Daniɛli 10:16 - Bibeli do fee

¹⁶ Ŋɔi inɛ gɔ iyi í jɔ amanɛ í naa í lu gɛlɛm. Ŋɔi ǹ cĩ gɛlɛ nɔ ǹ sɔ̃ inɛ iyi wa leekĩ si wajum nɔu ǹ ni, Lafɛ̃ɛm, na kuyɛu, ara kuro í naa sim nɔ ǹ kua gbugbã.

Daniɛli 10:16 Iomraidhean Croise

Kufita 4:10

Moizi í sɔ̃ Aɔ̃ Lafɛ̃ɛ í ni, Lafɛ̃ɛ, n kù jɛ inɛ iyi ide ku fɔ í faalaa, domi gɛlɛm í wo si ide ku fɔ, nɔ iyi bɛi kù jɛ ana, kù jɛ ajuɛ, kù nɔ kù jɛ baa hai waati iyi ì waa ba amu woo ce icɛɛ ide ku fɔ.

Kufita 4:13

Amma Moizi í ni, Lafɛ̃ɛm, cica inɛ mmu gɔ i bɔɔ.

Woo lasabu 1:18

Ntɔ ntɔ, bii inɛ í nɛ bisi nla nla, bɛɛbɛ mɔi inɔ kufɔɛ á la, nɔ inɛ iyi wa kɔ̃ɔsi kumàɛ, bɛɛbɛ mɔi wahalaɛ á kɔ̃ɔsi.

Ezai 6:7

Ŋɔi í naa í lu gɛlɛm do ina nyɛnyɛu, nɔ í sɔ̃m í ni, si bɛi iyi ihɛ̃ í lu gɛlɛɛ bɛbɛi, kuraraɛ í tã mbɛ, nɔ à kpa idei dulum dɛɛ mɔ mbɛ.

Zeremi 1:9

Ŋɔi Aɔ̃ Lafɛ̃ɛ í yɔ awɔ í lu gɛlɛm, nɔ í sɔ̃m í ni, wee ǹ daaɛ idem ŋa si gɛlɛɛ.

Ezekiɛli 1:26

Si antaii afe iyi í wa si antaii iri nŋau, ǹ yɛ dimii kuta boogu gɔ bɛ í jɔ kitãi bommau, si antaii mii iyi í jɔ kitãi bommau ǹ yɛ mii gɔ bɛ í jɔ amanɛ.

Ezekiɛli 3:27

Amma waati iyi an baɛ ide ku fɔ, an cĩ gɛlɛɛ ku ba i sɔ̃ ŋa i ni amu Aɔ̃ Lafɛ̃ɛ ǹ ni i naa i sɔ̃ ŋa ide ŋau ihɛ̃. Inɛ iyi í bi ku gbɔ, ku gbɔ, nɔ inɛ iyi kù bi ku gbɔ, ku maà gbɔ, domi inɛ ŋau à yika itĩ.

Ezekiɛli 33:22

Alɛ ajɔ nŋu hee ku maa to wa, Aɔ̃ Lafɛ̃ɛ í jɔ̀ gbugbãɛ í naa sim. Waati iyi inɛɛu í naa í to wa bi tom daadaakɔ, Aɔ̃ Lafɛ̃ɛ í cĩ gɛlɛm, ǹ yɔkɔ ǹ fɔ ide, domi n ci ya n fɔ ide wo.

Daniɛli 12:8

Ǹ gbɔ ideu, amma n kù gbɔ yaaseɛ. Nɔ ǹ ni, Lafɛ̃ɛm, bɛirei iri ku kpai mii ŋau bɛ á jɛ.

Daniɛli 4:19

awɔ ilaalu mbɛ. Awɔ iyi ì na ì la nɔ ì nɛ gbugbã, nɔ kulaɛu wa bɔ ku lu lelei Aɔ̃, awɔi gbugbãɛ í bɔ hee si kɔɔ ŋa si andunyau.

Daniɛli 7:15

Ŋɔi amu Daniɛli, ideu í mum biti hee si lɛlɛi idɔm ntɔ ntɔ. Mii iyi ǹ yɛu, í mum njo ntɔ ntɔ.

Daniɛli 7:28

Kɔɔi ideui ihɛ̃ bɛ. Amu Daniɛli ideu í mum njo ntɔ ntɔ hee do si lasabum ŋa fei. Ideu í jɔ̀ wajum fei í baa í kpaasi, nɔ ǹ wasi ku lasabu si fei ndɛɛ si idɔm.

Daniɛli 8:15

Si waati iyi amu Daniɛli ǹ wa n cɔ kuyɛu nɔ ǹ wa n dɛdɛ n gbɔ yaaseɛ, waati bɛɛbɛi inɛ gɔ iyi í yɛ bɛi inɛmɔkɔ kaasãanɛ gɔ í faata wa í naa í leekĩ si wajum.

Daniɛli 8:17

Ŋɔi í naa kɔkɔi tengi bii ǹ wau. Waati iyi wa naa, zigim í dai ntɔ ntɔ nɔ ǹ sɛɛbata si wajuɛ. Ŋɔi í sɔ̃m í ni, awɔ amanɛ, gbɔ yaasei kuyɛu ihɛ̃. Kuyɛu ihɛ̃, idei waatii iri ku kpai andunyai wa fãa.

Daniɛli 8:18

Si waati iyi Gabiɛli wa bam ideu ku fɔ, ǹ wa n sɛɛbata bɛ n kù mà mii iyi wa ce má. Ŋɔi í lum nɔ í dedem í leekĩm tengi bii ǹ wau.

Daniɛli 8:27

Ŋɔi amu Daniɛli, ǹ kua gbugbã ajɔ nkpɔ nkpɔ nɔ ǹ ce bɔ̃ɔ. Si anyiɛ, nɔ ǹ dede ǹ wa n cea ilaalu wũaɛ ŋa. Ǹ cukui hee ilɛ na kuyɛu, domi n kù gbɔ yaaseɛ.

Daniɛli 9:21

Waati iyi ǹ wa n ce kutɔɔu, amaleka Gabiɛli iyi ǹ tako ǹ yɛ si kuyɛm nɔu í fo í sɛkɛɛ sim wa anu akã si waati iyi à waa ce kuwee iyi í jɛ ti alɛu.

Luku 1:64

Ŋɔi gbakã Zakari í yɔkɔ í fɔ ide do gɛlɛɛ, nɔ í lɔsi ide ku fɔ wa saabuò Ilaaɔ̃.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Laabaau jiida iyi Zãa í kɔ 20:28

Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.

Zozue 5:14

Ŋɔi inɛɛu í jɛaa í ni, aawo, n kù jɛ ti kãma nŋɛ gɔ. Inɛ ngboi soogei Aɔ̃ Lafɛ̃ɛ ŋai ǹ jɛ, nɔ kutom wa mɔ mbɛ. Ŋɔi Zozue í sɛɛbata si wajui inɛɛu nɔ í sɔ̃ɔ í ni, amu woo ce icɛɛi, mii ì ni n ce.

Kuyɛi Zãa 1:13

Nɔ ǹ yɛ inɛ gɔ í jɔ amanɛ wa leekĩ si aninii bi ku lesi fitila ŋau. Wa dasi ibɔ sisɔ nɔ wa dĩ santiikii wura si kpakaɛ.

Woo kiiti ŋa 13:8

Ŋɔi Manoa wa tɔɔ Aɔ̃ Lafɛ̃ɛ wa ni, Lafɛ̃ɛ, jɔ̀ inɛɛ iyi ì bɛ wa bi tu wau ku nyi wa má nɔ ku sɔ̃ wa bɛi aa ka maa mu ama iyi aa ka naa ka bíu.

Woo kiiti ŋa 6:13

Ŋɔi Zedeɔ̃ í jɛaa í ni, suuru lafɛ̃ɛm. Bii í jɛ Aɔ̃ Lafɛ̃ɛ í wɛɛ do awai, bɛirei mii ŋau ihɛ̃ fei í ce wa ba wa. Hee iwoi maamaake nkpɔ nkpɔ ŋau à wa iyi bala nwa ŋa à sisi nwa à ni Aɔ̃ Lafɛ̃ɛ í ce í nyaò aŋa wa hai ilɛi Ezibitiu. Ntɔ ntɔ Aɔ̃ Lafɛ̃ɛ í fũsi wa awɔi, í so wa í daa inɛi Madiãa ŋa si awɔ.

Woo kiiti ŋa 6:15

Nɔ Zedeɔ̃ í jɛaa í ni, lafɛ̃ɛm, mii an faabaò inɛi Izirɛli ŋa. Si dimii Manasee ŋa fei, inɛi kpasɛ̃m ŋai à jɛ hai nɛ gbugbã ŋa à re inɛ fei, nɔ amui ǹ jɛ keeke si inɔ kpasɛ̃i baam.