Daniɛli 11:36 - Bibeli do fee

³⁶ Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 11:36 Iomraidhean Croise

Iri ku kɔ̃ 136:2

I saabu Ilaaɔ̃ nŋu iyi í re iwɛ̃ ŋa, domi kubiɛ í ya maa wɛɛi hee do ajɔ fei.

Iri ku kɔ̃ 33:10

Aɔ̃ Lafɛ̃ɛi í ya kɛkɛ lasabu iyi inɛi ilɛ ŋa à waa ce nɔ í ya kpa irii icɛ nŋai mam mam.

Mɔnda ŋa 19:21

Mii nkpɔ nkpɔi amanɛ í ya lasabu nŋu ku ce, amma idɔɔbii Aɔ̃ Lafɛ̃ɛi í ya ce.

Ezai 10:23

Nɔ bɛi Aɔ̃ Lafɛ̃ɛi lele do ilɛ í fɔu bɛɛbɛi á ce si ilɛu fei. Á ce nfei ilɛui si bɛi í fɔɔ tã.

Ezai 10:25

Waati iyi í gbe idɔɔkɔ̃m ku leekĩ kù sɔ má. Waatiu kekeekei, waati bɛɛbɛi an sinda si ŋa n ce nfe nŋa.

Ezai 10:5

Inɔ kufɔ nla nlai í jɛ ti Asiri nŋu iyi í jɛ bɛi kpɔtɔɔ iyi an nyisiò idɔɔkɔ̃m. Golo iyi wa mu si awɔɛu bɛi í jɛ jĩnɛi idɔɔkɔ̃m.

Ezai 14:13

Awɔ iyi ì waa fɔ si idɔɛ ì waa ni aa gũ hee lelei Aɔ̃ i koo i jilɛ kitãi bommaɛ do lelei leleaɔ̃ ŋau. Ì waa ni aa koo i maa bubai si iri kuta tengi bii [iwɛ̃ ŋa] à ya ce kutɔtɔɔ nŋa hee do ikpa kɔɔi awɔ njɛi kpãai inunu.

Ezai 14:14

Ì waa ni aa gũi hee si antaii kudũi ijĩ ŋau, nɔ awɔ do Ilaaɔ̃ iyi í wa leleu aa jɛ saa ŋai.

Ezai 26:20

Iŋɛ inɛm ŋa, i fa ara nŋɛ i koo i lɔ inɔ ile nŋɛ ŋa, nɔ i cĩmbo si ara nŋɛ gambo nŋɛ ŋau. I manji bɛ keeke titã ŋa hee idɔɔkɔ̃u ku lɔ,

Ezai 30:33

Hai ku kpɛi à ce sɔɔlui jĩi ŋa à tɔtɔɔɛ. À cooi na irii ilaalu si afe gɔ iyi í cĩ nɔ í jĩisa. Tengi bɛi aa dasi jĩi nkpɔ nkpɔu ina. Fufui kumii Aɔ̃ Lafɛ̃ɛi á dasi inau, nɔ inau á dedei bɛi inai fainwita.

Ezai 46:10

Hai sinte, ǹ fɔ mii iyi á na ku ce. Nɔ mii iyi kù ce titã, ǹ ya n fɔ ideɛ wai ku kpɛ ku bɛi ku ce. Ǹ ni, mii iyi ǹ jilɛ ku ce, an cooi. Mii iyi ǹ bi ku ce fei, an cooi.

Ezai 57:9

Ì ce isɛɛnɛ ì bɔ bi iwɛ̃ɛ do amuai ikpo ŋa. Ì fãsi araɛ tuae ku dɔ̃ inunu ŋa, nɔ ì bɛ inɛ ŋa hai ihɛ̃ à bɔ hee jĩijĩ. Ì jɔ̀ à bɔi hee bi kuwai iku ŋa.

Ezekiɛli 28:2

awɔ amanɛ, sɔ̃ ilaalui Tii i ni amu Aɔ̃ Lafɛ̃ɛ ǹ ni, ì so araɛ lele ì ni awɔ Ilaaɔ̃i nɔ ì ni si aninii tenkui ì koo ì wa, ì waa ce araɛ saai Ilaaɔ̃, do nŋu fei, awɔ amanɛi i kù jɛ Ilaaɔ̃.

Ezekiɛli 35:13

Ì dede sim do ide ku kɔ̀ ŋa, ì sɔ̃m ide nla ŋa, ǹ gbɔ ndom nii amu takam.

Daniɛli 11:16

Ilaalui awɔ njɛi kpãai inunuu á nɛ ku maa naai, nɔ bɛi í bi, bɛɛbɛi á ce. Inɛ kãma kaa yɔkɔ ku kɔ̀ ide si wajuɛ. Á bubai si ilɛ iyi í sĩa í reu, nɔ á ce asɔɔi mii feii si isɛɛnɛɛ iyi wa ceu.

Daniɛli 11:3

Amma ilaalu kaasãanɛ gɔ á na ku dede. Bommaɛu á nɛ gbugbãi nla nla, nɔ bɛi í bi fei, bɛɛbɛi á ce.

Daniɛli 11:37

Ilaaluu kaa saalu baa iwɛ̃i balaɛ ŋa hee má jɛ iwɛ̃ iyi inaabo ŋa à ya biu. Kaa saalu iwɛ̃ kãma, domi si faauɛu, á yɔɔ iyi nŋu í wa si antaii aŋa feii.

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 2:47

Ŋɔi ilaaluu í sɔ̃ Daniɛli má í ni, ntɔ ntɔ, Aɔ̃ Lafɛ̃ɛ nŋɛ í re iwɛ̃ ŋa fei. Nŋui í jɛ Lafɛ̃ɛi ilaalu ŋa, nɔ nŋu akãi í ya jɔ̀ inɛ ku gbɔ yaasei asii ŋa, domi ì yɔkɔ ì tusɛɛm yaasei idei asiiu ihɛ̃.

Daniɛli 5:19

Na saabui kula iyi í jɔ̀ í lau, inɛi andunya ŋa fei, do dimi fei, do fee ikã ikã fei à waa ce njoɛ, nɔ à ya maa yaya si wajuɛi. Inɛ iyi í bii í ya kpa, nɔ inɛ iyi í bi mɔi í ya jɔ̀. Inɛ iyi í bii í ya so lele, nɔ inɛ iyi í bii í ya kaye.

Daniɛli 5:20

Amma waati iyi í naa í dedeò faau nɔ í lele idɔɛ hee í baa í nɛ yaako ntɔ ntɔ si idɔɛu, à kɛkɛɛ hai si kitãi bommaɛu nɔ í kua bɛɛrɛɛu mɔ.

Daniɛli 7:8

Ŋɔi ǹ wa n cɔ ngo ŋau, nɔ ǹ ba wee gɔgɔ iyi í kere í re ŋa í fita wa má, nɔ ngo mɛɛta sinte ŋa iyi à wa bɛ ŋau à tu. Nɔ ngou í nɛ iju ŋa bɛi amanɛ, nɔ í nɛ gɛlɛ iyi wa fɔò idei faau ŋa.

Daniɛli 8:19

Nɔ í sɔ̃m í ni, an jɔ̀ i mà mii iyi á na ku ce si waati iyi idɔɔkɔ̃u á to kɔɔ, domi waatii iri ku kpa í wɛɛ iyi à jilɛ.

Daniɛli 8:4

Ŋɔi ǹ yɛ angudãu wa cã ngoɛ ŋa do ikpa nunui alɛ, nɔ wa cã ngoɛ ŋau má do ikpa awɔ njɛi kpãai inunu, si anyiɛ, nɔ wa cã ngoɛ ŋau má do ikpa awɔ cangai kpãai inunu. Mɛɛmu kãma kaa jɛ ku kɔ̀ ide si wajuɛ, nɔ inɛ kãma kaa yɔkɔ ku faaba inɛ gɔ hai si awɔ gbugbãɛ. Mii iyi í bii í ya ce, nɔ gbugbãɛ í la wa kɔ̃ɔsi.

Zakari 11:16

domi nŋu á jɔ̀ woo degbe gɔ ku naa si ilɛu. Woo degbeu kaa gbɔa angudã ŋa iyi à waa bɔ ku ku. Kaa bɔ ama angudã ŋa iyi à nyɔu ku dɛdɛ. Baaɛ kaa wa si do inɛ ŋa iyi à mɛɛ, nɔ kaa cɔ ilu baani ŋa mɔ. Amma iyi à nɛ ikpo ŋau, á ya maa ŋɔ ŋai hee do kɔwei kɔbisi nŋa ŋau fei.

Laabaau jiida iyi Zãa í kɔ 5:30

Jesu í ni, n kaa n yɔkɔ n ce ngɔgɔ do aram. Si bɛi Ilaaɔ̃ í sɔ̃m si bɛɛbɛi an ceò kiitiu, nɔ kiitim í jɛ dee dee domi n kù wa n dɛ idɔɔbim ku ce, bii kù jɛ idɔɔbii inɛ iyi í bɛm wa.

Laabaau jiida iyi Zãa í kɔ 6:38

Ǹ kita wai hai lelei Aɔ̃ n na n ceò idɔɔbii inɛ iyi í bɛm wa, kù jɛ idɔɔbii amu takam.

Woo bɛ ŋa 4:28

Bɛɛbɛi à ce, nɔ nŋu bɛi í jɔ̀ mii iyi ì jilɛ fei hai tako iyi í jɛ idɔɔbiɛ í kɔ̃.

Wooda ku kɔsi 10:17

domi ntɔ ntɔ, nŋui í jɛ Aɔ̃ Lafɛ̃ɛ iyi í nɛ gbugbã í re iwɛ̃ ŋa fei, nɔ nŋui í jɛ Lafɛ̃ɛi lafɛ̃ɛ ŋa, nŋui í la, í nɛ gbugbã nɔ nŋui inɛ ŋa à nɛ a ce njoɛ. Bi tɛɛ, inɛ gɔ kù re inɛ gɔ, nɔ ci ya gba amua iyi kù jɛ dee dee.

Tɛsalonika 2, 2:3

I maà jɔ̀ inɛ gɔ ku dĩ iju nŋɛ si ide kãma. Ajɔi Lafɛ̃ɛu ku bɛi ku to wa inɛ nkpɔi á fũsi naanɛ ku dasiɛ awɔ. Si anyii nŋu, inɛ iyi wa ba Ilaaɔ̃ ku jau á faata wa, nŋu iyi í jɛ amai nfe ku ce.

Tɛsalonika 2, 2:4

Mbɛɛi Ilaaɔ̃i wa jɛ. Á so araɛ ku re mii fei, nɔ ku kɔ̀si Ilaaɔ̃ do mii iyi inɛ ŋa à waa tɔɔ fei. Kpasɛ̃i Ilaaɔ̃ mɔm nii á koo ku buba ku maa kpe araɛ Ilaaɔ̃.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Zozue 22:22

ntɔ ntɔ Aɔ̃ Lafɛ̃ɛ í wɛɛ, í nɔ í mà mii iyi í jɔ̀ à ce bɛɛbɛ. Nɔ inɛi Izirɛli ŋau fei aa na a mà. Bii í jɛ à waa kɔ̀ ide si wajui Aɔ̃ Lafɛ̃ɛi, bii í nɔ í jɛ taale nla nla gɔi à ce si wajui Aɔ̃ Lafɛ̃ɛ, hai nnyi ku maà jɔ̀ kuwɛɛ nwa ku bɔ waju má.

Kuyɛi Zãa 10:7

amma waati iyi amaleka mɛɛjesiau mɔ á fã kãakãakĩɛ, waati bɛɛbɛi Ilaaɔ̃ á kɔ̃ mii iyi í dasi idɔ ku ce iyi inɛ kãma kù màu, si bɛi í sɔ̃ walii woo ce icɛɛ ŋa wo.

Kuyɛi Zãa 12:14

Amma à na abou ikpa minjii kungbã nla ku ba ku fo ku bɔ ikpa inya iyi Ilaaɔ̃ í ceaa sɔɔluɛu si gbaa bii aa woo adɔ̃ mɛɛta do bubu. Tengi bɛi á jĩò njou.

Kuyɛi Zãa 13:1

Si anyii nŋu, ǹ yɛ mɛɛmu kugaabu gɔ wa fita wa hai inɔ tenku. Í nɛ ngo mɛɛwa do iri mɛɛje nɔ fulai bomma wa lesi ngo ŋau fei, nɔ si iri ŋau fei à kɔ iri laalɔ ŋa ikã ikã iyi wa bu Ilaaɔ̃.

Kuyɛi Zãa 17:17

Aa ce bɛɛbɛi si na iyi í jɔ̀ Ilaaɔ̃ í jɔ̀ à ce idɔɔbiɛ. Bɛɛbɛi aa ce anu akã ku ba a so ilaalu ku jɛ nŋa a na mɛɛmuu. Aa maa jirima mɛɛmuui hee idei Ilaaɔ̃ koo ceò.

Kuyɛi Zãa 17:3

Ŋɔi Hundei Ilaaɔ̃ í naa sim nɔ amalekau í bɔòm gbaa. Bɛi, ǹ yɛ abo gɔ wa buba si antaii mɛɛmu kugaabu nkpa gɔ. Mɛɛmuu í nɛ iri mɛɛje do ngo mɛɛwa nɔ à kɔ si araɛ fei iri laalɔ ku bu Ilaaɔ̃.