bɔòɛ si iri kutai Izirɛli i koo i ce igũ.

Daniɛli 11:16

Ilaalui awɔ njɛi kpãai inunuu á nɛ ku maa naai, nɔ bɛi í bi, bɛɛbɛi á ce. Inɛ kãma kaa yɔkɔ ku kɔ̀ ide si wajuɛ. Á bubai si ilɛ iyi í sĩa í reu, nɔ á ce asɔɔi mii feii si isɛɛnɛɛ iyi wa ceu.

Daniɛli 11:41

Á lɔ si ilɛ iyi í sĩa í re ilɛ ŋau, nɔ inɛ nkpɔ nkpɔi á ku. Amma inɛi Edɔmu ŋa do ti Moabu ŋa, do inɛ ngboi Amɔɔ ŋa aa ba a fita si.

Daniɛli 11:44

Laabaaui nunui daakɔ do ti awɔ njɛi kpãai inunu ŋau aa na a da zigiɛ, nɔ á dedei do idɔɔkɔ̃ nla nla koo ce nfei zamaa nla nla.

Daniɛli 2:35

Ŋɔi anu akã, isɔu do amàu do isɔ nkpau do isɔ fũfũu do wurau, fei ndɛɛ í baa í ce fufu, hee fufu iyi wa ce í soo wa nɛò bɛi fɔfɔ ŋa iyi fufu í ya so ku maa nɛò waati iyi à waa fɛ amaajɛ ŋa hee inɛ kaa yɛ baa tuubaɛ mɔm. Amma kuta iyi í naa í lɛgɛ mii iyi à gbeu, í baa í ce iri kuta nla nla, nɔ í gba andunyau fei.

Daniɛli 7:26

Si anyii nŋu, kiiti á to wa, nɔ waati bɛɛbɛi aa gba gbugbãi bommau siɛ hee do ajɔ fei.

Daniɛli 8:25

Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Daniɛli 9:16

Lafɛ̃ɛ, teese i nyisi wa jiida ku jɛɛ ŋau má. Jɔ̀ idɔɔkɔ̃ nla nlaɛ si gãmɛi Zeruzalɛmu iluɛ iyi í jɛ iri kuta kumáɛu ku sũ. Na dulum du wa ŋa do ti bala nwa ŋau, ilɛ ŋa iyi à kaako wa ŋau à waa bu Zeruzalɛmu do inɛɛ ŋa.

Daniɛli 9:20

Ŋɔi ǹ mɔsi do kutɔɔ ku ce, nɔ ǹ wa n ce tuubai dulum dom ŋa do ti inɛi Izirɛli zamaam ŋau, nɔ ǹ wa n tɔɔ Aɔ̃ Lafɛ̃ɛm nii ntɔ ntɔ na iri kuta kumáu.

Zoɛli 2:20

Mbɛɛ nŋɛ ŋa iyi à waa naa hai ikpa awɔ njɛi kpãai inunuu, an lele ŋa a jĩò ŋɛi. Ikpa bi ilɛ ŋa iyi à jɛ gbaa nɔ à gbɛ ŋau bɛi an jɔ̀ a nɛ. Inɛ ŋa iyi à waa cua nŋa ŋau, an jɔ̀ a koo a dasi tenkui nunui daakɔ. Nɔ inɛ ŋa iyi à wa do anyi nŋa ŋau mɔ, a koo a dasi tenkui nunui alɛu. Inunui iku nŋa ŋa á caa, nɔ á fangaai hee ku jɔ̀ inɛ ŋa a maa gbɔ konkombi si fufu. Do yaase bɛɛbɛi inɛ ŋa iyi à ce nŋɛ laalɔ hee í caau fei aa kpaò iri.

Misee 4:2

Ntɔ ntɔ inɛi ilɛ nkpɔ nkpɔi á maa koo bɛ nɔ aa sɔ̃ njɛi a maa ni, i naa wa ŋa ka gũ iri kutai Aɔ̃ Lafɛ̃ɛ tengi bii kpasɛ̃i Aɔ̃ Lafɛ̃ɛi tɔkui Zakɔbu ŋau í wa. Tengi bɛi á kɔ wa si kpãaɛ ŋa, do bɛi aa ka tooɛ, domi hai Siɔ̃ɔi woodaɛ á fita wa, nɔ hai Zeruzalɛmui ideɛ wa naa.

Zakari 14:8

Waati bɛɛbɛ inyii kuwɛɛ á maa cãi hai Zeruzalɛmu. Bubuɛ á cã ku maa bɔ ikpa nunui daakɔ si Tenku ku da Imu, bubuɛ iyi ihɔ̃ mɔ á cãi ku maa bɔ ikpa nunui alɛ si tenku iyi à ya kpe Tenku Nla. Bɛɛbɛi á maa ce ayɛ do atɛ fei.

Kuka 34:5

hai Asimoni nɔ ku sinda ku nɛ ikpa Ezibiti koo dasi Tenku Nlau.

Tɛsalonika 2, 2:4

Mbɛɛi Ilaaɔ̃i wa jɛ. Á so araɛ ku re mii fei, nɔ ku kɔ̀si Ilaaɔ̃ do mii iyi inɛ ŋa à waa tɔɔ fei. Kpasɛ̃i Ilaaɔ̃ mɔm nii á koo ku buba ku maa kpe araɛ Ilaaɔ̃.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Kuyɛi Zãa 13:10

Inɛ iyi í nɛ piisɔ̃ɔ ku bɔ, tilasi piisɔ̃ɔi á bɔ. Inɛ mɔ iyi à nɛ a kpa do taakuba, tilasi taakubai á kpaa. Na nŋu, woo dasi naanɛ ŋa à nɛ a temuai nɔ a leekĩ si naanɛ ku dasi nŋa.

Kuyɛi Zãa 20:2

Ŋɔi í bata akandama, njo iyi í wɛɛ hai tako tako, iyi í jɛ woo yɛ taalei inɛ do Seetam nɔu nɔ í dũu do seseeu hee adɔ̃ dubu.

Kuyɛi Zãa 20:9

Aŋai aa dede wa hai ilɛ fei a naa a kaako gbodoi woo dasi naanɛ ŋa do ilu iyi Ilaaɔ̃ í biu. Amma ina á naa hai lele, nɔ aŋa fei a jo.