Daniɛli 1:8 - Bibeli do fee

⁸ Ŋɔi Daniɛli í dasi idɔ nŋu ku maà riisi arai nŋu si gãmɛi sɔndai ilaaluu ku jɛ do atɛ̃ vɛ̃ɛɛ ku mɔ. Ŋɔi í tɔɔ inɛ ngboi akawe nla ŋau í ni ku maà tilasi nŋu si sɔnda ŋau ku jɛ ku ba nŋu ku maà na ku so riisi.

Daniɛli 1:8 Iomraidhean Croise

Ilaalu 1, 5:5

Inɛi Zudaa do inɛi Izirɛli ŋa, hai Dãa hee ku bɔ Bɛɛseba à wɛɛ nŋai si laakai si kuwɛɛi Salomɔɔ fei. Inɛ fei í ya maa ce icɛi si ikoi jĩi ndii rezɛ̃ɛɛ do si ikoi jĩi ndii figiɛ do laakai ku sũ.

Iri ku kɔ̃ 106:28

Inɛ ŋau à lɔsi iwɛ̃ iyi à ya kpe Baali-Peɔɔ ku tɔɔ, nɔ à waa jɛ sɔndai kuwee iyi à cea iku ŋa.

Iri ku kɔ̃ 119:106

Ǹ fɔ do kugbasi ǹ ni, an jirima wooda dee deeɛ ŋau.

Iri ku kɔ̃ 119:115

Iŋɛ woo ce laalɔ ŋa, i jĩim ŋa nɔ n jirima wooda ŋa iyi à jɛ ti Ilaaɔ̃ Lafɛ̃ɛm.

Iri ku kɔ̃ 141:4

Maà jɔ̀ n nɛ lasabui laalɔ ku ce, maà jɔ̀ n maa n too kucei ilu inɔ kukã ŋa, maà jɔ̀ n jɛ jingau do aŋa.

Mɔnda ŋa 23:3

Maà jɔ̀ sɔnda didɔ̃ ŋau a faɛ, domi á yɔkɔ ku jɛ sɔndai zambai.

Daniɛli 1:5

Ilaaluui í jilɛ nŋa gũai sɔnda bɛi aa ya na ŋa si ajɔ akã fei si sɔnda ŋa iyi à ya jilɛaa nŋu takaɛu, do si atɛ̃ vɛ̃ɛ iyi nŋu takaɛ í ya mɔu. Nɔ bɛi í fɔ si gãmɛ nŋau, í bi nŋu ku ce nŋa bɛɛbɛi zakai adɔ̃ mɛɛta. Bii kɔɔi adɔ̃ mɛɛtau í to, a bɛi a naaò ŋa wa bi tɛɛ.

Daniɛli 5:4

Ŋɔi à mɔ atɛ̃ vɛ̃ɛu, nɔ à wasi ku saabu iwɛ̃ ŋa iyi à ce do wura ŋau do iyi à ce do isɔ fũfũ ŋau do ti isɔ nkpa ŋau do isɔ alala ŋau do iyi à ce do jĩi ŋa do ti kuta ŋau.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Woo bɛ ŋa 15:20

Amma ka ce nŋa tia ka sɔ̃ ŋa a maà ya jɛ ijɛi kuwee, nɔ a maà ya tɔtɔɔ sɛ̃ɛ do inaabo mmu gɔ walakɔ inaabo mɔ do mɔkɔ mmu gɔ, a maà ya ŋɔ iŋai mɛɛmu iyi a kù saka, nɔ a maà ya jɛi njɛi iŋa.

Kɔrɛnti 1, 7:37

Amma inɛ iyi í dasi idɔ dim dim bii kù jɛ do tilasi gɔ, bii í jilɔɔ si ama inaaboi nŋu ku maà so mɔkɔ, mii jiidai í lasabu.

Kɔrɛnti 2, 9:7

Na nŋu, í sĩa inɛ fei ku na bɛi í dasi idɔ, ku maà ti ku jɛ do tilasi walakɔ do weewea, domi inɛ iyi wa na do inɔ didɔ̃i Ilaaɔ̃ í bi.

Wooda ku kɔsi 32:38

Iwɛ̃ ŋau, ì ya tako i maa wo ŋa ŋai do mɛɛmu ŋa iyi ì ya ce nŋa do kuwee ŋau. Ì ya na ŋa vɛ̃ɛ a mɔ ŋa. To, a dede a faaba ŋɛ a nyisiò iyi aŋa à waa degbe ŋɛ.