Daniɛli 11:26 - Bibeli do fee

²⁶ Inɛ ŋa iyi aŋaò ŋa à wa inya akã ŋaui aa zambaɛ. Aa jɛ soogeɛ ŋau igũi, nɔ si inɔi sooge ŋau, aŋa nkpɔ nkpɔi aa ku.

Daniɛli 11:26 Iomraidhean Croise

Ilaalu 2, 8:14

Ŋɔi Hazaɛli í nɛ hai bi Elizee nɔ í baa bi mɛɛtuɛ. Ŋɔi mɛɛtuu í beeɛ í ni, bɛirei Elizee í ni. Nɔ í jɛ í ni, í sɔ̃m wa í ni aa ba iri.

Iri ku kɔ̃ 41:9

À ni ide laalɔi á bam. Bii ǹ wa n sũu ihɛ̃, n kaa n dede má pai.

Daniɛli 11:10

Ama inɛmɔkɔ ŋa iyi ilaalui awɔ njɛi kpãai inunuu í nɛ ŋau aa ce sɔɔlui igũ nɔ aa tɔtɔɔ sooge ŋa nkpɔ nkpɔ. Inɛ akã nŋa á bɔ igũ, nɔ do soogeɛ ŋau á kua kɔɔi ilɛu bɛi acãi inyii ido iyi í kɔ̃. Waati iyi á na ku sinda ku maa nyi si ilɛɛ, á ce igũi do ilu nla gɔ iyi mbɛɛ ŋa à waa degbe.

Daniɛli 11:22

Wuaai sooge ku nɛ gbugbã kãma kaa yɔkɔ ku jɔɔ igũ. Á lɛgɛ aŋa feii nɔ ku kpa baa inɛ ngboi zamaa iyi í dĩ akabuuu.

Daniɛli 11:40

Bii waatiu í na wa to kɔɔ, ilaalui awɔ cangai kpãai inunuu á naa siɛ igũ. Amma ilaalui awɔ njɛi kpãai inunuu á koo siɛi do gbugbã do sarɛti ku ja igũɛ ŋa, do masaɛ ŋa, do akɔi inyi ŋa nkpɔ nkpɔ. Á lɔ si ilɛ ŋaui do soogeɛ ŋa. Á kua kɔɔi ilɛ ŋau mɔm nii bɛi ido í ya kɔ̃ hee ku dikã.

Matie 26:23

Ŋɔi Jesu í jɛ nŋa í ni, inɛ iyi í gũsi pɛ̃ɛ si inɔ jɛɛ awaò ajɔ, lafɛ̃ɛi á zambam.

Maaku 14:20

Ŋɔi Jesu í jɛ nŋa í ni, si inɔi iŋɛ maateejiu, inɛ akã nŋɛ á gũsi pɛ̃ɛ si inɔ jɛɛ awaò ajɔ. Lafɛ̃ɛi á zambam.

Laabaau jiida iyi Zãa í kɔ 13:18

Kù jɛ iŋɛ feii ǹ wa n fãa. Ǹ mà inɛ ŋa iyi ǹ cicai. Amma kù nɛ bɛi á ce iyi kukɔi idei Ilaaɔ̃ kù kɔ̃. Kukɔu í ni, inɛ iyi wa bam ku jɛ ajɔ, nŋui í sinda í jɛ mbɛɛm.