Daniɛli 11:38 - Bibeli do fee

³⁸ Amma do nŋu fei, á ya tɔɔ iwɛ̃ iyi wa degbe ile ku nɛ gbugbã ŋau. Iwɛ̃ iyi bɛ, balaɛ ŋa a kù màa mɔm. Á ya ceaa amuai wura do amuai isɔ fũfũ, do amuai kuta ku nɛ bɛɛrɛ ŋa, do jĩnɛ mmu ku nɛ bɛɛrɛ ŋa má.

Daniɛli 11:38 Iomraidhean Croise

Ezai 44:9

Woo ce mii ŋa iyi à jɔ iwɛ̃ ŋau fei, inya ngbɛ ŋai. Icɛ kusĩa nŋa iyi à waa ce fei, ngbɛi. Iwɛ̃ ŋaui aa jɛ sɛɛda nŋa, iwɛ̃ ŋa iyi a kù waa yɛ nkãma, nɔ a kù mà nkãma. Iwɛ̃ ŋau aa na a jɔ̀ anyɔ ku bii ŋai.

Daniɛli 11:37

Ilaaluu kaa saalu baa iwɛ̃i balaɛ ŋa hee má jɛ iwɛ̃ iyi inaabo ŋa à ya biu. Kaa saalu iwɛ̃ kãma, domi si faauɛu, á yɔɔ iyi nŋu í wa si antaii aŋa feii.

Daniɛli 11:39

Á ya bɔ igũ si ilu ku nɛ gbugbã ŋaui do sobii iwɛ̃ iyi í ba wa hai ilɛ mmuu. Inɛ ŋa iyi à ce anu akã do iwɛ̃u fei, á ya jɔ̀ a jɛ ilu bɛɛrɛ ŋai. Aŋai á cica ku jɔ̀ a jɛ inɛ ngbo ŋa si zamaau, nɔ ku ce nŋa amuai ilɛ ŋa.

Daniɛli 11:7

Si nyaanzei ama inaaboi ilaalui awɔ cangai kpãai inunuu, inɛ gɔi á na ku gba agbɛi baaɛu. Á naai ku na ku maa kpã soogei ilaalui awɔ njɛi kpãai inunuu iju si ilu ku nɛ gbugbãɛ ŋau. Á lɔsi igũ ku ce do soogeɛ ŋaui, nɔ ku jɛ ŋa igũ.

Timɔtee 1, 4:1

Hundei Ilaaɔ̃ í fɔ dee dee í ni si awaatii ankãanyi inɛ gɔ ŋa aa jɔ̀ kpãai naanɛ ku dasi, a maa jirima idei woo dĩ ijui inɛ ŋa do kukɔsii Seetam.

Kuyɛi Zãa 18:12

iyi í jɛ wura do isɔ fũfũ do kuta jiida ku nɛ fia ŋa do lɛgɛ fũfũ ŋa do acɔ fũfũ kú nɛ fia gɔ do acɔ iyi í jɛ ti ilaalu do acɔ iyi à ya ceò mango do acɔ nkpa jiida. Inɛ gɔ kù waa ra jĩi ku nɛ inunu jiida ilu fia má, do dimii mii ikã ikã iyi à ce do inyíi jua walakɔ do jĩi jiida walakɔ do isɔ nkpa walakɔ do isɔ walakɔ do kuta fũfũ.