Daniɛli 11:33 - Bibeli do fee

³³ Nɔ si zamaau, inɛ ŋa iyi aa mà mii ŋa ku wũaa, aa ya maa sɔ̃ inɛ nkpɔ idei do bisi. Waati gɔ á na ku naa, inɛ gɔ ŋa aa koosɛi na igũ. Aa jo inɛ gɔ ŋai. Inɛ gɔ ŋa mɔ aa gba amani nŋa ŋai nɔ a dasi ŋa piisɔ̃ɔ.

Daniɛli 11:33 Iomraidhean Croise

Daniɛli 12:10

Ilaaɔ̃ á jɔ̀ inɛ nkpɔ nkpɔ ku maajui hee a fũuta, nɔ wahala ku wɛ ŋa. Woo ce laalɔ ŋa aa maa ce laalɔi, nɔ a kaa yɔkɔ a gbɔ yaasei nkãma. Amma ilu laakai ŋa aa gbɔ yaasei mii ŋa iyi wa ce.

Malasi 2:7

Ntɔ ntɔ, icɛi woo wee ŋai í jɛ a kɔ inɛ ŋa si bɛi aa ce a mà amu Aɔ̃ Lafɛ̃ɛ. Bi tu ŋai inɛ ŋa à ya na a ce kubee si gãmɛi asaiya ŋa iyi à nɛ a too si, domi aŋai à jɛ amaabɛi amu Aɔ̃ Lafɛ̃ɛi lele do ilɛ.

Matie 10:21

Inɛ gɔ ŋa aa zamba ifɔ nŋa ŋa walakɔ igbã nŋa ŋa ku ba a kpa ŋa. Bɛɛbɛ mɔi baa ŋa aa maa cea ama nŋa ŋa. Amu ŋa mɔ aa dede si baa nŋa ŋa ku ba a kpa ŋa.

Matie 13:11

Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à gbe ŋau a màa.

Matie 20:23

Nɔ í sɔ̃ ŋa má í ni, ntɔi, aa yɛ ijuukpã iyi an yɛ ŋa. Amma kù jɛ amui an cica inɛ ŋa iyi aa buba si canga do njɛm. Bi ku buba ŋau bɛ, inɛ ŋa iyi Ilaaɔ̃ Baam í cea sɔɔluɛ ŋai aa buba si.

Matie 24:9

Si waati nŋu, aa dasi ŋɛ si awɔi inɛ ŋa a kpã ŋɛ iju, aa kpa ŋɛ mɔm. Dimi fei á cé ŋɛi na irim.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Laabaau jiida iyi Zãa í kɔ 16:2

Aa na a ganji ŋɛ ile bii à ya ce kutɔtɔɔ ŋa ku bɔ. Nɔ awaati wa naa iyi inɛ ŋa aa kpa inɛ gɔ nŋɛ ŋa, nɔ aa maa tamaa bɛi Ilaaɔ̃i aŋa à waa cea icɛ.

Woo bɛ ŋa 11:26

Iyi í yɔɔ ŋɔi í bɔòɛ Antiɔsi. Adɔ̃ akãi aŋa minjiu à ce bɛ à ya tɔtɔɔ do inɛi igbɛi Jesu ŋa nɔ à ya kɔa inɛ nkpɔ si cioi idei Ilaaɔ̃. Antiɔsi bɛi à sinti ku kpe inɛ ŋa iyi à waa too kpãai Jesuu inɛi Kirisi ŋa.

Woo bɛ ŋa 14:21

Iyi Pɔlu do Baanabasi à to Dɛɛbu à waazo laabaau jiida si iluu nɔ inɛ nkpɔ í lɔsi kpãai Jesu ku too bɛ. Si anyiɛ nɔ à nyi ikpa Lisiti do Ikonimu do Antiɔsi iyi í wa ilɛi Pisidi.

Kɔrɛnti 1, 4:9

Amma si kuyɛm, Ilaaɔ̃ í jilɛ awa woo bɛ ŋaui bɛi inɛi anyi ŋa. À jɛ bɛi inɛ ŋa iyi à yɛ taale nŋa ku ba a kpa ŋa. Í jɔ̀ à jɛ inɛ ŋa iyi inɛ baa yooma fei wa cɔ, hai amaleka ŋa hee do amanɛ ŋa fei.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 4:6

Amma amu takam, kuwɛɛm í jɛ bɛi atɛ̃i kuwee iyi à waa nikã, nɔ waati iyi an jɔ̀ andunya í maai wa.

Ebɛɛ 11:34

à kpa gbugbãi ina nla, à ba à fita hai si awɔi inɛ ŋa iyi à waa dɛ a kpa ŋa do taakuba. À kua gbugbã wo, amma à na à ba gbugbã má. À waa ce njo nŋa si igũ, à jɛ dimi mmu ŋa igũ.

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.

Kuyɛi Zãa 17:6

Nɔ ǹ yɛ abou í mɔ njɛi woo dasi naanɛ ŋa iyi à kpa si na iyi í jɔ̀ à jɛ sɛɛdai Jesu, nɔ iriɛ í sinda bɛi atɛ̃ vɛ̃ɛ í ya sinda irii inɛ. Iyi ǹ yɔɔ, ǹ biti ntɔ ntɔ.

Kuyɛi Zãa 2:13

ǹ mà bii ì wa ŋa, Seetam nii wa jɛ bommaɛ do gbugbã. Do nŋu fei, ì waa jirima irim ŋa, nɔ i kù fũsi naanɛ iyi ì dasim awɔ ŋa, baa waati iyi à kpa Antipasi bi tu ŋɛ bi kuwai Seetam bɛ. Antipasiu ilu naanɛ woo jɛ sɛɛdam nii.

Kuyɛi Zãa 6:9

Si anyii nŋu, ama angudãu í ga sɛɛda miiusia iyi wa mási tiau. Nɔ ǹ yɛ hundei amanɛ ŋa si icui bi kuweeu, aŋa iyi à kpa na idei Ilaaɔ̃ do na sɛɛdai Jesu iyi à jɛ.

Kuyɛi Zãa 7:14

Nɔ ǹ jɛaa ǹ ni, lafɛ̃ɛm, n kù mà, awɔi aa mà. Nɔ í sɔ̃m í ni, inɛ ŋau ihɛ̃ à fita wai hai si bɔ̃nɛ nla nla. À fɔ jĩnɛ nŋa ŋa à fũuta ŋa do njɛi ama angudãu.