Daniɛli 10:18 - Bibeli do fee

¹⁸ Ŋɔi inɛ iyi í yɛ bɛi amanɛu í nyi í lum má nɔ í jɔ̀ ǹ ba gbugbã má.

Daniɛli 10:18 Iomraidhean Croise

Zɔɔbu 16:5

An mu nŋɛ gbugbã do ide ku fɔm, nɔ an mante ŋɛ do ide hee ara kuro nŋɛu ku fo.

Zɔɔbu 23:6

Mà á yɛ taalem nii do gbugbãɛ. Aawo. Á de itĩi ku gbɔ idem do laakai.

Iri ku kɔ̃ 138:3

Ajɔ iyi ǹ kpeɛu, ì jɛɛm, ì muum wɔɔkɔ do gbugbã.

Daniɛli 10:10

Ŋɔi awɔ gɔ í naa í lum í jɔ̀ ǹ dede ǹ gulɛ ǹ tɛ awɔ ilɛ.

Daniɛli 10:16

Ŋɔi inɛ gɔ iyi í jɔ amanɛ í naa í lu gɛlɛm. Ŋɔi ǹ cĩ gɛlɛ nɔ ǹ sɔ̃ inɛ iyi wa leekĩ si wajum nɔu ǹ ni, Lafɛ̃ɛm, na kuyɛu, ara kuro í naa sim nɔ ǹ kua gbugbã.

Daniɛli 8:15

Si waati iyi amu Daniɛli ǹ wa n cɔ kuyɛu nɔ ǹ wa n dɛdɛ n gbɔ yaaseɛ, waati bɛɛbɛi inɛ gɔ iyi í yɛ bɛi inɛmɔkɔ kaasãanɛ gɔ í faata wa í naa í leekĩ si wajum.

Daniɛli 8:18

Si waati iyi Gabiɛli wa bam ideu ku fɔ, ǹ wa n sɛɛbata bɛ n kù mà mii iyi wa ce má. Ŋɔi í lum nɔ í dedem í leekĩm tengi bii ǹ wau.

Luku 22:32

Amma amu ǹ ce kutɔɔ na iriɛ ku ba naanɛ ku dasiɛ ku maà gaizia. Nɔ awɔ, waati iyi aa kpaasi idɔ má, mua kpaasiɛ ŋa mɔ gbugbã.

Luku 22:43

Ŋɔi amaleka gɔ í naa siɛ wa hai lele í naa í muaa gbugbã.

Woo bɛ ŋa 18:23

Iyi í ce ajɔ minji bɛ ŋɔi í nyi í dasi kpãa má í koo wa dabii si ilɛi Galati do Firizi wa mua inɛ ŋa iyi à waa too kpãai Jesu fei gbugbã.

Efɛɛzu 3:16

Ǹ wa n tɔɔɛ ku jɔ̀ Hundeɛ ku mu nŋɛ gbugbã jiida jiida si idɔ nŋɛ si bɛi amboeɛ í la í to,

Filipi 4:13

An yɔkɔ n ce fei ndɛɛ do saabui Kirisi iyi wa muum gbugbã.

Kolosee 1:11

À waa tɔɔ Ilaaɔ̃ ku mu nŋɛ gbugbã si mii fei do saabui gbugbãi yiikoɛ ku ba i yɔkɔ temua si mii fei ŋa, nɔ i ya maa leekĩ dim dim ŋa.

Samuɛli 1, 23:15

Si bɛi Davidi í mà Saulu í wasi ku dɛdɛ nŋu, ŋɔi í buba si ilui Ɔrɛsi si gbaai Zifuu.