Daniɛli 1:17 - Bibeli do fee

¹⁷ Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Daniɛli 1:17 Iomraidhean Croise

Ilaalu 1, 3:12

an ce bɛi ì fɔu. An muuɛ bisi do laakai jiida iyi inɛ kãma kù ba dimiɛ titã nɔ inɛ kãma kaa yɔkɔ ku toɛ má.

Ilaalu 1, 3:28

Inɛi Izirɛli fei í gbɔ bɛi ilaaluu í ce kiitiu. Nɔ inɛ fei wa jirimaɛ domi à yɛ iyi bisii Ilaaɔ̃ í wa siɛ í ceò kiitiu si ntɔ.

Bomma 2, 1:10

Na nŋu, muum bisi do laakai ku ba n mà bɛi an gbãò zamaau. Bii kù jɛ bɛɛbɛ, yooi á yɔkɔ ku gbã zamaaɛ si bɛi akpɔu í la.

Bomma 2, 1:12

bisi do laakaiu fei an naɛ. Si anyii iyi bɛ ŋa má, an muaɛ amani ŋa do mii jiida ŋa do amboe dimi iyi ilaalu ŋa iyi à takoɛ a kù ba, nɔ ilaalu gɔ kaa nɔ ku baa ajɔ kãma si anyiɛ.

Bomma 2, 26:5

Ŋɔi Oziasi wa dɛdɛ Ilaaɔ̃ si waatii kuwɛɛi Zakari fei. Zakariu í nɛ bisi ku mà kuyɛ iyi wa naa hai bi Ilaaɔ̃. Nɔ si waati nŋu bɛ Ilaaɔ̃ í mua Oziasi inɔ didɔ̃ si mii iyi wa ce fei.

Zɔɔbu 32:8

Amma ntɔ ntɔ, mii iyi í ya jɔ̀ amanɛ ku jɛ ilu bisii, í jɛ hundei Ilaaɔ̃ ilu gbugbã fei.

Mɔnda ŋa 2:6

Aɔ̃ Lafɛ̃ɛi í ya mua inɛ laakai. Hai si gɛlɛɛi kumà do yaasei mii ŋa ku gbɔ í ya fita wa.

Woo lasabu 2:26

Do ntɔ inɛ iyi í jɛ jiida si wajui Ilaaɔ̃, nŋui Ilaaɔ̃ í ya na bisi do kumà do inɔ didɔ̃, amma í ya jɔ̀ ilu dulum ku ce icɛ nɔ ku ba amani ku na inɛ jiidau. Nɔ iyi bɛ mɔ ngbɛi. Í yɛi bɛi amanɛ wa sɛi si fufu.

Ezai 28:26

Yaase bɛi Aɔ̃ Lafɛ̃ɛɛ í nyisiɛ ku too si do bɛi í kɔɔ si mbɛ.

Ezekiɛli 28:3

Ì waa tamaa si ì nɛ laakai ì re Daniɛli nɔ nkãma kù waa jɛɛ bɛi asii.

Daniɛli 1:18

Waati iyi ilaalu Nebukanɛsaa í da si bii aa naaò ŋa wau í naa í to. Ŋɔi inɛ ngboi akawe nla ŋau í gbã ŋa í kooò ŋa bi tɛɛ.

Daniɛli 1:20

Ŋɔi ilaaluu í lɔsi ide ŋa ku bee ŋa si gãmɛi ide ŋa iyi í bee inɛ ku jɛ ilu laakai nɔ ku jɛ ilu bisi, nɔ í ba wee ide ku jɛ nŋa í sĩa í re ti woo ce alisi ŋa do ti woo ce dobu dobu ŋa iyi à wa si bommaɛu ikɔ mɛɛwa.

Daniɛli 1:4

Inɛ ŋa iyi í ni a naaò wa ŋau, awaasũ ŋa iyi a kù nɛ leebu si ara nŋa ŋai aa jɛ, nɔ a jɛ mɔkɔ kusĩa ŋa, nɔ a jɛ inɛ ŋa iyi à kɔ̃ò laakai, nɔ a jɛ inɛ ŋa iyi à nɛ kumà nɔ à nɛ bisi, ku ba a ya yɔkɔ a maa ce icɛ inɔ kabai ilaalu, nɔ a kɔ ŋa si feei inɛi Kaladee ŋa ku fɔ. Aa kɔ ŋa si kukɔɛ do kukaɛ feii.

Daniɛli 10:1

Si bomma ku jɛi Sirusi ilaalui Pɛɛsi, si adɔ̃ mɛɛtasiaɛ, Ilaaɔ̃ í ba Daniɛli nŋu iyi à ya kpe Bɛlitasaau ide ku fɔ. Ideu ntɔi, igũ nla nlai á wɛɛ. Ŋɔi í lasabu si ideu, nɔ í gbɔ yaaseɛ.

Daniɛli 2:19

Ŋɔi Ilaaɔ̃ í sɔ̃ Daniɛli yaasei alau si kuyɛ iyi í ce idũ. Ŋɔi Daniɛli í saabu Ilaaɔ̃ Lafɛ̃ɛi leleu.

Daniɛli 2:21

Nŋui í ya kpaasi waati ŋa do mii ŋa iyi à waa ce fei. Nŋui í ya kɛkɛ ilaalu ŋa, nɔ nŋui í ya nyi ku jilɛ ŋa má. Nŋui í ya muaa ilu laakai ŋa laakai jiida, nɔ nŋui í ya jɔ̀ ilu bisi ŋa a ba kumà.

Daniɛli 2:23

Aɔ̃ Lafɛ̃ɛi balam ŋa, ǹ saabuɛi nɔ ǹ wa n cĩɛ na laakai jiida do gbugbã iyi ì muum, domi awɔi ì jɔ̀ ǹ mà yaasei mii iyi à tɔɔɛu. Ntɔ ntɔ, awɔi ì jɔ̀ à gbɔ yaasei mii iyi wa da zigii ilaaluu.

Daniɛli 2:30

Bii í sɔ̃ amu yaasei alau, kù jɛ si na iyi í jɔ̀ laakaii amu í re ti inɛ ŋa iyi à wɛɛ si hunde fei, amma na i ba inɛ iyi á tusɛɛ yaaseɛi nɔ i mà mii iyi í jɔ̀ zigiɛ wa da.

Daniɛli 4:6

Ŋɔi ǹ sɔ̃ɔ ǹ ni, Bɛlitasaa awɔ inɛ ngboi woo ce alisi ŋau, ǹ mà iyi iwɛ̃ jiida ŋa à wa siɛ. Idei asii kãma kaa muɛ biti. Na nŋu, tusɛɛm yaasei ala iyi ǹ ceu bɛ wa.

Daniɛli 5:14

Ǹ gbɔ à ni iwɛ̃ jiida gɔ ŋa à wa siɛ, nɔ bi titɛɛi à ya ba inya kumá ŋa do kumà do laakai iyi í wɛɛ dimi ikã.

Daniɛli 7:1

Si adɔ̃ sintei bommai ku jɛi Bɛlisasaa ilaalui Babilɔni, Daniɛli í ce ala nɔ í yɛ mii nkpɔ nkpɔ. Wa sũi si daayiɛ í bɛi í ce kuyɛu. Si anyiɛ í bɛi í kɔ ala iyi í ceu. Ideu wee.

Daniɛli 8:1

Si adɔ̃ mɛɛtasiai bomma ku jɛi ilaalu Bɛlisasaa, amu Daniɛli ǹ ce kuyɛ gɔ si anyii iyi ǹ tako ǹ yɛu.

Kuka 12:6

Nɔ í sɔ̃ ŋa í ni, i de itĩ i gbɔ idem ku ce ncɛɛ ŋa, bii walii gɔ í wa inɔ nŋɛ, si kuyɛi amu Aɔ̃ Lafɛ̃ɛ ǹ ya n nyisiɛ aram, nɔ si alai ǹ ya n baa ide ku fɔ.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Woo bɛ ŋa 6:10

Amma a kù nɔɔ domi wa fɔ idei do bisi do gbugbãi Hundei Ilaaɔ̃.

Woo bɛ ŋa 7:10

ŋɔi í nyaa hai si wahalaɛ fei. Í muaa bisi nɔ í jɔ̀ í nɛ bɛɛrɛ bi Faraɔ̃ ilaalui Ezibitiu. Ŋɔi Faraɔ̃ í coo minjisiaɛ si ilɛu nɔ í jɔ̀ í jɛ inɛ ngboi kpasɛ̃ɛ má.

Woo bɛ ŋa 7:22

Ŋɔi à kɔa Moizi si bisii inɛi Ezibiti ŋau fei nɔ í baa í jɛ ilu gbugbã si ide ku fɔ do si kuceɛ.

Kolosee 1:9

Na nŋu, hai waati iyi à gbɔ laabaau nŋɛ, waati kãma fei à ya ka maa ce nŋɛ kutɔɔi. À waa tɔɔ Ilaaɔ̃ ku jɔ̀ Hundeɛ ku mu nŋɛ bisi do laakai ku ba i mà idɔɔbiɛ ŋa mam mam.

Zaaki 1:17

Amua jiida do amua kusĩa baa yooma fei hai lelei Aɔ̃i í ya naa. Wa naai hai bi Ilaaɔ̃ Baaba, nŋu iyi í ce inya kumái lele ŋa. Ilaaɔ̃ ci ya kpaasi nɔ ilu kuku kù wa siɛ.

Zaaki 1:5

Do nŋu fei bii bisi í na wa gaizia inɛ akã nŋɛ gɔ, ku tɔɔ Ilaaɔ̃, nŋu iyi í ya mua inɛ fei do inɔ akã hai nɛ kugbagba.