Daniɛli 1:5 - Bibeli do fee

⁵ Ilaaluui í jilɛ nŋa gũai sɔnda bɛi aa ya na ŋa si ajɔ akã fei si sɔnda ŋa iyi à ya jilɛaa nŋu takaɛu, do si atɛ̃ vɛ̃ɛ iyi nŋu takaɛ í ya mɔu. Nɔ bɛi í fɔ si gãmɛ nŋau, í bi nŋu ku ce nŋa bɛɛbɛi zakai adɔ̃ mɛɛta. Bii kɔɔi adɔ̃ mɛɛtau í to, a bɛi a naaò ŋa wa bi tɛɛ.

Daniɛli 1:5 Iomraidhean Croise

Ilaalu 1, 10:8

Inɔ didɔ̃i í jɛ ti inɛɛ ŋa do ti woo ce icɛɛ ŋa iyi à wa bi tɛɛ do ajɔ fei, aŋa iyi à ya maa gbɔ bisiɛ ŋa.

Ilaalu 2, 25:30

Hai waati bɛɛbɛ, ajɔ fei Zoakɛ̃ɛ í ya ba bukaatai mii iyi í nɛi hai bi ilaalui Babilɔniu hee í koo í kuò.

Bomma 2, 9:7

Inɔ didɔ̃i í jɛ ti aboɛ ŋa do ti woo ce icɛɛ ŋa iyi à wa bi tɛɛ do ajɔ fei, aŋa iyi à ya maa gbɔ bisiɛ ŋa.

Mɔnda ŋa 23:3

Maà jɔ̀ sɔnda didɔ̃ ŋau a faɛ, domi á yɔkɔ ku jɛ sɔndai zambai.

Zeremi 15:19

Na ŋɔi í jɔ̀ Aɔ̃ Lafɛ̃ɛ í fɔ í ni, bii ì sinda ì nyi wa bi tom, an jɔ̀ i baa si icɛɛ si wajum má. Bii ì tã sɔɔlu i ya wũaa ide iyi í nɛ bɛɛrɛ, do iyi kù nɛ bɛɛrɛ, awɔi aa jɛ woo fɔ idem. Nɔ aŋai à nɛ a sinda a baa bi titɛɛ bɛbɛi, amma kù jɛ awɔi aa nyi si ŋa.

Daniɛli 1:19

Nɔ í ba aŋa fei ide ku fɔ. Si inɔ nŋa, kãma nŋa kù yɛ bɛi Daniɛli do Hanania do Mikaɛli do Azaria. Na ŋɔi í jɔ̀ aŋa fei à koo à jɛ woo cea ilaaluu icɛ.

Daniɛli 1:8

Ŋɔi Daniɛli í dasi idɔ nŋu ku maà riisi arai nŋu si gãmɛi sɔndai ilaaluu ku jɛ do atɛ̃ vɛ̃ɛɛ ku mɔ. Ŋɔi í tɔɔ inɛ ngboi akawe nla ŋau í ni ku maà tilasi nŋu si sɔnda ŋau ku jɛ ku ba nŋu ku maà na ku so riisi.

Matie 6:11

Mu nwa ijɛi ajɔ fei nwa.

Luku 1:19

Ŋɔi amalekau í jɛaa í ni, amui Gabiɛli. Amui ǹ ya n wa bi Ilaaɔ̃ n maa n ceaa icɛ. Nŋui í bɛm wa n na n baɛ ide ku fɔ nɔ n sisiɛ laabaau jiidau ihɛ̃.

Luku 11:3

Mu nwa ijɛi ajɔ fei nwa.

Luku 21:36

Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Samuɛli 1, 16:22

Ŋɔi Saulu í samba anu bi Izai í ni, ǹ wa n tɔɔɛi, jɔ̀ Davidi ku wa ihɛ̃ ku maa ceem icɛ, domi ǹ nɛ kubiɛ jiida.