Daniɛli 10:1 - Bibeli do fee

¹ Si bomma ku jɛi Sirusi ilaalui Pɛɛsi, si adɔ̃ mɛɛtasiaɛ, Ilaaɔ̃ í ba Daniɛli nŋu iyi à ya kpe Bɛlitasaau ide ku fɔ. Ideu ntɔi, igũ nla nlai á wɛɛ. Ŋɔi í lasabu si ideu, nɔ í gbɔ yaaseɛ.

Daniɛli 10:1 Iomraidhean Croise

Kusintii Andunya 41:32

Iyi í jɔ̀ awɔ Faraɔ̃ ì ce alau hee isɛ gbeeji, Ilaaɔ̃i í jilɔɔ bɛɛbɛ, kaa nɔ ku kpɛtɛ ku coo.

Bomma 2, 36:22

Si adɔ̃ sintei bomma ku jɛi Sirusi ilaalui Pɛɛsi, Aɔ̃ Lafɛ̃ɛ í dasi idɔ nŋu ku jɔ̀ ide iyi nŋu í tako í jɔ̀ walii Zeremi í fɔu ku ce. Na ŋɔi í ce í jɔ̀ Sirusi í dasi idɔ í fɔ ideɛ si bommaɛ fei nɔ í kɔ tia má í ni,

Ɛsidarasi 3:7

Nɔ à so woo gbe kuta ŋa do woo gbe jĩi ŋa à na ŋa fia. Si anyiɛ nɔ à na inɛi Sidɔ̃ɔ ŋa do inɛi Tii ŋa mii ku jɛ ŋa do atɛ̃ do ikpo ku ba inɛ nŋu ŋau mɔ a koo a dɛ nŋa jĩi ndii sɛɛdi ŋa wa hai ilɛi Libãa a dasi akɔi inyi a naaò wa hee ilui Zopee. À cooi do woodai Sirusi ilaalui Pɛɛsiu.

Ɛsidarasi 4:3

Amma Zorobabɛli do Zozue do inɛ ngboi kpasɛ̃ ŋa iyi à gbe ŋau à jɛ nŋa à ni, a kù bi i ba wa kpasɛ̃i Aɔ̃ Lafɛ̃ɛ nwa ku ma ŋa. Awa akãi aa ka coo, domi kpasɛ̃i Aɔ̃ Lafɛ̃ɛi inɛi Izirɛli ŋai á jɛ. Sirusi ilaalui Pɛɛsiu takaɛ nŋui í jilɔɔ bɛɛbɛ.

Ɛsidarasi 4:5

Hai si waati iyi Sirusi ilaalui Pɛɛsi í wa si bomma hee ku koo si ilaalu Dariusi, à ya maa na inɛ ŋa iyi à jɛ woo kɔi ilaaluu fiai ku ba a ganji icɛ iyi Zuifu ŋau à jilɛ.

Ɛsidarasi 6:14

Nɔ walii Azee do Zakari tɔkui Idou à mua inɛ ngboi Zuifu ŋau gbugbã a teese a mɔsi icɛi ileu ku maɛ nɔ à kpa iriɛ. À maai si bɛi Aɔ̃ Lafɛ̃ɛi inɛi Izirɛli ŋau í fɔ do si bɛi Sirusi do Dariusi do Aatakusɛɛsi ilaalui Pɛɛsi ŋau à jilɛ wooda.

Ɛsidarasi 6:3

Sirusi í fɔ si adɔ̃ sintei bomma ku jɛɛ í ni a teese a ma kpasɛ̃i Ilaaɔ̃ iyi í wa Zeruzalɛmu ku ba ku jɛ inya bii aa ya cea Ilaaɔ̃ kuwee ŋa, nɔ si icu nwou bɛi aa maa. Nɔ kugbokaɛ do kucĩɛ fei agbãawɔ kitai á jɛ.

Ezai 44:28

Amui ǹ fɔ si gãmɛi Sirusi ǹ ni, woo degbe iyi ǹ cicai. Nŋui á jɔ̀ mii ŋa iyi ǹ bi fei ku ce. Nŋui á na wooda, ku jɔ̀ a teese a ma ilui Zeruzalɛmu, nɔ a teese a ma kpasɛ̃i Aɔ̃ Lafɛ̃ɛu.

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 1:21

Do yaase bɛɛbɛi Daniɛli í waò bɛ hee í koo í toò si adɔ̃ sintei bomma ku jɛi ilaalu Sirusi.

Daniɛli 1:7

Ŋɔi inɛ ngboi akawe nla ŋau í na ŋa iri titɔ̃ mmuɛ ŋa. Ti Daniɛlii í jɛ Bɛlitasaa, Hanania mɔi í jɛ Sadaaki, Mikaɛli mɔi í jɛ Mesaaki, Azaria mɔi í jɛ Abɛdi-Nego.

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 11:2

Bɛbɛi, ǹ wa n sɔ̃ɛi dee dee mii iyi á na ku ce. Ilaalu ikã ikã mɛɛtai á na ku jɛ bomma si ilɛi Pɛɛsi. Si anyiɛ inɛ mɛɛsia á na ku jɛ bommau, nɔ inɛ nŋu á ko amani ku re inɛ ihɔ̃ ŋau. Waati iyi á ba gbugbã na saabui amaniɛ ŋau, á ce igũi do bommai inɛi Gɛrɛsi ŋa.

Daniɛli 12:4

Awɔ Daniɛli, mu ide ŋau ihɛ̃ si asii. Maà jɔ̀ inɛ ŋa a mà ide ŋa iyi à wa si tiau ihɛ̃ hee koo toò waatii ankãanyiu. Waati bɛɛbɛ, inɛ nkpɔ nkpɔi á cioɛ, nɔ kumà nŋa á la ku kɔ̃ɔsi.

Daniɛli 12:9

Nɔ í jɛɛm í ni, Daniɛli, koo nɛ. Ideu á maa wɛɛi si asii titã hee koo toò waatii iri ku kpau.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 4:8

Jĩi nɔu í la wa kooi nɔ í nɛ gbugbã. Kugbokaɛ wa bɔi hee lelei Aɔ̃, nɔ inɛi andunya ŋa fei, à waa yɔɔi.

Daniɛli 5:12

Daniɛliu, hunde iyi í nɛ, í nya ikã. Í mà mii fei ku kiiti nɔ í nɛ kumà. Í mà yaasei ala ŋa mɔ ku tusɛ, nɔ í ya gbɔ yaasei mii ŋa iyi à gaabu fei. Nɔ í ya ba iwɔi ide kugaabu ŋa fei. Daniɛli nŋu iyi baaɛ í sɔ Bɛlitasaau, jɔ̀ a kpoo ku naa wa. [Bii í to wa,] á sisiɛ mii iyi à kɔ si idĩu bɛ.

Daniɛli 5:17

Ŋɔi Daniɛli í jɛa ilaaluu í ni, mu amua ŋau ndɛɛ, walakɔ i na inɛ mmu gɔ ŋa. Amu de an cioɛ kukɔu, nɔ n tusɛɛ yaaseɛ.

Daniɛli 6:28

Nŋui í ya nya inɛ, nɔ nŋui í ya faabaɛ. Nŋui í ya ce nyinda ŋa do maamaake ŋa ikpa lelei Aɔ̃ do si ilɛ. Nŋui í nya Daniɛli hai si gbugbãi muusu nla ŋau.

Daniɛli 8:16

Ŋɔi ǹ wa n gbɔ imui amanɛ gɔ wa hai si aninii idoi Ulaiu wa ni, Gabiɛli, tusɛaa inɛ bɛ yaasei kuyɛu.

Daniɛli 8:26

Ntɔ ntɔ, iyi í jɛ yaasei mii iyi ì yɛ mbɛ si gãmɛi alɛ ŋa do daakɔ ŋau. Amma, maà fɔ idei kuyɛu ihɛ̃ nsɛi titã, domi ide ŋa iyi kuyɛu wa fãa, á kpɛ ku bɛi ku ce.

Luku 1:20

Amma i kù dasi idem nɔu naanɛ baa do iyi á na ku ce bii waatiɛ í to. Na nŋu, aa dekĩ, i kaa yɔkɔ i fɔ ide má í gbe ajɔ iyi ideu í cei.

Kuyɛi Zãa 19:9

Ŋɔi amalekau í sɔ̃m í ni, kɔ iyi ihɛ̃. Ilu inɔ didɔ̃ ŋai inɛ ŋa iyi à kpe ku jɛ bi ku ce abɔdɔ̃i ama angudãu. Nɔ í sɔ̃m má í ni, ideu ide ku fɔi Ilaaɔ̃ takaɛi.