Daniɛli 1:19 - Bibeli do fee

¹⁹ Nɔ í ba aŋa fei ide ku fɔ. Si inɔ nŋa, kãma nŋa kù yɛ bɛi Daniɛli do Hanania do Mikaɛli do Azaria. Na ŋɔi í jɔ̀ aŋa fei à koo à jɛ woo cea ilaaluu icɛ.

Daniɛli 1:19 Iomraidhean Croise

Ilaalu 1, 17:1

Elii inɛi ilui Tisibu si ilɛi Galaadi í sɔ̃ Akabu í ni, do irii Aɔ̃ Lafɛ̃ɛi inɛi Izirɛli ŋa iyi ǹ wa n cea icɛ, si adɔ̃ ŋa iyi wa baau ihɛ̃ ikpã kaa le hee má jɛ ijĩ ku wɔ bii kù jɛ ǹ ni ku naa.

Mɔnda ŋa 22:29

Inɛ iyi í mà icɛɛ kaa manji, á yɔkɔ ku cea baa ilaalu ŋa icɛ.

Zeremi 15:19

Na ŋɔi í jɔ̀ Aɔ̃ Lafɛ̃ɛ í fɔ í ni, bii ì sinda ì nyi wa bi tom, an jɔ̀ i baa si icɛɛ si wajum má. Bii ì tã sɔɔlu i ya wũaa ide iyi í nɛ bɛɛrɛ, do iyi kù nɛ bɛɛrɛ, awɔi aa jɛ woo fɔ idem. Nɔ aŋai à nɛ a sinda a baa bi titɛɛ bɛbɛi, amma kù jɛ awɔi aa nyi si ŋa.

Daniɛli 1:18

Waati iyi ilaalu Nebukanɛsaa í da si bii aa naaò ŋa wau í naa í to. Ŋɔi inɛ ngboi akawe nla ŋau í gbã ŋa í kooò ŋa bi tɛɛ.

Daniɛli 1:4

Inɛ ŋa iyi í ni a naaò wa ŋau, awaasũ ŋa iyi a kù nɛ leebu si ara nŋa ŋai aa jɛ, nɔ a jɛ mɔkɔ kusĩa ŋa, nɔ a jɛ inɛ ŋa iyi à kɔ̃ò laakai, nɔ a jɛ inɛ ŋa iyi à nɛ kumà nɔ à nɛ bisi, ku ba a ya yɔkɔ a maa ce icɛ inɔ kabai ilaalu, nɔ a kɔ ŋa si feei inɛi Kaladee ŋa ku fɔ. Aa kɔ ŋa si kukɔɛ do kukaɛ feii.

Daniɛli 1:5

Ilaaluui í jilɛ nŋa gũai sɔnda bɛi aa ya na ŋa si ajɔ akã fei si sɔnda ŋa iyi à ya jilɛaa nŋu takaɛu, do si atɛ̃ vɛ̃ɛ iyi nŋu takaɛ í ya mɔu. Nɔ bɛi í fɔ si gãmɛ nŋau, í bi nŋu ku ce nŋa bɛɛbɛi zakai adɔ̃ mɛɛta. Bii kɔɔi adɔ̃ mɛɛtau í to, a bɛi a naaò ŋa wa bi tɛɛ.

Daniɛli 1:6

Si dimii inɛi Zudaa ŋau, inɛ ŋa iyi à cica wee. Daniɛli do Hanania do Mikaɛli do Azaria.

Daniɛli 1:7

Ŋɔi inɛ ngboi akawe nla ŋau í na ŋa iri titɔ̃ mmuɛ ŋa. Ti Daniɛlii í jɛ Bɛlitasaa, Hanania mɔi í jɛ Sadaaki, Mikaɛli mɔi í jɛ Mesaaki, Azaria mɔi í jɛ Abɛdi-Nego.

Daniɛli 2:13

Ŋɔi ide iyi ilaalu í jilɛu í fangaa bii fei. Inɛ ŋau, à nɛ a kpa ŋai. Ŋɔi à waa dɛdɛ Daniɛli do kpaasiɛ ŋau mɔ ku ba a kpa ŋa.

Daniɛli 3:29

Nsɛi bɛbɛi, wooda iyi ǹ wa n na wee. Woodau í kã inɛ baa yooma fei, do zamaa fei, do inɛi ilɛ ŋa fei do fee dimi ikã ikã ŋa fei. Inɛ iyi á fɔ ide ku maa yaako Ilaaɔ̃ Lafɛ̃ɛi Sadaaki do Mesaaki do Abɛdi-Nego bɛbɛi, aa bububu lafɛ̃ɛi nɔ a lɛgɛ ileɛ ku baa ku ce timtim, domi iwɛ̃ gɔ kù wɛɛ iyi á yɔkɔ ku faaba inɛ bɛi nŋu má.