Daniɛli 10:12 - Bibeli do fee

¹² Ŋɔi í sɔ̃m í ni, Daniɛli, maà jɔ̀ njo ku muɛ. Hai ajɔ sinte iyi ì dasi idɔ awɔ i gbɔ yaasei mii iyi wa ce, nɔ ì kaye araɛ si wajui Ilaaɔ̃ Lafɛ̃ɛɛ, Ilaaɔ̃ í gbɔ ideɛ ŋau, nɔ na irii ideɛ ŋaui ǹ naa.

Daniɛli 10:12 Iomraidhean Croise

Iri ku kɔ̃ 69:10

Ǹ nɛ kubii kpasɛ̃ɛui ntɔ ntɔ. Nɔ inɛ ŋa iyi à waa buɛ ŋau, arabu nŋau í baa sim.

Ezai 35:4

Inɛ ŋa iyi idɔ nŋa wa jojo ŋau, i sɔ̃ ŋa i ni a jɔ̀ a ba gbugbã, nɔ a maà jɔ̀ njo ku mu ŋa. I sɔ̃ ŋa má i ni Aɔ̃ Lafɛ̃ɛ nŋa í wa bɛ. Nŋui á kɔ̀ò ŋa, nɔ ku sãa mbɛɛ nŋa ŋa laalɔ iyi à ce nŋa. Nŋu takaɛi á naa ku faaba ŋa.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 41:14

Zakɔbu, awɔ iyi à waa cea bɛi kokoo, maà jɔ̀ njo ku muɛ. Izirɛli, awɔ iyi ì jɛ bɛi kokoo, ǹ wa n naa ku faabaɛ. Amu Aɔ̃ Lafɛ̃ɛ Inɛ Kumái Izirɛli, amu woo yaɛ, amui ǹ fɔ bɛɛbɛ.

Ezai 58:9

Waati bɛɛbɛ, bii ì kpe Aɔ̃ Lafɛ̃ɛ, á jɛɛi. Bii ì tɔɔɛ faaba, á sɔ̃ɛ ku ni, amu wee ihɛ̃. Bii ì leekĩò asoi tilasi iyi í wo ku kãa inɛ ŋa, nɔ ì jɔ̀ taalei inɛ ŋa ku yɛ ngbɛ ngbɛ, nɔ ì jɔ̀ ide laalɔ ŋa ku fɔ,

Ezai 65:24

Hee a maa kpem, amu an jɛ nŋa. Hee a fɔ ide a maa tã, an gbɔ ide iyi à waa fɔu.

Daniɛli 10:11

Si anyiɛ, nɔ í sɔ̃m í ni, Daniɛli, awɔ iyi Ilaaɔ̃ í bi, gbɔ ide ŋa iyi an sɔ̃ɛ, nɔ i leekĩ tengi bii ì wau bɛ, domi nsɛiu ihɛ̃ bi titɛɛi à bɛm wa. Waati iyi í sɔ̃m ideu bɛɛbɛ, ŋɔi ǹ dede ǹ leekĩ ǹ wa n yayaò.

Daniɛli 10:19

Si anyii nŋu, nɔ í sɔ̃m í ni, maà jɔ̀ njo ku muɛ awɔ iyi Ilaaɔ̃ í bi. Wɛɛò laakai ku sũ. Dasi gbugbã, dasi gbugbã. Si bɛi wa bam ide ku fɔu, ǹ ba gbugbã nɔ ǹ ni, fɔ ide Lafɛ̃ɛm, domi ì jɔ̀ ǹ ba gbugbã.

Kuwee 16:29

Wooda nŋu bɛi aa maa too si hee do ajɔ fei ŋa. Cukpa mɛɛjesia, si ajɔ mɛɛwasiai cukpau, aa ya dĩ anu ŋai, nɔ i maà ya ce icɛ kãma ŋa hai iŋɛ inɛi Izirɛli ŋa hee do inɛ njoo ŋa iyi à wa bi tu ŋɛ ŋau fei.

Kuwee 16:31

Aa nya ajɔu ikã ŋai ku jɛ ajɔi kusĩmi nŋɛ do anu ku dĩ. Wooda nŋu bɛi aa maa too si hee do ajɔ fei ŋa.

Kuka 29:7

Si ajɔ mɛɛwai cukpa mɛɛjesiau aa tɔtɔɔ njɛ i tɔɔ amu Aɔ̃ Lafɛ̃ɛ ŋai. Aa dĩ anu ŋai, nɔ i maà ce icɛ kãma ajɔ nŋu bɛ ŋa.

Matie 28:10

Nɔ Jesu í sɔ̃ ŋa í ni, i maà jɔ̀ njo ku mu ŋɛ. I koo i sɔ̃ kpaasim ŋa a bɔ Galilee, bɛi aa yɛm.

Matie 28:5

Ŋɔi amalekau í sɔ̃ inaabo ŋau í ni, iŋɛ, i maà jɔ̀ njo ku mu ŋɛ. Ǹ mà iyi Jesu inɛ iyi à kpakpa si jĩi ku gaauui ì waa dɛ ŋa.

Maaku 16:6

Ŋɔi í sɔ̃ ŋa í ni, i maà jɔ̀ njo ku mu ŋɛ. Ǹ mà iyi Jesu inɛi Nazarɛtiui ì waa dɛdɛ ŋa, iyi à kpakpa si jĩi ku gaauu. Í jĩ hai si balɛ, kù wa ihɛ̃ má. I cɔ tengi bii à dasiɛu wo.

Luku 1:13

Amma amalekau í sɔ̃ɔ í ni, maà jɔ̀ njo ku muɛ, Zakari. Ilaaɔ̃ í gbɔ kutɔɔɛ. Elizabɛti aboɛ á bíɛ ama inɛmɔkɔ nɔ i sɔɔ Zãa.

Luku 1:30

Ŋɔi amalekau í sɔ̃ɔ í ni, maà jɔ̀ njo ku muɛ Maari. Ilaaɔ̃ í ceɛ didɔ̃.

Luku 2:10

Amma amalekau í sɔ̃ ŋa í ni, i maà jɔ̀ njo ku mu ŋɛ. Laabaau jiidai ǹ naa ku sisi nŋɛ, iyi á jɛa inɛ fei inɔ didɔ̃ nla nla.

Luku 24:38

Ŋɔi í bee ŋa í ni, mii í ce ì waa biti ŋa. Na mii í ce dimii lasabuu ihɛ̃ í wa si idɔ nŋɛ.

Woo bɛ ŋa 27:24

í ni, Pɔlu, maà ce njo. Kù nɛ bɛi aa ce iyi i kù leekĩ si wajui ilaalu nlai Romu. Nɔ wee inɛ ŋa iyi iŋɛò ŋa ì wa inɔ akɔu fei, Ilaaɔ̃ í yɔɔda nŋai a baɛ ku wɛɛ.

Kuyɛi Zãa 1:17

Iyi ǹ yɔɔ, ǹ cuku si isɛɛ bɛi iku. Nɔ í lesim awɔ njɛɛ í ni, maà ce njo, amui ǹ jɛ sinte do iri ku kpa.