Daniɛli 1:20 - Bibeli do fee

²⁰ Ŋɔi ilaaluu í lɔsi ide ŋa ku bee ŋa si gãmɛi ide ŋa iyi í bee inɛ ku jɛ ilu laakai nɔ ku jɛ ilu bisi, nɔ í ba wee ide ku jɛ nŋa í sĩa í re ti woo ce alisi ŋa do ti woo ce dobu dobu ŋa iyi à wa si bommaɛu ikɔ mɛɛwa.

Daniɛli 1:20 Iomraidhean Croise

Kusintii Andunya 31:7

Nɔ baa nŋɛ í lɛlɛɛm isɛ fɛɛfɛlo, í kpasi asaiya iyi í nɛ ku sãam isɛ gbɛɛwa. Amma Ilaaɔ̃ kù jɛ ku ceem laalɔ.

Kusintii Andunya 41:8

Iyi iju í má daadaakɔu idɔi Faraɔ̃ kù sũ. Í kpe woo ce alisi ŋa do ilu bisi ŋa iyi à wa Ezibiti bɛ fei. Í sisi nŋa alaɛ ŋau, amma baa inɛ akã nŋa kù yɔkɔ ku mà yaasei ala ŋau.

Neemi 4:12

Aŋa fei à dĩ taakuba nŋa ŋai si kpaka à waa ceò icɛ. Nɔ woo fã kuu í wa kɔkɔm.

Zɔɔbu 19:3

Isɛ gbɛɛwai ihɛ̃ bɛbɛi iyi ì wasi ku bum ŋa. Anyɔ kù waa mu ŋɛ iyi ì wasi ku wahalam bɛi ihɛ̃ ŋa?

Iri ku kɔ̃ 119:99

Kumà iyi ǹ nɛ í re ti woo kɔm ŋa fei, domi ideɛ ŋai ǹ ya n maa n lasabu si.

Kufita 7:22

Amma woo ce dobu dobui Ezibiti ŋa mɔ à ce bɛɛbɛ do iwɔ nŋa ŋa. Nɔ Faraɔ̃ í lele idɔɛ nɔ kù gbɔ idei Moizi do Arɔ̃ɔ, si bɛi Aɔ̃ Lafɛ̃ɛ í fɔu.

Kufita 8:19

An nya inɛm ŋa ikã, inɛɛ ŋa mɔ ikã. Inɛ nŋu ŋau bɛ fei alai á ce.

Kufita 8:7

Kpɔlɔ kelem ŋau aa jĩiɛ do kpasɛ̃ɛ ŋa, do akaweɛ ŋa, do inɛɛ ŋa. Iyi aa wa inɔ ido nlau aŋa akãi aa gbe.

Ezai 19:3

Í ni inɛi Ezibiti ŋau aa kua gbugbã, nɔ nŋu á fɔtɔtɔi lasabu nŋa ŋai. Waati bɛɛbɛ, aa koo a maa ce kubeei bi iwɛ̃ nŋa ŋa do bi woo ce alisi ŋa iyi à ya bee iku ŋa ide, walakɔ bi inɛi inɔɔko ŋa.

Ezekiɛli 28:3

Ì waa tamaa si ì nɛ laakai ì re Daniɛli nɔ nkãma kù waa jɛɛ bɛi asii.

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 2:13

Ŋɔi ide iyi ilaalu í jilɛu í fangaa bii fei. Inɛ ŋau, à nɛ a kpa ŋai. Ŋɔi à waa dɛdɛ Daniɛli do kpaasiɛ ŋau mɔ ku ba a kpa ŋa.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 5:17

Ŋɔi Daniɛli í jɛa ilaaluu í ni, mu amua ŋau ndɛɛ, walakɔ i na inɛ mmu gɔ ŋa. Amu de an cioɛ kukɔu, nɔ n tusɛɛ yaaseɛ.

Kuka 14:22

inɛi nsɛi ŋau ihɛ̃ kãma nŋa kaa lɔ si ilɛu, domi à yɛ amboem nɔ à yɛ maamaake ŋa iyi ǹ ce fei si ilɛi Ezibiti do si gbaau nɔ do nŋu fei a kù leekĩò laakaim ku cɔ nɔ a kù jirima idem. Na nŋu, inɛ ŋau bɛ kãma nŋa kaa yɛ ilɛ iyi ǹ wãò bala nŋa ŋau má. Inɛ ŋa iyi à yaakom ŋau a kaa yɔɔ do iju má pai.