Daniɛli 11:34 - Bibeli do fee

³⁴ Si waatii wahalau bɛ, sobi keekei aa ba. Inɛ nkpɔ iyi á ya naa bi tu ŋa, kaa ya jɛ do inɔ akã.

Daniɛli 11:34 Iomraidhean Croise

Daniɛli 11:21

Si anyiɛ, inɛ gɔ iyi a kaa maa saalui á sãsi agbɛɛ. Lafɛ̃ɛ kaa nɛ kpãai a naa gbugbãi bommau. Amma á gba ndɛɛi do kpãa ŋa iyi a kù jɛ dee dee. Á gba bommaui si waati iyi ilɛu í wɛɛò laakai ku sũ.

Daniɛli 11:32

Ilaaluu takaɛ á cea inɛ ŋa kuwã ibo ŋa, nɔ ku jɔ̀ inɛ ŋa a fũsi akabuu nŋa iyi à ce do Ilaaɔ̃ awɔ. Amma inɛ ŋa iyi à mà Ilaaɔ̃ Lafɛ̃ɛ nŋa, aa kɔ̀ a maa ce wũaa nŋai do wɔɔkɔ.

Matie 7:15

Jesu í ni má, i ya ce laakai ŋa do walii ilu ibo ŋa. À ya naa bi tu ŋɛi bɛi angudã ŋa, amma idɔ nŋa í yɛi bɛi idɔi mbo ŋa.

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Galati 2:4

A kù tilasiɛ baa do iyi inɛ gɔ ŋa iyi a kù jɛ inɛ nwa ŋa do ntɔ à lɔ wa si igbɛu à waa bi a tilasi inɛ fei ku ce bango. Inɛ ŋau woo zamba inɛ ŋai. À naai do bisi ku ba a bɛjɛ ara ku nɛ nwa si anu akã nwa do Jesu Kirisi nɔ a ce wa aru.

Timɔtee 2, 4:3

Ǹ wa n fɔ bɛɛbɛi domi waati gɔ wa naa iyi inɛ ŋa a kaa bi idei kukɔsi jiida ku gbɔ, amma aa dɛdɛa ara nŋa woo kɔ si cio nkpɔ, inɛ ŋa iyi aa lɛlɛ ŋa do ide iyi à bi ku gbɔ.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Zãa 1, 4:5

Inɛ nŋu ŋa ti andunyai à jɛ, ŋɔi í jɔ̀ à waa fɔ ide do bisii andunya, nɔ inɛi andunya ŋa à waa gbɔ ide nŋa.

Zãa 2, 1:7

Woo wa inyii itĩ nkpɔi í fangaa si andunya, inɛ ŋa iyi a kù jɛsi iyi Jesu Kirisi í baa í jɛ amanɛ. Inɛ iyi wa ce bɛɛbɛ, woo wa inyii itĩi inɛi do mbɛɛi Kirisi.

Zudu 1:4

Tilasii n kɔ nŋɛ wa nsɛi si na iyi í jɔ̀ inɛ laalɔ gɔ ŋa à lɔ si inɔ nŋɛ do ile, aŋa iyi à waa kpaasi didɔ̃i Ilaaɔ̃ a ba a ceò daa sãmi nŋa, nɔ a kɔ̀si Jesu Kirisi, nŋu akã iyi í jɛ ilaalu nwa do Lafɛ̃ɛ nwa. Hai tako takoi à kɔ idei ijuukpã iyi inɛ ŋau aa na a yɛ si ajɔi kiitiu.

Kuyɛi Zãa 12:13

Iyi akandamau í ba à nyɔ nŋu wa ilɛ, ŋɔi í lɔsi ku lele abo iyi í bí ama inɛmɔkɔu.

Kuyɛi Zãa 2:20

Amma mii iyi ǹ yɛ si ŋɛ wee. Ì waa temuaò abo iyi à ya kpe Zezabɛli ŋa, nŋu iyi wa kpe araɛ walii nɔ wa wa inyii itĩi woo dasi naanɛ woo ce icɛm ŋa do ikɔɛ ku ba a ya maa ce sɛ̃ɛ ku tɔtɔɔ hai nɛ yaase nɔ a ya maa ŋɔ iŋa iyi à ceaò iwɛ̃ ŋa kuwee.