Daniɛli 11:35 - Bibeli do fee

³⁵ Si inɔi inɛ ŋa iyi aa jɛ woo mà yaasei mii ŋa ku wũaa ŋau, inɛ gɔ ŋa aa ku. Nɔ iku nŋaui á jɔ̀ zamaau ku má, nɔ nŋui á jɔ̀ ku wɛɛò sɔɔlui waatii ankãanyiu. Waati iyi à jilɛu kù to wa titã.

Daniɛli 11:35 Iomraidhean Croise

Bomma 2, 32:31

Na ŋɔi í jɔ̀ waati iyi inɛ ngboi Babilɔni ŋau à bɛ inɛ ŋa siɛ a koo a beeɛ idei maamaake iyi í ce si ilɛu, Ilaaɔ̃ í jɔ̀ɔi titã ku ba ku cɔ laakaiɛ nɔ ku mà mii iyi í wa si idɔɛ fei.

Mɔnda ŋa 17:3

Do inai à ya yɔò isɔ fũfũ do wura a cɔò jiida ku jɛ nŋa, amma Aɔ̃ Lafɛ̃ɛi í ya wusɛ idɔi amanɛ ku cɔ.

Ezai 27:9

Do yaase bɛɛbɛi í kpaò kurarai dimii Zakɔbu. Mii iyi suurui dulum iyi à ceau á bí wee. Aa lɛgɛ kuta ŋa iyi à ceò bi kuweeu feii hee a nya fufu nŋa. Nɔ inɛ kaa yɛ jĩi ŋa iyi à gũ na iwɛ̃ Asera ŋau a maa leekĩ má, nɔ bi ku jo tuae ŋau mɔ a kaa maa leekĩ má.

Daniɛli 11:27

Ilaalu minji ŋau aa tɔtɔɔ a jɛ inya akã, amma si idɔ nŋa, aa dɛdɛ a cea njɛ laalɔi. Iboi aa sɔa njɛ. Ide nŋa kaa nɛ aranfãani kãma, domi ideu á kpa irii bii waati iyi à jilɛu í to.

Daniɛli 11:29

Bii waati iyi à jilɛu í na í to, ilaalui awɔ njɛi kpãai inunuu á sinda ku nyi si ilɛi inɛi awɔ cangai kpãai inunu ŋau mái. Amma si waati nŋu bɛ, mii ŋa kaa ce bɛi í tako í ce sinteu má.

Daniɛli 11:33

Nɔ si zamaau, inɛ ŋa iyi aa mà mii ŋa ku wũaa, aa ya maa sɔ̃ inɛ nkpɔ idei do bisi. Waati gɔ á na ku naa, inɛ gɔ ŋa aa koosɛi na igũ. Aa jo inɛ gɔ ŋai. Inɛ gɔ ŋa mɔ aa gba amani nŋa ŋai nɔ a dasi ŋa piisɔ̃ɔ.

Daniɛli 11:40

Bii waatiu í na wa to kɔɔ, ilaalui awɔ cangai kpãai inunuu á naa siɛ igũ. Amma ilaalui awɔ njɛi kpãai inunuu á koo siɛi do gbugbã do sarɛti ku ja igũɛ ŋa, do masaɛ ŋa, do akɔi inyi ŋa nkpɔ nkpɔ. Á lɔ si ilɛ ŋaui do soogeɛ ŋa. Á kua kɔɔi ilɛ ŋau mɔm nii bɛi ido í ya kɔ̃ hee ku dikã.

Daniɛli 12:3

Inɛ ŋa iyi à jɛ ilu laakai ŋa aa maa daanai bɛi inya kumái lelei Aɔ̃. Aŋa iyi aa nyisi inɛ ŋa yaase bɛi aa jɛò dee dee bi Ilaaɔ̃, aa maa daanai waati kãma fei bɛi leleaɔ̃ ŋa.

Daniɛli 12:4

Awɔ Daniɛli, mu ide ŋau ihɛ̃ si asii. Maà jɔ̀ inɛ ŋa a mà ide ŋa iyi à wa si tiau ihɛ̃ hee koo toò waatii ankãanyiu. Waati bɛɛbɛ, inɛ nkpɔ nkpɔi á cioɛ, nɔ kumà nŋa á la ku kɔ̃ɔsi.

Daniɛli 8:10

Nɔ í dedeò ide ku kɔ̀ si gãmɛi inɛi lelei Aɔ̃ ŋau. Í cã inɛ gɔ ŋa í nyɔ ŋa wa ilɛ do leleaɔ̃ gɔ ŋa, nɔ í tɛɛsɛ ŋa bugu bugu.

Daniɛli 8:17

Ŋɔi í naa kɔkɔi tengi bii ǹ wau. Waati iyi wa naa, zigim í dai ntɔ ntɔ nɔ ǹ sɛɛbata si wajuɛ. Ŋɔi í sɔ̃m í ni, awɔ amanɛ, gbɔ yaasei kuyɛu ihɛ̃. Kuyɛu ihɛ̃, idei waatii iri ku kpai andunyai wa fãa.

Daniɛli 8:19

Nɔ í sɔ̃m í ni, an jɔ̀ i mà mii iyi á na ku ce si waati iyi idɔɔkɔ̃u á to kɔɔ, domi waatii iri ku kpa í wɛɛ iyi à jilɛ.

Daniɛli 9:27

Si waatii ankãanyii adɔ̃ mɛɛjeu, á dĩ akabuu do inɛ nkpɔ nkpɔ. Nɔ si anyii adɔ̃ mɛɛta do bubu, á jɔ̀ a leekĩ kuwee do amua ŋa ku ceu. Woo ce laalɔu, á ce laalɔ sãmiɛ ŋai anu akã hee nŋu takaɛ koo kpaò iri si bɛi à fɔ à jilɔɔ.

Abakuku 2:3

Awaati iyi kuyɛu á kɔ̃ kù to titã, amma á cei si waati iyi ǹ bi. Degbeɛ do temua baa bii wa kpɛ. Ntɔ ntɔ, ide iyi ǹ fɔu á cei bii waatiɛ í to, sika kãma kù wa si.

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Matie 16:17

Ŋɔi Jesu í ni, Simɔɔ, amai Zãa, awɔ ilu inɔ didɔ̃i. Kù jɛ amanɛi í sɔ̃ɛ, bii kù jɛ Baam iyi í wa lele.

Matie 26:56

Amma mii ŋau ihɛ̃ fei wa cei ku ba ide iyi walii ŋau à fɔ si kukɔi idei Ilaaɔ̃ ku kɔ̃. Ŋɔi mɔcɔ ŋau fei à jɔ̀ɔ à sa.

Laabaau jiida iyi Zãa í kɔ 15:2

Amaawɔm ŋa iyi a ci ya so fei, nŋui í ya da ŋa ku nyɔ ŋa. Amaawɔ ŋa iyi à waa so mɔ í ya kɔta ŋai ku ba a so a kɔ̃ɔsi.

Laabaau jiida iyi Zãa í kɔ 20:25

Ŋɔi mɔcɔ ŋa iyi à gbeu à sɔ̃ɔ à ni, à yɛ Lafɛ̃ɛ. Amma Tomaa í sɔ̃ ŋa í ni, nɔ n kù yɛ agbɛi pɔ̃ɔti ŋau si awɔɛ ŋa nɔ n kù dasi amaawɔm si agbɛi pɔ̃ɔtiu nɔ n kù dasi awɔm si dalai jujui kpakpaa cingaaɛu n kaa n dasi naanɛ pai.

Woo bɛ ŋa 13:13

Si anyiɛ ŋɔi Pɔlu do kpaasiɛ ŋa à lɔ akɔi inyi hai Pafɔsi à nɛ nɔ à to Pɛɛzu si ilɛi Panfili. Amma Zãa Maaku í jɔ̀ ŋa hai bɛ í sinda í nyi Zeruzalɛmu.

Wooda ku kɔsi 8:16

Nŋui í jɔ̀ í ba dimii sɔnda gɔ iyi à ya kpe mana iyi bala nŋɛ ŋa a kù màu ì jɛ ŋa. Í jɔ̀ ì ba wahala ŋa ku ba ku cɔ laakai nŋɛ, nɔ ku ce nŋɛ sɔɔlui kuwɛɛ si ididɔ̃ do waju.

Zaaki 1:2

Kpaasim ŋa, dimii laakai ku cɔ iyi á naa si ŋɛ fei i ya jɔ̀ ku jɛ nŋɛ inɔ didɔ̃ nla nla,

Kuyɛi Zãa 14:15

Amaleka gɔ í fita wa hai kpasɛ̃i Ilaaɔ̃, nɔ í dɔ̃ anu í sɔ̃ inɛ iyi wa buba si anduulai ijĩu í ni, so kɔɔmaɛ i mu, domi awaatii kumu í to. Andunyau í to ku mu.

Kuyɛi Zãa 17:17

Aa ce bɛɛbɛi si na iyi í jɔ̀ Ilaaɔ̃ í jɔ̀ à ce idɔɔbiɛ. Bɛɛbɛi aa ce anu akã ku ba a so ilaalu ku jɛ nŋa a na mɛɛmuu. Aa maa jirima mɛɛmuui hee idei Ilaaɔ̃ koo ceò.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.

Kuyɛi Zãa 7:14

Nɔ ǹ jɛaa ǹ ni, lafɛ̃ɛm, n kù mà, awɔi aa mà. Nɔ í sɔ̃m í ni, inɛ ŋau ihɛ̃ à fita wai hai si bɔ̃nɛ nla nla. À fɔ jĩnɛ nŋa ŋa à fũuta ŋa do njɛi ama angudãu.