Daniɛli 11:40 - Bibeli do fee

⁴⁰ Bii waatiu í na wa to kɔɔ, ilaalui awɔ cangai kpãai inunuu á naa siɛ igũ. Amma ilaalui awɔ njɛi kpãai inunuu á koo siɛi do gbugbã do sarɛti ku ja igũɛ ŋa, do masaɛ ŋa, do akɔi inyi ŋa nkpɔ nkpɔ. Á lɔ si ilɛ ŋaui do soogeɛ ŋa. Á kua kɔɔi ilɛ ŋau mɔm nii bɛi ido í ya kɔ̃ hee ku dikã.

Daniɛli 11:40 Iomraidhean Croise

Ezai 21:1

Idei ijuukpã iyi à fɔ si gãmɛi gbaa iyi í wa kɔkɔi tenku wee. Ezai í ni, ǹ ce kuyɛ ku nɛ zigiida gɔ. Si kuyɛu, ǹ yɛ mbɛɛ wa naa hai do ikpa gbaa wa hai ilɛ bii à waa ce njoɛu wa. Wa naai do yaase bɛi fufu dabii ŋa à ya dede, nɔ a too do ikpa Negɛbu a lɔò. Ǹ yɛ woo zamba inɛu wa ce zamba, nɔ woo ce nfei inɛu mɔ wa ce icɛɛ. [Nɔ ǹ gbɔ ide ku fɔ gɔ iyi wa ni,] Inɛi Elamu ŋa, i lɔ si ŋa ŋa. Inɛi Mɛɛdi ŋa, i bù ilu nlau koe ŋa. Nɔ Aɔ̃ Lafɛ̃ɛ í ni má, ǹ kpa irii faauɛu feii mbɛ.

Ezai 5:28

Inɛ ŋau à gbe anui afa nŋa ŋa, nɔ à katee bioo nŋa ŋa. Kɔwei acĩ nŋa ŋau à lei bɛi kuta, nɔ kutɛi sarɛtii igũ nŋa ŋau mɔ à yɛi bɛi fufu dabii.

Ezai 66:15

Aɔ̃ Lafɛ̃ɛu wee í nɛ wa naa do ina, nɔ sarɛtii igũɛ ŋa mɔ à yɛi bɛi fufu nla nla. Wa naa ku nyisi idɔɔkɔ̃ nla nlaɛi, nɔ do ijuukpã iyi í yɛ bɛi amɛi ina ŋai á jɛ.

Zeremi 4:13

Woo bɛjɛu wee wa nɛ wa bɛi kudũi ijĩ. Sarɛtiɛ ŋau à yɛi bɛi fufu dabii. Acĩɛ ŋa à gbãa à re baa katɔ. Laalɔi aa ka yɛ, domi à ce nfe mbɛ.

Ezekiɛli 38:4

An dasi kootia ŋa si kɛkɛlɛɛ ŋa n faɛ do gbugbã. Do gbugbãi an jɔ̀ i fita hai ilɛɛ do soogeɛ ŋa do acĩɛ ŋa do masaɛ ŋa fei, aŋa iyi à waa dasi jĩnɛ jiida ŋa, do sooge nkpɔ nkpɔɛ ŋa iyi à waa mu tɛli nla do keeke ŋa nɔ à mà taakuba ŋa ku loo.

Ezekiɛli 38:9

Awɔ do soogeɛ ŋa, do inɛi anyiɛ ŋa, aa faata si ŋa ŋai bɛi fufu nla. Aa bii si ilɛ nŋau ŋai bɛi kudũi ijĩ.

Daniɛli 11:10

Ama inɛmɔkɔ ŋa iyi ilaalui awɔ njɛi kpãai inunuu í nɛ ŋau aa ce sɔɔlui igũ nɔ aa tɔtɔɔ sooge ŋa nkpɔ nkpɔ. Inɛ akã nŋa á bɔ igũ, nɔ do soogeɛ ŋau á kua kɔɔi ilɛu bɛi acãi inyii ido iyi í kɔ̃. Waati iyi á na ku sinda ku maa nyi si ilɛɛ, á ce igũi do ilu nla gɔ iyi mbɛɛ ŋa à waa degbe.

Daniɛli 11:11

Idɔi ilaalui awɔ cangai kpãai inunuu á kɔ̃i ntɔ ntɔ, nɔ á bɔ igũi si ilaalui awɔ njɛi kpãai inunuu. Ilaalui awɔ njɛi kpãai inunuu á tɔtɔɔ sooge ŋai bututu, amma ilaalui awɔ cangai kpãai inunuu á jɔɔ igũ.

Daniɛli 11:13

Nɔ ilaalui awɔ njɛi kpãai inunuu á nyi ku tɔtɔɔ wuaai sooge mmuɛ ŋa má a kpɔ a re baa inɛ sinte ŋau. Si anyii adɔ̃ ŋa iyi aa lɔ keeke, á nyi wa má do sooge ŋa nkpɔ nkpɔ, nɔ á naai do jĩnɛi igũ ŋa iyi à nɛ gbugbã ntɔ ntɔ.

Daniɛli 11:22

Wuaai sooge ku nɛ gbugbã kãma kaa yɔkɔ ku jɔɔ igũ. Á lɛgɛ aŋa feii nɔ ku kpa baa inɛ ngboi zamaa iyi í dĩ akabuuu.

Daniɛli 11:25

Naanɛɛ fei á wai si gbugbãɛ do wɔɔkɔɛ. Na ŋɔi í jɔ̀ á bɔ igũ bi ilaalui awɔ cangai kpãai nunuu do sooge nkpɔ nkpɔɛ ŋa. Ilaaluu mɔ á ce sɔɔlui igũu do sooge nkpɔ nkpɔ gɔ ŋa iyi à nɛ gbugbã ntɔ ntɔ. Amma kaa yɔkɔ ku kãmia ilaalui awɔ njɛi kpãai inunuu, domi aa dĩaa sɔɔlui kpãai zambai.

Daniɛli 11:35

Si inɔi inɛ ŋa iyi aa jɛ woo mà yaasei mii ŋa ku wũaa ŋau, inɛ gɔ ŋa aa ku. Nɔ iku nŋaui á jɔ̀ zamaau ku má, nɔ nŋui á jɔ̀ ku wɛɛò sɔɔlui waatii ankãanyiu. Waati iyi à jilɛu kù to wa titã.

Daniɛli 11:39

Á ya bɔ igũ si ilu ku nɛ gbugbã ŋaui do sobii iwɛ̃ iyi í ba wa hai ilɛ mmuu. Inɛ ŋa iyi à ce anu akã do iwɛ̃u fei, á ya jɔ̀ a jɛ ilu bɛɛrɛ ŋai. Aŋai á cica ku jɔ̀ a jɛ inɛ ngbo ŋa si zamaau, nɔ ku ce nŋa amuai ilɛ ŋa.

Daniɛli 11:7

Si nyaanzei ama inaaboi ilaalui awɔ cangai kpãai inunuu, inɛ gɔi á na ku gba agbɛi baaɛu. Á naai ku na ku maa kpã soogei ilaalui awɔ njɛi kpãai inunuu iju si ilu ku nɛ gbugbãɛ ŋau. Á lɔsi igũ ku ce do soogeɛ ŋaui, nɔ ku jɛ ŋa igũ.

Daniɛli 12:4

Awɔ Daniɛli, mu ide ŋau ihɛ̃ si asii. Maà jɔ̀ inɛ ŋa a mà ide ŋa iyi à wa si tiau ihɛ̃ hee koo toò waatii ankãanyiu. Waati bɛɛbɛ, inɛ nkpɔ nkpɔi á cioɛ, nɔ kumà nŋa á la ku kɔ̃ɔsi.

Daniɛli 12:9

Nɔ í jɛɛm í ni, Daniɛli, koo nɛ. Ideu á maa wɛɛi si asii titã hee koo toò waatii iri ku kpau.

Daniɛli 8:17

Ŋɔi í naa kɔkɔi tengi bii ǹ wau. Waati iyi wa naa, zigim í dai ntɔ ntɔ nɔ ǹ sɛɛbata si wajuɛ. Ŋɔi í sɔ̃m í ni, awɔ amanɛ, gbɔ yaasei kuyɛu ihɛ̃. Kuyɛu ihɛ̃, idei waatii iri ku kpai andunyai wa fãa.

Abakuku 3:14

Mbɛɛ ŋaui à saasa à faata wa si wa bɛi fufu nla gɔ ku ba a fangaa wa. À waa dɔ̃ anu do inɔ didɔ̃. À tã sɔɔlu a kpa ilu are ŋa si asii. Amma awɔ Aɔ̃ Lafɛ̃ɛ, ì lu irii inɛ ngbo nŋa ŋaui do afa nŋa ŋa.

Zakari 9:14

Aa yɛ amu Aɔ̃ Lafɛ̃ɛ ikpa lele, n ta afa bɛi kulai ijĩ. Nɔ n fã kuu nɔ n naa do fufui ijĩ iyi wa naa hai ikpa awɔ cangai kpãai inunu.

Kuyɛi Zãa 16:12

Ŋɔi amaleka mɛɛfasiau mɔ í nikã titɛɛ si ido nla iyi à ya kpe Efarata, nɔ í gbɛ mam mam ku mua amanlui nunui daakɔ ŋa kpãa a kua.

Kuyɛi Zãa 9:16

À sɔ̃m jiai masa nŋa ŋa, à wɛɛi dubu minji ikɔ dubu cĩɔ (200.000.000).