Daniɛli 1:18 - Bibeli do fee

¹⁸ Waati iyi ilaalu Nebukanɛsaa í da si bii aa naaò ŋa wau í naa í to. Ŋɔi inɛ ngboi akawe nla ŋau í gbã ŋa í kooò ŋa bi tɛɛ.

Daniɛli 1:18 Iomraidhean Croise

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 1:19

Nɔ í ba aŋa fei ide ku fɔ. Si inɔ nŋa, kãma nŋa kù yɛ bɛi Daniɛli do Hanania do Mikaɛli do Azaria. Na ŋɔi í jɔ̀ aŋa fei à koo à jɛ woo cea ilaaluu icɛ.

Daniɛli 1:5

Ilaaluui í jilɛ nŋa gũai sɔnda bɛi aa ya na ŋa si ajɔ akã fei si sɔnda ŋa iyi à ya jilɛaa nŋu takaɛu, do si atɛ̃ vɛ̃ɛ iyi nŋu takaɛ í ya mɔu. Nɔ bɛi í fɔ si gãmɛ nŋau, í bi nŋu ku ce nŋa bɛɛbɛi zakai adɔ̃ mɛɛta. Bii kɔɔi adɔ̃ mɛɛtau í to, a bɛi a naaò ŋa wa bi tɛɛ.

Daniɛli 2:16

Ŋɔi Daniɛli í dede í bɔ bi ilaaluu nɔ í tɔɔɛ í ni ku muaa nŋu waati si bii nŋu á naa ku sisiaa yaasei alaɛu.