Daniɛli 1:4 - Bibeli do fee

⁴ Inɛ ŋa iyi í ni a naaò wa ŋau, awaasũ ŋa iyi a kù nɛ leebu si ara nŋa ŋai aa jɛ, nɔ a jɛ mɔkɔ kusĩa ŋa, nɔ a jɛ inɛ ŋa iyi à kɔ̃ò laakai, nɔ a jɛ inɛ ŋa iyi à nɛ kumà nɔ à nɛ bisi, ku ba a ya yɔkɔ a maa ce icɛ inɔ kabai ilaalu, nɔ a kɔ ŋa si feei inɛi Kaladee ŋa ku fɔ. Aa kɔ ŋa si kukɔɛ do kukaɛ feii.

Daniɛli 1:4 Iomraidhean Croise

Samuɛli 2, 14:25

Inɛmɔkɔ kãma kù ce mɔkɔ kusĩa iyi í nya iri si ilɛi Izirɛli fei na kusĩaɛ bɛi Abusalɔmu. Hai isɛɛ hee ku bɔ wasantaii iriɛ kusĩaɛ kù nɛ lɛɛfi kãma.

Mɔnda ŋa 22:29

Inɛ iyi í mà icɛɛ kaa manji, á yɔkɔ ku cea baa ilaalu ŋa icɛ.

Woo lasabu 7:19

Bisi í ya jɔ̀ ilu bisi ku nɛ gbugbã ku re ilaalu mɛɛwa ŋa iyi à waa mu ilu akã.

Ezai 36:11

Ŋɔi Eliakimu do Sebuna do Yoa à sɔ̃ inɛ iyi í jɛ inɛ ngboi soogei Asiri ŋau à ni, à waa tɔɔɛi, ba wa ide ku fɔ do feei Arameɛ̃ɛ aa ka gbɔ. Maà ba wa ide ku fɔ do feei inɛi Zudaa ŋau si wajui inɛ ŋa iyi à wa si antaii bindiu ihɛ̃.

Zeremi 5:15

Nɔ Aɔ̃ Lafɛ̃ɛ í ni, iŋɛ inɛi Izirɛli ŋa mɔ, an jɔ̀ dimi gɔ ku naa si ŋɛ wa hai ilɛ jĩijĩ gɔ. Inɛi ilɛ ŋau, i kaa yɔkɔ i jɛ ŋa igũ ŋa. Ilɛu í nɛ gbugbã, nɔ ilɛ nwoi. Dimi gɔi iyi i kù waa gbɔ feeɛ ŋa, nɔ i kù waa gbɔ yaasei ide ku fɔɛ ŋa.

Daniɛli 2:10

Ŋɔi inɛi Kaladee ŋau à nyi à jɛaa ilaaluu má à ni, ilaalu, inɛ kãma kù wa si ilɛ ihɛ̃ iyi á yɔkɔ ku ce mii iyi ì waa beeu bɛ. Na ŋɔi í jɔ̀ ilaalu baa akã, baa bii í jɛ í la, walakɔ í jɛ ilu gbugbãi, kù bee woo ce alisi gɔ mii dimi bɛɛbɛ, hee má jɛ woo ce dobu dobu gɔ.

Daniɛli 2:2

Ŋɔi ilaalu í ni a kpe woo mà ŋa wa do woo ce alisi ŋa do woo ce dobu dobu ŋa do inɛi Kaladee ŋa ku ba a naa a sisiaa yaasei alaɛ ŋau. Ŋɔi inɛ ŋau à naa à na à leekĩ si wajuɛ.

Daniɛli 3:8

Ŋɔi gbakã inɛi Kaladee gɔ ŋa à na à waa yɛ taalei Zuifu ŋa.

Daniɛli 4:7

Waati iyi ǹ wa n sũ si antaii daayim, mii iyi ǹ yɛ wee. Ǹ yɛ jĩi nla nla gɔ wa leekĩ si aninii ilɛ.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Daniɛli 5:7

Ŋɔi í dɔ̃ anu do gbugbã, nɔ í na wooda í ni a kpea nŋu woo ce dobu dobu ŋau wa do inɛi Kaladee ŋau do woo mà yaasei leleaɔ̃ ŋau. [Waati iyi woo mà ŋau à to wa,] nɔ í sɔ̃ ŋa í ni, inɛ baa yooma iyi í yɔkɔ í cio kukɔu ihɛ̃, nɔ í tusɛɛm yaaseɛ, ibɔ kusĩa ŋai an daa si, nɔ n daa si sabai wura si kɔ̃ɔɛ, nɔ inya mɛɛtasia si bommau, titɛɛi á jɛ.

Daniɛli 9:1

Dariusi ama inɛmɔkɔi Ɛkusɛɛsi si dimii inɛi Mɛɛdi ŋai í na í jɛ ilaalui inɛi Kaladee ŋa waatɔ inɛi Babilɔni ŋa. Si adɔ̃ sinte iyi í jɛ bommau, amu Daniɛli ǹ cĩ tia kumá ŋau ǹ cɔ. Waati bɛɛbɛi ǹ gbɔ yaasei ide ŋa iyi Aɔ̃ Lafɛ̃ɛ í sɔ̃ walii Zeremiu. Idei adɔ̃ kitaò fɛɛwa si bii Zeruzalɛmu á na ku kpɔò bommai wa fãa.

Zakari 2:4

Nɔ ǹ bee ǹ ni, mii à naa ku ce. Nɔ í jɛɛm í ni, à naa ku kɛkɛ dimi ilu gbugbã ŋaui nɔ a jɔ̀ a ce njo. Dimi ŋau aŋai à tako à dede si inɛi Zudaa ŋa à fangaa ŋa wo.

Woo bɛ ŋa 7:20

Waati bɛɛbɛi à bí Moizi. Ama kpɔtɔɔi iyi í sĩa hee í caa. Ŋɔi à wòo bɛ si kpasɛ̃i baaɛ cukpa mɛɛta.

Woo bɛ ŋa 7:22

Ŋɔi à kɔa Moizi si bisii inɛi Ezibiti ŋau fei nɔ í baa í jɛ ilu gbugbã si ide ku fɔ do si kuceɛ.

Efɛɛzu 5:27

Í bi igbɛu ku naa si wajuɛ do kusĩaɛ fei, ku maà ti ku nɛ riisi gɔ, nɔ batai araɛ ku maà yuguu, nɔ ku maà nɛ mii mmu dimi bɛɛbɛ gɔ ŋa má, amma í bi ku jɛ dee deei, ku maà nɛ taale kãma.

Woo kiiti ŋa 8:18

Si anyii nŋu má nɔ í bee Zeba do Salumuna í ni, bɛirei inɛ ŋa iyi ì kpa Tabɔɔ ŋau à yɛ ŋa. Nɔ à jɛaa à ni, inɛ ŋau à jɔɛ. Aŋa fei à yɛi bɛi amai ilaalu ŋa.