Daniɛli 11:30 - Bibeli do fee

³⁰ Inɛi nunui alɛ ŋa aa naa siɛ do akɔi inyi ŋa. Aŋai aa leekĩɛ. Waati bɛɛbɛi njo á muu, nɔ ku sinda ku nyi. Idɔɛ á kɔ̃i ntɔ ntɔ, nɔ á sinda idɔɔkɔ̃ɛui si zamaa iyi aŋaò Ilaaɔ̃ ŋa à dĩ akabuuu. Nɔ á ce anu akã do inɛ ŋa iyi à fũsi akabuui Ilaaɔ̃ awɔu.

Daniɛli 11:30 Iomraidhean Croise

Kusintii Andunya 10:4

Irii amai Yavãa ŋa mɔ wee. Elisa do Taasi do Kitimu do Dodanimu.

Bomma 1, 1:7

Amai Yavãa ŋai, Elisa do Taasi do Kitimu do Rodanimu.

Neemi 6:12

Ŋɔi ǹ mà iyi kù jɛ Ilaaɔ̃i í bɔɔ wa. Amma í ce waliiɛ sim nii, si na iyi í jɔ̀ Sanbala do Tobiya ŋa à naa fia.

Ezai 23:1

Idei ijuukpã iyi à fɔ si gãmɛi Tii wee. I dɔ̃ anu i weewea ŋa iŋɛ iyi ì wa si akɔi inyii Taasi ŋau, domi à lɛgɛ ilui Tii. Ile ŋa a kù wɛɛ má nɔ bi ku lɔ mɔ kù wɛɛ má. Hai gũngũm dii Kitimui à sɔ̃ ŋa laabaauu wa.

Ezai 23:12

Nɔ í ni, i kaa maa mɔsi do jingauɛ ŋau má, Sidɔ̃ɔ, awɔ iyi ì yɛ bɛi ama inaabo iyi à bata do gbugbã. Dede i nɛ ikpa gũngũm dii Kitimu. Nɔ baa bɛ mɔ, i kaa nɛ kusĩmi.

Zeremi 2:10

I bɔ si gũngũm dii Kitimu ŋau i cɔ ŋa. I bɛ inɛ ŋa ilɛi Kedaa nɔ i cɔ ilu ku ce ncɛɛ ŋa, bii í jɛ ngɔgɔ í jɔ njɛ do tu ŋɛ ihɛ̃.

Ezekiɛli 27:6

À ce falafiliɛ ŋai do jĩi ndii sɛnii Basãa ŋa. Kitãɛ ŋa iyi à masi boodai inyíi jua ŋau à waa naai hai ilɛi Asiri do hai gũngũm dii Kitimu.

Daniɛli 11:28

Si anyii nŋu, ilaalui awɔ njɛi kpãai inunuu á sinda ku nyi si ilɛɛi do amani nla nla. Si isɛɛnɛɛu lasabui mii iyi í jilɛ si nŋu ku ceu bɛi á ce si gãmɛi zamaa iyi aŋaò Ilaaɔ̃ ŋa à dĩ akabuuu ku bɛi ku sinda ku nyii si ilɛɛ.

Daniɛli 11:29

Bii waati iyi à jilɛu í na í to, ilaalui awɔ njɛi kpãai inunuu á sinda ku nyi si ilɛi inɛi awɔ cangai kpãai inunu ŋau mái. Amma si waati nŋu bɛ, mii ŋa kaa ce bɛi í tako í ce sinteu má.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Kuka 24:24

Amma inɛ ŋa aa naa hai Kitimu do akɔi inyi ŋa, aŋai aa taa inɛi Asiri ŋa do inɛi Hebɛɛ ŋa gbugbã, nɔ aŋa mɔ a kpa iri.

Matie 24:10

Waati bɛɛbɛ, inɛ nkpɔ á nyiò anyi, aa maa zamba njɛ nɔ a cé njɛ.

Kuyɛi Zãa 12:12

Na nŋu, lele, jɔ̀ i wɛɛò inɔ didɔ̃, nɔ iŋɛ iyi ì wa lele, i wɛɛò inɔ didɔ̃ ŋa. Amma inɔ kufɔi í jɛ ti iŋɛ ilɛ do tenku domi Seetam í kita si ŋɛ wa do idɔɔkɔ̃ nla nla si na iyi í jɔ̀ í mà iyi waati keekei í gbea nŋu.