Daniɛli 11:13 - Bibeli do fee

¹³ Nɔ ilaalui awɔ njɛi kpãai inunuu á nyi ku tɔtɔɔ wuaai sooge mmuɛ ŋa má a kpɔ a re baa inɛ sinte ŋau. Si anyii adɔ̃ ŋa iyi aa lɔ keeke, á nyi wa má do sooge ŋa nkpɔ nkpɔ, nɔ á naai do jĩnɛi igũ ŋa iyi à nɛ gbugbã ntɔ ntɔ.

Daniɛli 11:13 Iomraidhean Croise

Daniɛli 11:12

Ilaalui awɔ cangai kpãai inunuu á na ku dedeò faau na igũ ku jɛu, nɔ á jɔ̀ a kpa sooge dubu nkpɔ nkpɔ. Amma baa do nŋu fei, gbugbãɛ kaa kpɛ.

Daniɛli 11:14

Si waati nŋu bɛ, inɛ nkpɔ nkpɔi á dedeò ija si gãmɛi ilaalui awɔ cangai kpãai inunuu. Nɔ baa inɛ kugaabu ŋa iyi à jɛ inɛi Zudaa dimiɛ ŋau Daniɛli, aa dedeò ija siɛ. Aa bi aŋa a kɔ̃ mii iyi à fɔ ideɛ si kuyɛ gɔ, amma kaa ce.

Daniɛli 11:40

Bii waatiu í na wa to kɔɔ, ilaalui awɔ cangai kpãai inunuu á naa siɛ igũ. Amma ilaalui awɔ njɛi kpãai inunuu á koo siɛi do gbugbã do sarɛti ku ja igũɛ ŋa, do masaɛ ŋa, do akɔi inyi ŋa nkpɔ nkpɔ. Á lɔ si ilɛ ŋaui do soogeɛ ŋa. Á kua kɔɔi ilɛ ŋau mɔm nii bɛi ido í ya kɔ̃ hee ku dikã.

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 4:16

Ŋɔi Daniɛli nŋu iyi à ya nyi a kpe Bɛlitasaa máu í biti titã si waati keeke, nɔ zigiɛ í da ntɔ ntɔ. Nɔ ilaalu í so ide má í ni, Bɛlitasaa, maà jɔ̀ alau do kutusɛɛ ku da zigiɛ. Ŋɔi Bɛlitasaa í jɛ í ni, ilaalu lafɛ̃ɛm, í nɛ alau ihɛ̃ kú jɛ ti inɛ ŋa iyi à céɛi, nɔ kutusɛɛ kú jɛ ti mbɛɛɛ ŋa.