Daniɛli 11:16 - Bibeli do fee

¹⁶ Ilaalui awɔ njɛi kpãai inunuu á nɛ ku maa naai, nɔ bɛi í bi, bɛɛbɛi á ce. Inɛ kãma kaa yɔkɔ ku kɔ̀ ide si wajuɛ. Á bubai si ilɛ iyi í sĩa í reu, nɔ á ce asɔɔi mii feii si isɛɛnɛɛ iyi wa ceu.

Daniɛli 11:16 Iomraidhean Croise

Ezai 8:8

Kukɔ̃i inyiu á bɔi hee Zudaa, nɔ á kɔ̃i ntɔ ntɔ hee si kɔ̃ɔ. Á bii kucĩi ilɛɛu mɔm nii fei, Emanuɛli.

Zeremi 3:19

Amu Aɔ̃ Lafɛ̃ɛ ǹ ya n maa n ni, ǹ bi n kàɛi wo si inɔi amam ŋa, nɔ n muɛ ilɛ bii ididɔ̃ í wa, iyi kusĩai boodaɛ í re si ilɛ fei. Ǹ ya n maa n nii wo, awɔi aa ya kpem i ni, baam. Nɔ i kaa kɔ̀sim pai.

Daniɛli 11:3

Amma ilaalu kaasãanɛ gɔ á na ku dede. Bommaɛu á nɛ gbugbãi nla nla, nɔ bɛi í bi fei, bɛɛbɛi á ce.

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 11:41

Á lɔ si ilɛ iyi í sĩa í re ilɛ ŋau, nɔ inɛ nkpɔ nkpɔi á ku. Amma inɛi Edɔmu ŋa do ti Moabu ŋa, do inɛ ngboi Amɔɔ ŋa aa ba a fita si.

Daniɛli 11:45

Á koo gũ ilei acɔi bommaɛ ŋaui si aninii tenkuu do iri kuta kumá si ilɛ iyi í sĩa í re ilɛ ŋau. Si anyiɛ kuwɛɛɛ á kpa irii, nɔ inɛ kãma kaa sobiɛ.

Daniɛli 5:19

Na saabui kula iyi í jɔ̀ í lau, inɛi andunya ŋa fei, do dimi fei, do fee ikã ikã fei à waa ce njoɛ, nɔ à ya maa yaya si wajuɛi. Inɛ iyi í bii í ya kpa, nɔ inɛ iyi í bi mɔi í ya jɔ̀. Inɛ iyi í bii í ya so lele, nɔ inɛ iyi í bii í ya kaye.

Daniɛli 8:4

Ŋɔi ǹ yɛ angudãu wa cã ngoɛ ŋa do ikpa nunui alɛ, nɔ wa cã ngoɛ ŋau má do ikpa awɔ njɛi kpãai inunu, si anyiɛ, nɔ wa cã ngoɛ ŋau má do ikpa awɔ cangai kpãai inunu. Mɛɛmu kãma kaa jɛ ku kɔ̀ ide si wajuɛ, nɔ inɛ kãma kaa yɔkɔ ku faaba inɛ gɔ hai si awɔ gbugbãɛ. Mii iyi í bii í ya ce, nɔ gbugbãɛ í la wa kɔ̃ɔsi.

Daniɛli 8:7

Iyi ǹ wa n cɔɔ, ǹ ba wee í nɛ í bɔ kɔkɔi angudã kombou nɔ idɔɛ í kɔ̃ siɛ. Ŋɔi í cã angudã kombou í cɛ ngo minjiɛ ŋau, angudãu kù yɔkɔ kù kɔ̀ ide kãma si wajuɛ. Ŋɔi í cãa í nyɔɔ ilɛ bɛ í jojo siɛ, nɔ inɛ kãma kù yɔkɔ kù faaba angudã kombou.

Daniɛli 8:9

Hai si akã nŋai ngo keeke gɔ í fita wa, nɔ í la wa koo do ikpa awɔ cangai kpãai inunu, nɔ wa bɔ ikpa nunui daakɔ, nɔ í nyi wa nɛ ikpa ilɛ iyi í sĩa í reu má.

Zozue 1:5

Si kuwɛɛɛ fei mbɛɛ kãma kaa yɔkɔ ku kɔ̀ ide si wajuɛ, domi an maa n wɛɛ do awɔi bɛi ǹ tako ǹ wɛɛ do Moizi wo. Ajɔ kãma n kaa n fũsiɛ awɔ hee má jɛ n jɔ̀ɛ.