Daniɛli 10:14 - Bibeli do fee

¹⁴ Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 10:14 Iomraidhean Croise

Kusintii Andunya 49:1

Si anyiɛ ŋɔi Zakɔbu í kpe amaɛ ŋa í ni, i tɔtɔɔ wa ŋa. An sisi nŋɛ mii iyi á na ku ba ŋɛ.

Ezai 2:2

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Ezekiɛli 12:27

awɔ amanɛ, inɛi Izirɛli ŋa à waa ni, kuyɛ ŋa iyi ì waa fɔ ideɛu, kaa ce nsɛi. Á kpɛi ku bɛi ku ce.

Ezekiɛli 38:16

Aa faata si inɛi Izirɛli inɛm ŋau wa ŋai. Aa bii si ŋa ŋai bɛi kudũi ijĩ í ya bii ilɛ. Iyi bɛ á na ku cei si awaati ŋa iyi wa naa do waju. An jɔ̀ i naa si ilɛi inɛm ŋa igũ ku ba inɛ ŋa a mà iyi amui ǹ jɛ Aɔ̃ Lafɛ̃ɛ.

Daniɛli 10:1

Si bomma ku jɛi Sirusi ilaalui Pɛɛsi, si adɔ̃ mɛɛtasiaɛ, Ilaaɔ̃ í ba Daniɛli nŋu iyi à ya kpe Bɛlitasaau ide ku fɔ. Ideu ntɔi, igũ nla nlai á wɛɛ. Ŋɔi í lasabu si ideu, nɔ í gbɔ yaaseɛ.

Daniɛli 12:4

Awɔ Daniɛli, mu ide ŋau ihɛ̃ si asii. Maà jɔ̀ inɛ ŋa a mà ide ŋa iyi à wa si tiau ihɛ̃ hee koo toò waatii ankãanyiu. Waati bɛɛbɛ, inɛ nkpɔ nkpɔi á cioɛ, nɔ kumà nŋa á la ku kɔ̃ɔsi.

Daniɛli 12:9

Nɔ í jɛɛm í ni, Daniɛli, koo nɛ. Ideu á maa wɛɛi si asii titã hee koo toò waatii iri ku kpau.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Daniɛli 8:16

Ŋɔi ǹ wa n gbɔ imui amanɛ gɔ wa hai si aninii idoi Ulaiu wa ni, Gabiɛli, tusɛaa inɛ bɛ yaasei kuyɛu.

Daniɛli 8:26

Ntɔ ntɔ, iyi í jɛ yaasei mii iyi ì yɛ mbɛ si gãmɛi alɛ ŋa do daakɔ ŋau. Amma, maà fɔ idei kuyɛu ihɛ̃ nsɛi titã, domi ide ŋa iyi kuyɛu wa fãa, á kpɛ ku bɛi ku ce.

Daniɛli 9:22

Ŋɔi í bam ide ku fɔ í sɔ̃m í ni, Daniɛli, bɛbɛi ǹ naai ku ba n máɛ inya si lasabuɛ.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Misee 4:1

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Abakuku 2:3

Awaati iyi kuyɛu á kɔ̃ kù to titã, amma á cei si waati iyi ǹ bi. Degbeɛ do temua baa bii wa kpɛ. Ntɔ ntɔ, ide iyi ǹ fɔu á cei bii waatiɛ í to, sika kãma kù wa si.

Kuka 24:14

Na nŋu nsɛi an sinda n nyi bi inɛm ŋa. Amma naa wa n sɔ̃ɛ mii iyi inɛi Izirɛli ŋau aa na a cea inɛɛ ŋa do ankãanyi.

Wooda ku kɔsi 31:21

Nɔ wahala do inɔ kufɔ á na ku bii si ŋa. Waati bɛɛbɛ, iriu ihɛ̃i á jɛ nŋa sɛɛda, domi baa tɔku nŋa ŋa a kaa gbɛjɛ iriu ihɛ̃ ku kɔ̃ ajɔ kãma. Hai nnyi, hee n gbã ŋa n maa n bɔò ŋa si ilɛ iyi ǹ ce nŋa kuwãɛ do kugbasiu, ǹ mà mii iyi í wa si idɔ nŋa tã.

Wooda ku kɔsi 31:29

Ǹ mà iyi si anyii ikum, iŋɛ inɛi Izirɛli ŋa aa dasi dulum nii nɔ aa sinda i jɔ̀ kpãa iyi ǹ nyisi ŋɛ ŋau. Nɔ do waju, wahalai á ba ŋɛ na mii ŋa iyi à jɔ iwɛ̃ ŋa iyi aa ce ŋa i fɔ́ò inɔi Aɔ̃ Lafɛ̃ɛ nŋɛu fei nɔ idɔɛ ku kɔ̃.

Wooda ku kɔsi 4:30

Si waati iyi mii ŋa iyi ǹ ka ŋau bɛ fei à na à ba ŋɛ, aa wɛɛò inɔ kufɔ ŋa, nɔ aa sinda i baa bi Aɔ̃ Lafɛ̃ɛ nŋɛ, nɔ i gbɔ ideɛ ŋa,

Timɔtee 2, 3:1

Í sĩa i mà ŋa iyi kuwɛɛ nwa á na ku gaabu si waatii ankãanyi.

Ebɛɛ 2:3

Debɛi, bɛirei aa ka ce ka yɔkɔ ka saa ijuukpã bii à waa cɛiò idei faaba iyi í to bɛɛbɛ. Lafɛ̃ɛ takaɛ í tako í sisi idei faabau, nɔ si anyiɛ inɛ ŋa iyi à gbɔɔ à sɔ̃ wa à ni ideu ntɔi.