Daniɛli 11:31 - Bibeli do fee

³¹ Á jɔ̀ sooge ŋa a koo a leekĩ bi idĩ iyi wa jɛ gbugbãi kpasɛ̃i Ilaaɔ̃ui. Sooge ŋau aa lɔ si ile kumáui a jɔ̀ ku so riisi. Aa ganji inɛ ŋa a cea Ilaaɔ̃ kuweei ajɔ feiu ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu.

Daniɛli 11:31 Iomraidhean Croise

Zeremi 19:4

Ntɔ ntɔ, inɛi Zudaa ŋau à fũsim awɔi. À jɔ̀ inɛ ŋa a kù mà inyau ihɛ̃. Iwɛ̃ ŋai à ya maa joa tuae ku dɔ̃ inunu ŋa. Iwɛ̃ ŋau aŋa taka nŋa a kù mà ŋa, nɔ bala nŋa ŋa a kù mà ŋa, nɔ ilaalui Zudaa ŋau mɔ a kù mà ŋa. Nɔ à jɔ̀ inyau í kɔ̃i do njɛi inɛ ŋa iyi a kù nɛ taale kãma.

Zeremi 7:30

Ntɔ ntɔ inɛi Zudaa ŋa à ce daa laalɔ si wajui amu Aɔ̃ Lafɛ̃ɛ. À dasi kookoosu sãmi nŋa si inɔ kpasɛ̃ iyi à nya ikã í jɛ titom nɔu, nɔ à riisiɛ.

Kukpata 1:10

Mbɛɛ í ko mii jiida ŋa iyi Zeruzalɛmu í nɛu fei. Zeruzalɛmu í yɛ soogei dimi mmu ŋa à lɔ si ile kumáɛ, aŋa iyi ì ganji a lɔ si bii zamaaɛ ŋa à tɔtɔɔu.

Kukpata 2:7

Aɔ̃ Lafɛ̃ɛ í cé bii à ya ce kuweeu, nɔ í fũsi ile kumáɛu awɔ. Í so kpasɛ̃ jiidai Siɔ̃ɔ ŋa í daa mbɛɛ si awɔ. Si inɔ kpasɛ̃i Aɔ̃ Lafɛ̃ɛu, à gbɔ anu ku dɔ̃ ŋa nla nla bɛi ti ajɔi jingau nlau.

Ezekiɛli 9:7

Aɔ̃ Lafɛ̃ɛ í sɔ̃ ŋa í ni, i riisi kpasɛ̃u, nɔ iku ŋa a maa kɔ̃ si bantumau. Si anyiɛ i fita i bɔ si inɔ iluu i kpa inɛ ŋa.

Daniɛli 12:11

Hai waati si bii aa ganji inɛ ŋa a cea Ilaaɔ̃ kuweei ajɔ fei ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu, ajɔ dubu do cĩɔ minji do cinɛò fɛɛwai (1.290) á ce.

Daniɛli 8:24

Gbugbãɛ á la ku maa kooi, amma kaa jɛ hai si nŋu takaɛi gbugbãu wa naa. Á ce nfei mii ŋai do gbugbã nla nla. Mii iyi í dasi idɔ nŋu ku ce fei, á cooi. Á kpa ilu gbugbã ŋa, nɔ bɛɛbɛ mɔi á kpa inɛi Ilaaɔ̃ ŋau mɔ.

Daniɛli 8:26

Ntɔ ntɔ, iyi í jɛ yaasei mii iyi ì yɛ mbɛ si gãmɛi alɛ ŋa do daakɔ ŋau. Amma, maà fɔ idei kuyɛu ihɛ̃ nsɛi titã, domi ide ŋa iyi kuyɛu wa fãa, á kpɛ ku bɛi ku ce.

Daniɛli 9:27

Si waatii ankãanyii adɔ̃ mɛɛjeu, á dĩ akabuu do inɛ nkpɔ nkpɔ. Nɔ si anyii adɔ̃ mɛɛta do bubu, á jɔ̀ a leekĩ kuwee do amua ŋa ku ceu. Woo ce laalɔu, á ce laalɔ sãmiɛ ŋai anu akã hee nŋu takaɛ koo kpaò iri si bɛi à fɔ à jilɔɔ.

Ozee 3:4

Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Matie 24:15

Jesu í ni, walii Daniɛli í fɔ idei mii laalɔ gɔ wo iyi á riisi kpasɛ̃i Ilaaɔ̃. Nŋui aa yɛ ŋa í wa si inya iyi í jɛ ti Ilaaɔ̃. Inɛ iyi wa cio idei mii laalɔu, ku ce laakai ku gbɔɔ sãa sãa.

Maaku 13:14

Nɔ Jesu í ni má, aa yɛ mii laalɔ iyi wa bɛjɛ mii ŋa tengi bii kù jɔ ku wa ŋa. Inɛ iyi wa cio idei mii laalɔu ku ce laakai ku gbɔɔ sãa sãa. Waati bɛɛbɛ inɛ ŋa iyi à wa ilɛi Zudee a sa a bɔ iri kuta ŋau.

Luku 21:20

Ajɔ iyi ì yɛ woo ja igũ ŋa à to wa Zeruzalɛmu à buu koe, i mà ŋa iyi kulɛgɛɛ í maai wa mbɛ.

Kuyɛi Zãa 17:12

Ngo mɛɛwa iyi ì yɛu, aŋai à jɛ ilaalu mɛɛwa ŋa iyi a kù jɛ bomma titã, amma aa ba yiiko a jɛ bomma isɔ akã do mɛɛmuu ajɔ.