Daniɛli 1:2 - Bibeli do fee

² Ŋɔi Aɔ̃ Lafɛ̃ɛ í so Zoakimu ilaalui Zudaau í daa si awɔ, nɔ í jɔ̀ í so mbɔi jĩnɛ ŋa iyi à jɛ ti kpasɛ̃i Ilaaɔ̃u mɔ í nɛò. Nebukanɛsaa í mu ŋai í nɛò ŋa Babilɔni. Nɔ jĩnɛ ŋa iyi í so ŋau mɔ, í koo í dasi ŋai tengi bii amani ŋa à wa si inɔ ilei iwɛ̃ɛ ŋau.

Daniɛli 1:2 Iomraidhean Croise

Kusintii Andunya 10:10

Si ilui Babɛlii í sinti bommaɛ ku jɛ, do si ilui Erɛki do Akadi do Kaline, si ilɛi Sineaa.

Kusintii Andunya 11:2

Ŋɔi inɛ ŋau à dede à waa nɛ hai nunui daakɔu nɔ à yɛ bantumai ilɛ gɔ si ilɛi Sineaa ŋɔi à ce ide bɛ.

Ilaalu 2, 24:1

Si waatii bomma ku jɛi Zoakimui Nebukanɛsaa ilaalui Babilɔniu í naa í ce igũ si ilɛi Zudaa. Nɔ í mu ŋa aru zakai adɔ̃ mɛɛta. Amma si anyiɛ Zoakimu í na í kɔ̀ ide í gba araɛ.

Bomma 2, 36:5

Adɔ̃ kaafɛtũi Zoakimu í nɛ waati iyi í jɛ bomma. Nɔ í ce si bommau adɔ̃ maatakã Zeruzalɛmu. Ŋɔi í ce mii iyi kù dɔ̃a Aɔ̃ Lafɛ̃ɛɛ si.

Bomma 2, 36:7

Nɔ Nebukanɛsaa í ko jĩnɛi kpasɛ̃i Aɔ̃ Lafɛ̃ɛ ŋau í nɛò Babilɔni í koo í dasi ŋa inɔ kpasɛ̃ɛ.

Ɛsidarasi 1:7

Ilaalu Sirusi í tɔtɔɔ jĩnɛi kpasɛ̃i Ilaaɔ̃ iyi Nebukanɛsaa í tako í so hai Zeruzalɛmu í koo í jilɛ si ilei iwɛ̃i nŋu takaɛ í sindo nŋa.

Ezai 11:11

Si waati nŋu bɛi Aɔ̃ Lafɛ̃ɛ á dasi baa isɛ gbeejisia má ku ya zamaaɛ ŋa iyi à gbe si ilɛ mmu ŋau ku jɔ̀ a nɛ ara nŋa. Hai inɛ ŋa iyi à wa ilɛi Asiri do Ezibiti do Patɔɔsi do Etiopi do Elamu do ilɛi Babilɔni, do Amati do ilɛi itĩi inyi ŋau.

Ezai 42:24

Nɔ yooi í so Izirɛli zamaai Zakɔbu ŋau í daa inɛ ŋa iyi à ko mii ndɛɛ ŋau si awɔ. Kù jɛ Aɔ̃ Lafɛ̃ɛ nŋu iyi à ce dulum bi titɛɛu? A kù bi kpãaɛ ŋau ku too, nɔ à kɔ̀ ku desi idei woodaɛ itĩ.

Zeremi 25:1

Si adɔ̃ mɛɛsiai bomma ku jɛi Zoakimu amai Zoziasi, Aɔ̃ Lafɛ̃ɛ í ba Zeremi ide ku fɔ si gãmɛi zamaai Zudaau fei. Waatiu bɛ adɔ̃ sintei bomma ku jɛi Nebukanɛsaa ilaalui Babilɔni mbɛ.

Zeremi 27:16

Zeremi í ba woo wee ŋau do inɛ ŋa iyi à wa bɛ ŋau fei ide ku fɔ í ni, ide iyi Aɔ̃ Lafɛ̃ɛ í fɔ wee. Aɔ̃ Lafɛ̃ɛ í ni, i maà gbɔ ide ku fɔi walii nŋɛ ŋau ŋa, aŋa iyi à ce walii à waa ni, wee nsɛi bɛbɛi jĩnɛ ŋa iyi à jɛ ti Aɔ̃ Lafɛ̃ɛu aa baaò ŋa wa hai Babilɔni kaa kpɛ má. Ntɔ ntɔ, walii iyi à waa ce nŋɛu bɛ, iboi.

Zeremi 28:3

Nebukanɛsaa ilaalui Babilɔni í ko jĩnɛ ŋa hai si kpasɛ̃i Aɔ̃ Lafɛ̃ɛ í nɛò Babilɔni. To, nsɛi hai ihɛ̃ ku bɔ adɔ̃ minji zaka bii à wau ihɛ̃, an baaò jĩnɛ ŋau bɛ fei wa ihɛ̃.

Zeremi 35:11

Waati iyi Nebukanɛsaa ilaalui Babilɔni í naa igũ si wa si ilɛu ihɛ̃, à fɔ à ni, ka bɔ Zeruzalɛmu, ka saa soogei inɛi Kaladee ŋa do ti inɛi Siri ŋau. Do yaase bɛɛbɛi à koo à bubaò Zeruzalɛmu.

Zeremi 50:2

Í ni, laabaauu ihɛ̃, i sɔ̃ inɛi ilɛ ŋa. I gũ nyinda ŋa iyi á jɔ̀ inɛ ŋa a màa ŋa. I jɔ̀ inɛ ŋa a gbɔɔ nɔ i maà singa nkãma ŋa. I fɔ ŋa i ni, à mu Babilɔni mbɛ. Anyɔi í baa í jɛ ti iwɛ̃ɛ Bɛli. Nɔ njo í mu iwɛ̃ɛ Maaduku. Anyɔ nla nlai í jɛ ti iwɛ̃i inɛi Babilɔni ŋau, nɔ mii riisiɛ ŋau fei à lɛgɛ.

Zeremi 51:44

Nɔ Aɔ̃ Lafɛ̃ɛ í fɔ má í ni, an naa si Bɛli iwɛ̃i inɛi Babilɔni ŋau, nɔ n jɔ̀ ku kpɔ mii iyi wa miiu. Nɔ inɛi andunya ŋa iyi à ya maa naa bi tɛɛ ŋau, a kaa naa má. Bindii Babilɔniu takaɛ mɔ í cuku.

Daniɛli 5:13

Ŋɔi à gbã Daniɛli à naaɛ wa si wajui ilaalu. Nɔ ilaaluu í bee Daniɛli í ni, awɔi ì jɛ Daniɛli inɛ akãi inɛ ŋa iyi ilaalu baam í mu wa hai ilɛi Zudaau?

Daniɛli 5:18

[Ŋɔi Daniɛli í sɔ̃ɔ í ni,] ilaalu, Ilaaɔ̃ iyi í wa hee leleu í jɔ̀ Nebukanɛsaa baaɛu í jɛ ilaalu nla nla. Í nɛ amboe nɔ í nɛ bɛɛrɛ nla nla.

Abakuku 1:16

À ya maa cea taaò nŋa ŋau kuwee nɔ à ya jo nŋa tuae ku dɔ̃ inunu, domi do saabu nŋai à baò sɔnda didɔ̃ nkpɔ nkpɔ.

Zakari 5:11

Nɔ í jɛɛm í ni, ilɛi Babilɔnii. Bɛi aa maa ile do timtim bii aa lesiɛ.

Wooda ku kɔsi 32:30

Mbɛɛ akã á yɔkɔ ku lele inɛi Izirɛli dubu? Mbɛɛ minji á yɔkɔ ku lele inɛi Izirɛli dubu mɛɛwa? Ntɔ ntɔ, á yɔkɔ ku ce bii amu Aɔ̃ Lafɛ̃ɛ iyi ǹ jɛ kuta ku nɛ gbugbã iyi wa degbe ŋa ǹ so ŋa ǹ daa mbɛɛ nŋa ŋa si awɔ.

Woo kiiti ŋa 2:14

Ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋau nɔ í jɔ̀ mbɛɛ ŋa iyi à waa kaako ŋa ŋau à kãmia ŋa à ko mii ndu ŋa ŋa, nɔ a kaa yɔkɔ a kɔ̀ ide si waju nŋa.

Woo kiiti ŋa 3:8

Ŋɔi idɔɔkɔ̃i Aɔ̃ Lafɛ̃ɛ í dede si ŋa, nɔ í so ŋa í daa Kusãa-Risataimu ilaalui Mezopotami si awɔ. Nɔ í mu ŋa aru à ceaa icɛ adɔ̃ mɛɛjɔ.

Woo kiiti ŋa 4:2

Nɔ Aɔ̃ Lafɛ̃ɛ í jɔ̀ à dasi awɔi Yabɛ̃ɛ ilaalui Kanaã gɔ iyi kabai bommaɛ í wa Hasɔɔ. Siserai í jɛ inɛ ngboi soogeɛ ŋa nɔ í wai Harosɛti-Goimu.

Samuɛli 1, 5:2

Ŋɔi à bɔò kpakou inɔ ilei iwɛ̃ nŋa Dagɔ̃ɔ nɔ à jilɔɔ kɔkɔi mii iyi à ce iyi í jɔ iwɛ̃u.