Daniɛli 10:19 - Bibeli do fee

¹⁹ Si anyii nŋu, nɔ í sɔ̃m í ni, maà jɔ̀ njo ku muɛ awɔ iyi Ilaaɔ̃ í bi. Wɛɛò laakai ku sũ. Dasi gbugbã, dasi gbugbã. Si bɛi wa bam ide ku fɔu, ǹ ba gbugbã nɔ ǹ ni, fɔ ide Lafɛ̃ɛm, domi ì jɔ̀ ǹ ba gbugbã.

Daniɛli 10:19 Iomraidhean Croise

Iri ku kɔ̃ 138:3

Ajɔ iyi ǹ kpeɛu, ì jɛɛm, ì muum wɔɔkɔ do gbugbã.

Ezai 35:4

Inɛ ŋa iyi idɔ nŋa wa jojo ŋau, i sɔ̃ ŋa i ni a jɔ̀ a ba gbugbã, nɔ a maà jɔ̀ njo ku mu ŋa. I sɔ̃ ŋa má i ni Aɔ̃ Lafɛ̃ɛ nŋa í wa bɛ. Nŋui á kɔ̀ò ŋa, nɔ ku sãa mbɛɛ nŋa ŋa laalɔ iyi à ce nŋa. Nŋu takaɛi á naa ku faaba ŋa.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 41:14

Zakɔbu, awɔ iyi à waa cea bɛi kokoo, maà jɔ̀ njo ku muɛ. Izirɛli, awɔ iyi ì jɛ bɛi kokoo, ǹ wa n naa ku faabaɛ. Amu Aɔ̃ Lafɛ̃ɛ Inɛ Kumái Izirɛli, amu woo yaɛ, amui ǹ fɔ bɛɛbɛ.

Daniɛli 10:18

Ŋɔi inɛ iyi í yɛ bɛi amanɛu í nyi í lum má nɔ í jɔ̀ ǹ ba gbugbã má.

Daniɛli 9:23

Waati iyi ì sinti kutɔɔ ku ce, ide ku fɔ gɔ í naa hai bi Ilaaɔ̃. Na ŋɔi í jɔ̀ ǹ naa ku ba i gbɔ yaaseɛ, domi ntɔ ntɔ Ilaaɔ̃ í biɛ. Gbɔ yaasei ide iyi an sɔ̃ɛ ku ba i gbɔ yaasei mii iyi ì yɛu.

Azee 2:4

Na nŋu, nsɛi, amu Aɔ̃ Lafɛ̃ɛi lele do ilɛ ǹ ni, awɔ Zorobabɛli do Zozue do inɛi Zudaa ŋa fei, i mua njɛ gbugbã ŋa nɔ i ce icɛ ŋa domi ǹ wɛɛ do iŋɛ.

Zakari 8:13

Iŋɛ inɛi Zudaa do inɛi Izirɛli ŋa, si inɔi dimi mmu ŋa, ì yɛ ŋai bɛi inɛ ŋa iyi à ceekpe wo, amma bɛbɛi, an faaba ŋɛ nɔ aa ba kuwee ŋa. I maà ce njo má. I dasi kookaai ŋa.

Zakari 8:9

Ide iyi amu Aɔ̃ Lafɛ̃ɛi lele do ilɛ ǹ wa n fɔ wee. Ǹ ni, i dasi kookaai ŋa, iŋɛ iyi ì waa gbɔ idei walii ŋau nnyi. Walii ŋau à fɔ ideu, waati iyi à nyɔ icui kpasɛ̃m ku ba a maa.

Laabaau jiida iyi Zãa í kɔ 11:3

Ŋɔi wecĩ minjii Lazaa ŋau à samba si Jesu anu à ni, Lafɛ̃ɛ, kpaasi jiidaɛ kù waa nɛ baani.

Laabaau jiida iyi Zãa í kɔ 11:36

Nŋui í jɔ̀ Zuifu ŋau à ni, i cɔ zaka bɛi í buu.

Laabaau jiida iyi Zãa í kɔ 11:5

Wee Jesu í bi Maata do ifɔɛ do wecĩ nŋa Lazaa.

Laabaau jiida iyi Zãa í kɔ 14:27

Laakai ku sũi ǹ wa n jɔ̀ nŋɛ. Bɛi amu takam ǹ wɛɛò laakai ku sũ, bɛɛbɛ mɔi an jɔ̀ iŋɛ mɔ i wɛɛò laakai ku sũ. Nɔ laakai ku sũ iyi an mu nŋɛu kaa jɛ bɛi ti andunya. Na nŋu, i maà wɛɛò inɔ kufɔ ŋa, nɔ i maà jɔ̀ zigi nŋɛ ku da.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Laabaau jiida iyi Zãa í kɔ 19:26

Ŋɔi Jesu í yɛ iyeɛ bɛ, do mɔcɔ iyi í biu à waa leekĩ kɔkɔi njɛ, nɔ í sɔ̃ iyeɛ í ni, abooyi, inɛ ihɛ̃i í baa í jɛ amaɛ.

Laabaau jiida iyi Zãa í kɔ 21:20

Ŋɔi Piɛɛ í sinda, nɔ í yɛ mɔcɔ iyi Jesu í bi jiidau wa naa do anyi nŋa. Mɔcɔu nŋui í tako í wa kɔkɔi Jesu waati iyi à waa jɛ í beeɛ í ni, Lafɛ̃ɛ, yooi á zambaɛu.

Kɔrɛnti 1, 16:13

I ce laakaii ara nŋɛ, i leekĩ si naanɛ ku dasi dim dim ŋa. I ce wɔɔkɔ ku ba i ba gbugbã ŋa.

Kɔrɛnti 2, 12:9

Amma í jɛɛm í ni, didɔ̃m í toɛ domi si gbugbã hai nɛɛi inɛ ŋa aa yɛ gbugbãm. Na nŋu, ǹ bi n tɔɔ fufu si gbugbã hai nɛm ku ba gbugbãi Kirisi ku wa sim.

Efɛɛzu 6:10

Ide iyi í gbe ǹ wa n bi n sɔ̃ ŋɛ wee. Si anu akã nŋɛ do Lafɛ̃ɛ i jɔ̀ gbugbã nlaɛ ku mua iŋɛ mɔ gbugbã ŋa.

Timɔtee 2, 2:1

Na nŋu, awɔ amam, mua araɛ gbugbã si didɔ̃ iyi à nɛ do anu akã nwa iyi à ce do Jesu Kirisi.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Kuyɛi Zãa 1:17

Iyi ǹ yɔɔ, ǹ cuku si isɛɛ bɛi iku. Nɔ í lesim awɔ njɛɛ í ni, maà ce njo, amui ǹ jɛ sinte do iri ku kpa.

Woo kiiti ŋa 6:23

Amma Aɔ̃ Lafɛ̃ɛ í sɔ̃ɔ í ni, wɛɛ si laakaiɛ. Maà jɔ̀ njo ku muɛ, i kaa ku.