Daniɛli 11:21 - Bibeli do fee

²¹ Si anyiɛ, inɛ gɔ iyi a kaa maa saalui á sãsi agbɛɛ. Lafɛ̃ɛ kaa nɛ kpãai a naa gbugbãi bommau. Amma á gba ndɛɛi do kpãa ŋa iyi a kù jɛ dee dee. Á gba bommaui si waati iyi ilɛu í wɛɛò laakai ku sũ.

Daniɛli 11:21 Iomraidhean Croise

Iri ku kɔ̃ 12:8

Baa bii inɛ laalɔ ŋa à waa dabii bii fei, nɔ inɛ ŋa à bɛjɛ à waa koo, Aɔ̃ Lafɛ̃ɛ, awɔi aa maa mu awa hai nɛ gbugbã ŋau, nɔ i maa degbe wa si awɔi inɛ laalɔ ŋau bɛ do ajɔ fei.

Iri ku kɔ̃ 15:4

Í ya kɔ̀si woo yaako inɛ ŋa, í ya mà bɛɛrɛi inɛ ŋa iyi à waa jirima Aɔ̃ Lafɛ̃ɛ. Ci ya ce kuwã iyi kù kɔ̃ɔ.

Iri ku kɔ̃ 55:21

Woo zambau wa ba kpaasiɛ ŋa ku ja, nɔ í fũ akabuu iyi í dĩ do aŋa.

Ezai 32:5

Inɛ mɔ iyi í jɛ nnyɛi, a kaa kpoo do irii ilu bɛɛrɛ má. Nɔ inɛ mɔ iyi í nɛ bisi laalɔ ku zamba inɛ, a kaa kpoo do irii inɛ nla gɔ má.

Daniɛli 11:20

Inɛ iyi á na ku sãsi agbɛi ilaalui awɔ njɛi kpãai inunuu á bɛ inɛ gɔi si ile kusĩai bommau koo ko mii ŋa wa. Amma kaa kpɛ a kpa ilaalu titɔ̃u. Kaa jɛ si idɔɔkɔ̃ nɔ kaa jɛ si igũ.

Daniɛli 11:32

Ilaaluu takaɛ á cea inɛ ŋa kuwã ibo ŋa, nɔ ku jɔ̀ inɛ ŋa a fũsi akabuu nŋa iyi à ce do Ilaaɔ̃ awɔ. Amma inɛ ŋa iyi à mà Ilaaɔ̃ Lafɛ̃ɛ nŋa, aa kɔ̀ a maa ce wũaa nŋai do wɔɔkɔ.

Daniɛli 11:34

Si waatii wahalau bɛ, sobi keekei aa ba. Inɛ nkpɔ iyi á ya naa bi tu ŋa, kaa ya jɛ do inɔ akã.

Daniɛli 11:7

Si nyaanzei ama inaaboi ilaalui awɔ cangai kpãai inunuu, inɛ gɔi á na ku gba agbɛi baaɛu. Á naai ku na ku maa kpã soogei ilaalui awɔ njɛi kpãai inunuu iju si ilu ku nɛ gbugbãɛ ŋau. Á lɔsi igũ ku ce do soogeɛ ŋaui, nɔ ku jɛ ŋa igũ.

Daniɛli 4:17

Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 7:8

Ŋɔi ǹ wa n cɔ ngo ŋau, nɔ ǹ ba wee gɔgɔ iyi í kere í re ŋa í fita wa má, nɔ ngo mɛɛta sinte ŋa iyi à wa bɛ ŋau à tu. Nɔ ngou í nɛ iju ŋa bɛi amanɛ, nɔ í nɛ gɛlɛ iyi wa fɔò idei faau ŋa.

Daniɛli 8:23

Si iri ku kpai bomma ŋau bɛ, waati iyi dulum dii ilu dulum ŋau á kɔ̃, waati bɛɛbɛi ilaalu ilu faau gɔ iyi á mà inɛ ŋa ku zamba, á faata wa.

Daniɛli 8:25

Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Daniɛli 8:9

Hai si akã nŋai ngo keeke gɔ í fita wa, nɔ í la wa koo do ikpa awɔ cangai kpãai inunu, nɔ wa bɔ ikpa nunui daakɔ, nɔ í nyi wa nɛ ikpa ilɛ iyi í sĩa í reu má.

Nahumu 1:14

Iŋɛ inɛi ilui Ninivu ŋa, mii iyi Aɔ̃ Lafɛ̃ɛ í dasi idɔ nŋu ku ce si gãmɛ nŋɛ wee. I kaa nɛ tɔku ŋa iyi aa maa kpe ŋa do iri nŋɛ ŋa má ŋa. Si ilei iwɛ̃ nŋɛ ŋa, jĩi iyi ì gbe ŋa í jɛ iwɛ̃ nŋɛ, do isɔ iyi ì yɔ ŋa í jɛ iwɛ̃ nŋɛ, an lɛgɛ ŋai. An ce sɔɔlui balɛ nŋɛ, domi i kù jɛ nkãma má ŋa.

Samuɛli 1, 3:13

Ǹ tako ǹ sɔ̃ɔ wo iyi an kpã inɛi kpasɛ̃ɛ ŋa iju hee do ajɔ fei na dulum iyi amaɛ ŋa à ce. Amaɛ ŋau a kù saalum nɔ do iyi í nɛ kumàsiɛ fei, kù ganji ŋa.