Daniɛli 11:15 - Bibeli do fee

¹⁵ Ilaalui awɔ njɛi kpãai inunuu á dede ku naa. Á ma idĩ ŋa hai bii á ba ku ceò igũ si ilu nla iyi à waa degbeu, nɔ á kãmia inɛɛ ŋai ku gba iluu. Soogei ilaalui awɔ cangai kpãai inunu ŋau, do woo mà igũ ku cei zamaaɛ ŋau, a kaa yɔkɔ a kɔ̀ ide si wajuɛ. A kaa nɛ gbugbã iyi aa kɔ̀ò ide.

Daniɛli 11:15 Iomraidhean Croise

Zeremi 33:4

Amu Aɔ̃ Lafɛ̃ɛ, Lafɛ̃ɛi inɛi Izirɛli ŋa, ide iyi ǹ wa n fɔ si gãmɛi kpasɛ̃ ŋa iyi à wa si iluu ihɛ̃ do si gãmɛi kpasɛ̃i ilaalui Zudaa ŋau wee. À lɛgɛ kpasɛ̃ ŋau. Icɛ ŋa iyi à ce ku ba à mua bindiu gbugbã iyi á ganji inɛi Babilɔni ŋau a lɔ si ŋa wa, ngbɛi. Inɛ nŋu bɛ mɔm nii á kɔ̃ɔsi kukpɔi iku ŋa si inɔ iluu na idɔɔkɔ̃m. Inɛi Zeruzalɛmu ŋau à ce laalɔ nkpɔ nkpɔ í jɔ̀ idɔm í fita si iluu.

Zeremi 5:10

I koo i da jĩi ndii rezɛ̃ɛɛ ŋau i kɛkɛɛ ŋa. Amma i maà kɛkɛɛ fei mam mam ŋa. I bu amaawɔ ŋau, domi a kù jɛ amaawɔm ŋa.

Zeremi 52:4

Ŋɔi si adɔ̃ mɛɛsãsiai bomma ku jɛɛu, si ajɔ mɛɛwasiai cukpa mɛɛwasia, Nebukanɛsaa ilaalui Babilɔni í naa igũ si ilui Zeruzalɛmu nŋu do soogeɛ ŋa fei. Ŋɔi à ce asɔ kɔkɔi iluu nɔ à ce bi ku manji ŋa à kaakoɛò.

Zeremi 6:6

Aɔ̃ Lafɛ̃ɛi lele do ilɛ í ni, i da jĩi ŋau, i ce bi ku gũò bindii Zeruzalɛmu ŋa. Ilu iyi í nɛ ku yɛ ijuukpãu mbɛ. Gbugbã ku taa inɛ ŋai í wa bɛ.

Ezekiɛli 17:17

Faraɔ̃ ilaalui Ezibiti, baa do woo ja igũ nkpɔ nkpɔ ku nɛ gbugbãɛ ŋau, kaa yɔkɔ ku sobiɛ ku kɔ̀òɛ si igũu. Si waatii igũu inɛi Babilɔni ŋa aa ma idĩ bii aa gũ a maa ceò igũ nɔ a tu isa nla nla ku ba a kpa zamaa nkpɔ nkpɔ.

Ezekiɛli 4:2

Si anyiɛ, nyisi iyi mbɛɛ ŋa à kaakoɛ à buu koe. Ma timtim ŋa a gũsi idĩu. Ceaa asɔi sooge ŋa do mii ku ja igũ ŋa i kaakoɛò.

Daniɛli 11:14

Si waati nŋu bɛ, inɛ nkpɔ nkpɔi á dedeò ija si gãmɛi ilaalui awɔ cangai kpãai inunuu. Nɔ baa inɛ kugaabu ŋa iyi à jɛ inɛi Zudaa dimiɛ ŋau Daniɛli, aa dedeò ija siɛ. Aa bi aŋa a kɔ̃ mii iyi à fɔ ideɛ si kuyɛ gɔ, amma kaa ce.

Daniɛli 11:6

Waati iyi adɔ̃ á na ku lɔ keeke, aa dĩ akabuui, nɔ ama inaaboi ilaalui awɔ cangai kpãai inunuu á naa bi ilaalui awɔ njɛi kpãai inunu ku ba a dĩ akabuu a ce abɔdɔ̃. Amma kaa maa mu gbugbãɛu má, nɔ mɔkɔɛu mɔ takaɛ kaa maa wɛɛ si hunde, nɔ ama nŋa mɔ kaa maa wɛɛ. Abou takaɛ mɔ kaa wɛɛ waati bɛɛbɛ má, hee do inɛi anyiɛ ŋa do baaɛ do mɔkɔɛu fei.

Daniɛli 8:7

Iyi ǹ wa n cɔɔ, ǹ ba wee í nɛ í bɔ kɔkɔi angudã kombou nɔ idɔɛ í kɔ̃ siɛ. Ŋɔi í cã angudã kombou í cɛ ngo minjiɛ ŋau, angudãu kù yɔkɔ kù kɔ̀ ide kãma si wajuɛ. Ŋɔi í cãa í nyɔɔ ilɛ bɛ í jojo siɛ, nɔ inɛ kãma kù yɔkɔ kù faaba angudã kombou.

Zozue 1:5

Si kuwɛɛɛ fei mbɛɛ kãma kaa yɔkɔ ku kɔ̀ ide si wajuɛ, domi an maa n wɛɛ do awɔi bɛi ǹ tako ǹ wɛɛ do Moizi wo. Ajɔ kãma n kaa n fũsiɛ awɔ hee má jɛ n jɔ̀ɛ.