Daniɛli 10:6 - Bibeli do fee

⁶ Araɛ í yɛi bɛi kuta ku nɛ bɛɛrɛ gɔ, nɔ wajuɛ wa daanai bɛi kuŋɔi ijĩ. Ijuɛ ŋa à yɛi bɛi amɛi ina. Ikpaɛ ŋa do bancakaɛ ŋa mɔ à yɛi bɛi isɔ nkpa iyi à yɔrɔɛ wa daana. Nɔ imuɛ mɔ wa dɔ̃i bɛi wakatai amanɛ ŋa.

Daniɛli 10:6 Iomraidhean Croise

Kufita 28:20

Nɔ si tuuba mɛɛsiau mɔ kisoliti do onisi do zasipui aa dasi. Kuta ŋau fei aa ce nŋa iwoi do wura.

Iri ku kɔ̃ iyi í dɔ̃ í re 5:14

Awɔɛ ŋa à yɛi bɛi lɛlɛawɔi wura iyi à masi kuta jiida. Araɛ í yɛi bɛi inyíi jua iyi à yɔrɔ nɔ à masi kuta kusĩa gɔ iyi à ya kpe safii.

Ezekiɛli 1:14

Nɔ mii ilu hunde ŋau à sɛi à koo à waa baai bɛi dagba lele.

Ezekiɛli 1:16

Wuruu ŋau à waa daanai bɛi kuta ilu bɛɛrɛ gɔ. Aŋa fei à jɔ njɛi, nɔ yaase dimi akãi à ce ŋa, à ya maa bibii si antaii njɛ.

Ezekiɛli 1:24

Waati iyi à waa nɛ, ǹ ya n maa n gbɔ ibai ikpa nŋa ŋai bɛi ibai inyi nla walakɔ bɛi imui Ilaaɔ̃ ilu gbugbã, ibau í ya lai bɛi ti wuaai sooge ŋa. Waati iyi à leekĩ, à ya ka ikpa nŋai.

Ezekiɛli 1:7

Bancaka nŋa ŋa à tɛi, nɔ kutɛ nŋa ŋau à yɛ bɛi ti kɔwei ama kɛtɛ nɔ à waa daanai bɛi isɔ nkpa iyi à ce si icɛ.

Ezekiɛli 10:9

Ǹ cɔ, nɔ ǹ ba wee wuruu mɛɛi í wa kɔkɔi serubɛ̃ɛ ŋau. Wuruu akã fei í wa kɔkɔi serubɛ̃ɛ akã nɔ wa daana bɛi kuta gɔ iyi à ya kpe kisoliti.

Ezekiɛli 40:3

Í gbãm í bɔòm bɛ. Inɛ gɔ í wa bɛ. Í yɛ bɛi isɔ nkpa. Wa mu ikũ ku nɛ gbugbã gɔ do akpa ku wã ilɛ si awɔɛ. Wa leekĩ kɔkɔi gambo gɔ.

Ezekiɛli 8:2

Ŋɔi ǹ cɔ ilu nɔ ǹ yɛ ngɔgɔ í jɔ amanɛ. Hai gbankiliɛ ku bɔ ikpa ilɛ í yɛi bɛi ina. Do ikpa leleɛ wa má inya, nɔ inya kumáɛu í yɛi bɛi isɔ iyi wa daana.

Matie 17:2

Ŋɔi à ba wee araɛ í kpaasi. Wajuɛ wa daana jiida jiida, nɔ jaaɛ ŋa í fũuta pai pai bɛi inya kumá.

Matie 28:3

Wajuɛ wa daana bɛi kuŋɔi ijĩ nɔ nyauɛ ŋa mɔ wa fũuta bɛi iwu tafa.

Luku 9:29

Iyi wa ce kutɔɔ ŋɔi wajuɛ í kpaasi dimi ikã, nɔ jaaɛɛ í fũuta pai pai.

Kuyɛi Zãa 10:1

Ǹ nyi ǹ yɛ amaleka ilu gbugbã gɔ má wa kita wa hai lele. Kudũi ijĩ í biiɛ bɛi jĩnɛ iyi í dasi, nɔ njoi Aɔ̃ í wenwee si iriɛ, wajuɛ wa daana bɛi inunu, nɔ kutɛɛ í yɛ bɛi amɛi ina.

Kuyɛi Zãa 19:12

Ijuɛ í yɛi bɛi amɛi ina, nɔ wa dasi fulai bomma nkpɔ si iriɛ. Nɔ à kɔ iri gɔ siɛ iyi inɛ gɔ kù mà bii kù jɛ nŋu akã.

Kuyɛi Zãa 2:18

Kirisi í ni má, kɔa amalekai igbɛi inɛm ŋa iyi í wa Tiatii. Kɔaa i ni, Amai Ilaaɔ̃ iyi ijuɛ í yɛ bɛi amɛi ina, nɔ isɛɛ wa daana bɛi isɔ danya iyi à yɔ si ina à wiɛ í ni,

Kuyɛi Zãa 21:20

miiusiaɛ saadonisi, mɛɛfasiaɛ saaduani, mɛɛjesiaɛ kisoliti, mɛɛjɔsiaɛ berili, mɛɛsãsiaɛ topazi, mɛɛwasiaɛ kisopazi, maatakãsiaɛ zasɛnti, maateejisiaɛ amɛtisi.